¹ Apo achiuswa Mosisi mabhira hatsadzala wache Jetero, nhatsembe wacuMidia, adatola mabhira cukudu linago lathseseti, apo adauya kunaHorebe, bhango laMulugu. ² Apo hidamuuira guirozi iya CHAGAMIRE mujhajhawale lamoto pacati pathendere: apo iye hadaona, apo hadaona kuti thendere lirikugaca namoto, apo thedere likatwalini. ³ Penepo Mosisi hadaloga: dhinaenda ine chichino, apo dihaone zwipaguizo zwikulu izyi, thagueranhi thendere lisingagaki. ⁴ Pache CHAGAMIRE hadaona kuti aliqwenda caona, Mulugu hadamundaidza alipakati pathenere, hadavhudza: Mosisi, Mosisi! Apo iye hadadaira: Diripano. ⁵ Apo hadavhudza usafedzere kuno; bhulisa chago zako mumwendo, thagwe buto iyaco ulipoino jhakuchena. ⁶ Apo hadaloga: Ine dine Mulugu wababawako, Mulugu waAbraama, Mulugu waIsaque, Mulugu waJacobo.Napenepo Mosisi hadavala khopeache ,thagwe adarcha kuona Mulugu ⁷ Apo adaloga CHAGAMIRE: Ndaona kubonera qwawadhuwangu wali kuIgipito ,apo ndavha kulirakwao nathaguewe lawapudizi wayo; ndhiano ine dinadziwa kuchuphiwa kwao; ⁸ Apo ndachitha kuti diwavhunulire mumajha iyawaIgipito, nakuwabudhisa mubhuto eneyo kuwaendesa inago bhuto iyamuche hidakula, bhuto inaherera mukaka nauchi, kubhuto zamacaneu, zamaheteu, zama amoreu, zamaperizeu, zamaheveu, nazamajebuseu. ⁹ Culira, ndhiano, kwawana kwawana waIsiraeri kwauiya cunaine, apo dhaona cumanikizwa kwao kwao kunaitiwa iyo namaIgipito. ¹⁰ Uya, apo ,chichino, dinakutuma kuna Farao, kuti ubhudise wadhuwagu, wanawaIsiraeri, kuIgipito. ¹¹ Apo Mosisi hadadaira Mulugu: Ndinewani ine, munaditi dhoko kunaFarao, ubhudhise wana waIsiraeri? ¹² Apo iye hadamodaira: Dhoko, thaguwe ine dinaiwe; apo izwi zwichawa chidzidikiro kuti ine dhacutuma: pako uchabhudhisa wadhuwangu muIgipito, muchandinamata mubhago hiri. ¹³ Apo hadaloga Mosisi kuna Mulugu: Apo ine, nighaswika kunawana waIsiraeri, dhichiwavhudza, Mulugu wawabhabawanu hadituma kunaimwe; hapo iyo wagandivhudza; Mbani dzinalache? dhinadzawadairatani? ¹⁴ Mulugu hadadaira Mosisi: INE DINE ZWAGUDINE. Apo hadaloga: dhiano unadzawavhudza wanawaIsiraeri: INE DINE adituma kunaimwe. ¹⁵ Apo hadamuvhudzazwe Mulugu Mosisi: dhiano unawavhudza wanawaIsiraeri: CHAGAMIRE, Mulugu wawabhabhawanu, Mulugu wa Aburaama, Mulugu wa Isaqui naMulugu waJacobo, adituma kunaimwe. Iri dhiro dzinalagu kweda nakweda.izi dhidzo dzeruzagu namakole etse anadzatewera. ¹⁶ Dhoko, huuganize waculuwaculuwa Isiraeri, uwavhudze: CHAGAMIRE, Mulugu wawabhabhawanu, Mulugu wa Abraama, wa Isaqui, nawaJacobo, hadiuyira, achiti: Chadhiko dakumusani, hapo daona zwinaitika kunaimwe cuIgipito; ¹⁷ Apo aloga: Ine nadzakubhudisani cukuchupwa kwanu muIgipito muchienda kudziko la cananeu, apo na kuheteu, na kuamoreu, na cuwaperizeu, na cuwa heveu, nacuwa jebuseu, muchienda cudziko linaerera mukaka na uchi. ¹⁸ Apo wanadzacuvha masoko haco; apo unadzaenda iwe, nawaculuwaculu wacuIsiraeri, kuna mambo waku Igipito, apo unadzamuvhudza: CHAGAMIRE, Mulugu wawa hebreu, atiswikira; ndhiano hife tinaenda chichino ulendo watsiku zitatu kutseseti, cuti tiaite zwinapitsiwa cuna CHAGAMIRE wathu Mulugu. ¹⁹ Apo ine dinazwidziwa cuti Mabo wa Igipito hadzakusiini kuti muende kabhe cuita nae bhoko latsimba. ²⁰ Thaguwe ine nadzathasamula bhoko lagu, dhichikodza Igipito nazwetse zwichamiso zwagu dhichaita cunaiye, apo nadhiano hanadzacusiani cuti muende. ²¹ Apo ine dinadzapa wadhu hawa mahala mumatso awaIgipito, kuitira cuti mugahenda muleke kwenda hamuna chidhu: ²² Pambutho yaizwi achadzacubira mukadzi bhodzi nambhodzi nhachigalisano wache namulendo wache mudziyo waprata, mudziyo wa ouro, naguyo; zwenezwi munadzazwiika kunawanawanu wawaphale nawatsikana, munadzazwipambha cuwaIgipito.