¹ Je mtu hana kazi ngumu juu ya nchi? Je siku zake si kama siku za mwajiriwa? ² Kama mtumwa anayetamani sana kivuli cha jioni, kama mwajiriwa atafutaye ujira wake - ³ hivyo nami nimeumbwa kuvumilia miezi ya taabu; Nami nimepewa taabu - zimeujaza usiku. ⁴ Hapo nilalapo chini, najiuliza mwenyewe, 'Lini nitatoka kitandani na lini usiku utatoweka?' Nimejawa na kujitupa huku na huko hadi mwanzo wa siku. ⁵ Mwili wangu umevikwa minyoo na madonda yenye vumbi; maumivu katika ngozi yangu yamekuwa magumu na kisha hutoweka na huendelea tena. ⁶ Siku zangu zinakimbia kuliko chombo cha kufumia; zinapita bila tumaini. ⁷ Mungu, anakumbuka kwamba maisha yangu ni pumzi tu; jicho langu halitaona mema tena. ⁸ Jicho lake Mungu, huyo anionaye mimi, halitaniangalia tena; Macho ya Mungu yatanitazama, lakini sitakuwako. ⁹ kama vile wingu liishavyo na kutoweka, hivyo wale waendao sheoli hawatarudi tena kabisa. ¹⁰ Yeye hatarudi tena nyumbani kwake, wala mahali pake hapatamtambua tena. ¹¹ Kwa sababu hiyo sitakizuia kinywa changu; Nitasema juu ya maumivu makubwa ya roho yangu; Nitanung'unika juu ya uchungu wa nafsi yangu. ¹² Je mimi ni bahari au kiumbe cha kutisha baharini hata ukaweka mlinzi juu yangu? ¹³ Hapo nisemapo, 'kitanda changu kitanifariji, na malazi yangu yatatuliza manung'uniko yangu,' ¹⁴ halafu unitishapo kwa ndoto na kunitisha kwa maono, ¹⁵ ili nichague kunyongwa na kufa kuliko kulinda mifupa yangu hii. ¹⁶ Ninayachukia kabisa maisha yangu; sitamani siku zote kuwa hai; usinisumbue maana siku zangu hazifai. ¹⁷ Je mtu ni nini hata ukatia bidii kwake, na ukaweka akili yako kwake, ¹⁸ na kumwangalia kila asubuhi, na kumjaribu kila mara? ¹⁹ Je itachukuwa muda gani kabla hujaacha kuniangalia, wala kunisumbua muda wa kutosha kwaajili ya kumeza mate yangu? ²⁰ Hata kama nimefanya dhambi, itakusaidia nini, wewe ulindaye wanadamu? Kwa nini umenifanya shabaha yako, kiasi kwamba nimekuwa mzigo kwako? ²¹ Kwa nini haukunisamehe makosa yangu na kuniondolea uovu wangu? kwa kuwa sasa nitalala mavumbini; na wewe utanitafuta kwa bidii, lakini sitakuwako."