¹ Je waweza kumvua mamba kwa ndoano ya samaki? Au kumfunga taya zake kwa kamba? ² Je waweza kuweka kamba katika pua zake, au kumtoboa taya yake kwa ndoano? ³ Je atafanya maombi mengi kwako? Je atazungumza na wewe kwa maneno laini? ⁴ Je atafanya agano na wewe, ili kwamba umchukue kwa ajili ya mtumishi milele? ⁵ Je utacheza pamoja naye kama ambavyo ungecheza na ndege? Je utamfunga kwa ajili ya mtumishi wako wa kike? ⁶ Je makundi ya wavuvi waweza kumfanyia biashara? Je watamgawanya ili kufanya biashara miongoni mwa wafanya biashara? ⁷ Je waweza kuijaza ngozi yake kwa vyusa au kichwa chake kwa mikuki ya kuvulia? ⁸ Weka mkono wako juu yake mara moja, nawe utaikumbuka vita na hautaendelea kufanya hivyo tena. ⁹ Tazama, matumaini ya kila mtu ambaye hufanya hivyo ni uongo; je si kila mmoja atatupwa chini katika nchi mbele yake? ¹⁰ Hakuna aliye mkali ambaye aweza kuthubutu kumtikisa mamba; Ni nani basi awezaye kusimama mbele yake? ¹¹ Ni nani kwanza aliyenipa kitu chochote ili kwamba niweze kumlipa? Chochote kilicho chini ya anga ni changu. ¹² Sitanyamaza kimya kuhusu miguu ya mamba, wala kuhusu jambo linalohusu nguvu zake, wala kuhusu umbo lake zuri. ¹³ Nani awezaye kuiondoa ngozi yake? Nani anaweza kumchoma kwa silaha mara mbili? ¹⁴ Nani awezaye kuifungua milango ya uso wake, imezungukwa na meno yake ambayo yanaogofya? ¹⁵ Mgongo wake umefanywa kwa magamba yenye mistari, yamefungwa kwa pamoja kama chapa. ¹⁶ Moja li karibu na jingine na ya kuwa hakuna hewa inaweza kupita katikati yake. ¹⁷ Yameunganishwa moja kwa jingine; yamegandamana kwa pamoja, ili kwamba hayawezi kutenganishwa. ¹⁸ Mwanga hung'ara kutoka katika kupumua kwake; macho yake ni kama kope za mapambazuko ya asubuhi. ¹⁹ Ndani ya mdomo wake hutoka miali ya mwanga, chembe za moto huruka nje. ²⁰ Katika pua zake hutoka moshi kama chungu kinachotokota juu ya moto ambao umechochewa ili uwe na joto sana. ²¹ Pumzi yake huwasha mkaa na kuwa mwali; moto hutoka katika mdomo wake. ²² Katika shingo yake kuna nguvu, na kitisho hucheza mbele yake. ²³ Nofu za mwili wake zimeunganishwa pamoja; ziko imara katika yeye; wala haziwezi kuondolewa. ²⁴ Moyo wake ni mgumu kama jiwe - hakika, ni mgumu kama jiwe la chini la kusagia. ²⁵ Na anaposimama mwenyewe, hata miungu huogopa; hurudi nyuma kwasababu ya hofu. ²⁶ Na ikiwa atapigwa kwa upanga, hauwezi kumfanya kitu chochote, wala mkuki, wala mshale, wala aina yoyote ya silaha iliyochongoka. ²⁷ Yeye hufikiri juu ya chuma kana kwamba ni majani makavu na hufikiri juu ya fedha kana kwamba ni ubao uliooza. ²⁸ Mshale hauwezi akamfanya akimbie; kwake yeye mawe ya kombeo huwa kama makapi. ²⁹ Marungu huyaangalia kama majani makavu; yeye hucheka juu ya mkuki unaovuma. ³⁰ Sehemu zake za chini zi kama vipande vilivyochongoka vya vyungu; huacha alama zilizosambaa katika udongo kana kwamba alikuwa ni chombo cha kusagia. ³¹ Yeye hukifanya kilindi kichemke kama chungu cha maji ya moto; huifanya bahari kama chungu cha lihamu. ³² Yeye huifanya njia ing'are nyuma yake; mtu mmoja angedhani kilindi kuwa cheupe. ³³ Hakuna cha kumlinganisha juu ya dunia, ambaye yeye alikuwa ameumbwa kuishi pasipo hofu. ³⁴ Hukiona kila kitu chenye kiburi; yeye ni mfalme juu ya wana wote wa kiburi."