¹ Nimefanya patano na macho yangu; ni kwa namna gani tena napaswa kumtazama mwanamwali kwa tamaa? ² Ni sehemu gani kutoka kwa Mungu juu, na urithi gani kutoka kwake mwenye nguvu aliye juu? ³ Nilikuwa nafikiri kwamba majanga ni kwa watu wasio na haki, na misiba ni kwa ajili ya watu watendao mabaya. ⁴ Je Mungu hazioni njia zangu na kuzihesabu hatua zangu zote? ⁵ Kama nimetembea katika udanganyifu, kama mguu wangu umeharakisha kwenda kusema uongo, ⁶ na nipimwe katika vipimo vilivyo sawa ili kwamba Mungu aujue uadilifu wangu. ⁷ Kama hatua zangu zimegeuka kutoka katika njia sahihi, kama moyo wangu umetembea kwa kufuata tamaa ya macho yangu, na kama doa lolote la uchafu limeng'ang'ania katika mikono yangu, ⁸ na kisha mimi nipande nafaka na mtu mwingineale; mavuno niliyoyapanda na yang'olewe katika shamba langu. ⁹ Na kama moyo wangu umevutiwa na mwanamke mwingine, ikiwa nimelala na mke wa jirani yangu katika hali ya kuvizia katika mlango wake, ¹⁰ na ndipo mke wangu na asage nafaka kwa mwanaume mwingine, na wanaume wengine na walale naye. ¹¹ Na kwa hilo litakuwa ni kosa kubwa; kwa kweli, utakuwa ni uovu wa kuadhibiwa na waamuzi. ¹² Kwa kuwa ni moto ambao unateketeza kila kitu kwa uharibifu, na kwamba utaunguza mavuno yangu yote. ¹³ Ikiwa nilikataa ombi la haki kutoka kwa watumishi wangu wa kiume na wa kike wakati walipohojiana nami, ¹⁴ kisha nini basi ningefanya wakati Mungu anapoinuka ili kunishitaki mimi? Atakapokuja kunihukumu, nitamjibuje? ¹⁵ Je yeye aliyenifanya mimi tumboni hakuwafanya wao pia? Je yeye si yeye yule aliyetuumba sisi wote katika tumbo? ¹⁶ kama nimewanyima watu masikini mahitaji yao, au kama nimesababisha macho ya wajane yafifie kwa kulia, ¹⁷ au ikiwa kama nimekula kipande changu cha mkate na sijawaruhusu wale wasio na baba kukila pia - ¹⁸ kwa sababu tangu ujana wangu yatima walikua pamoja nami kama kuwa na baba, nami nimemwongoza mama yake, mjane, tangu katika tumbo la mama yangu mwenyewe. ¹⁹ ikiwa nimemwona yeyote akiangamia kwakukosa mavazi, au kama nimemwona mtu mhitaji akiwa hana nguo; ²⁰ ikiwa moyo wake haujanibariki kwasababu amekuwa hajatiwa joto na sufu ya kondoo zangu, ²¹ ikiwa nimeinua juu mkono wangu kinyume na watu wasio na baba kwa kuwa niliona msaada wangu katika lango la mji, na kisha kuleta mashitaka dhidi yangu. ²² Ndipo bega langu na lianguke kutoka katika sehemu yake, na mkono wangu uvunjike katika kiungo chake. ²³ Kwa kuwa niliogopa uharibifu kutoka kwa Mungu; kwasababu ya mawazo ya ukuu wake, nisingeweza kufanya mambo hayo. ²⁴ Kama ningeifanya dhahabu kuwa tumaini langu, na kama ningesema kwa dhahabu safi, 'wewe unanifanya kuwa na tumaini'; ²⁵ na kama nimefurahi kwasababu ya utajiri wangu ulikuwa mkubwa, kwa kuwa mkono wangu umepata mali nyingi, na kisha kuleta mashitaka dhidi yangu! ²⁶ Ikiwa nimeliona jua lilipowaka, au mwezi ukitembea katika mng'ao wake, ²⁷ na kama moyo wangu umevutwa kwa siri kuviabudu, ili kwamba mdomo wangu umeubusu mkono wangu katika ibada yao - ²⁸ hili nalo pia lingekuwa ni ubaya wa kuadhibiwa na waamuzi, kwa kuwa ningekuwa nimemkana Mungu aliyejuu. ²⁹ Ikiwa nimefurahia uharibifu wa yeyote ambaye ananichukia mimi, au kuwapa hongera wakati majanga yanapowapata, ndipo ulete mashitaka dhidi yangu! ³⁰ Kwa kweli sijauruhusu hata mdomo wangu kutenda dhambi kwa kuuomba uhai wake kwa laana. ³¹ Ikiwa watu wa hema yangu hawajasema,' Nani aweza kumpata mtu ambaye hayashibishwa na chakula cha Ayubu? ³² (hata mgeni hajawahi kukaa katika pembe ya mji, kwa kuwa siku zote nimefungua milango yangu kwa ajili ya wasafiri), na kama haiko hivyo, ndipo mlete mashitaka kinyume nami! ³³ Ikiwa, kama binadamu nimezificha dhambi zangu kwa kuficha hatia ndani ya kanzu yangu - ³⁴ kwa kuwa niliogopa kusanyiko kubwa, kwasababu ya matwezo ya familia yaliniogopesha, hivyo basi nilinyamaza kimya na sikuweza kwenda nje, basi nileteni mashitaka dhidi yangu! ³⁵ Ee, kama nilikuwa na mtu wa kunisikiliza! Ona, hii ni saini yangu; na Mwenye nguvu na anijibu! Ikiwa nilikuwa na shitaka rasmi ambalo adui yangu ameliandika! ³⁶ Hakika ningelibeba hadharani juu ya bega langu; ningeliweka juu kama taji. ³⁷ Ningemweleza hesabu ya hatua zangu; na kama mwana wa mfalme mwenye kujiamini ningepanda kwenda kwake. ³⁸ Kama nchi yangu ingelia dhidi yangu, na matuta yake yaomboleza pamoja, ³⁹ ikiwa nimekula mavuno yake bila kulipia au kama nimesababisha wamiliki wake kupoteza maisha yao, ⁴⁰ ndipo miiba na iote badala ya ngano na magugu badala ya shayiri." Maneno ya Ayubu yamemalizika.