¹ Kwa nini nyakati za kuwahukumu waovu hazikuwekwa na Mwenyezi? Kwa nini siyo wale waliowaaminifu kwa Mungu huziona siku za hukumu zikija? ² Kuna waovu waondoao alama za mipaka; kuna waovu walichukua kundi kwa nguvu na kulifanya lao. ³ Wanawadhurumu wanyonge punda wao; wanachukua ng'ombe wa mjane kuwa dhamana. ⁴ Wanawaondoa wahitaji katika njia zao kwa lazima; masikini wa dunia yote wanajificha kutoka kwao. ⁵ Tazama, masikini hawa huenda kufanya kazi kama punda-mwitu mwituni, akitafuta chakula kwa uangalifu; pengine nyika itawapatia chakula kwa ajili ya watoto wao. ⁶ Lakini masikini huvuna katika mashamba ya wengine usiku; wanakusanya zabibu kidogo kutokana na mapato ya waovu. ⁷ Wana lala bila kujifunika wakati wa usiku; hawana cha kujifunika wakati wa baridi. ⁸ Wanalowanishwa na mvua ya milimani; wanalala pembeni mwa miamba mikubwa kwani hawana makao. ⁹ Lakini kuna waovu wanaowapokonya yatima katika kifua cha mama zao, na waovu wawachukuao watoto kama dhamana kutoka kwa masikini. ¹⁰ Lakini masikini wanatembea uchi; wajapokaa na njaa, wanawabebea wengine chakula. ¹¹ Masikini wanazalisha vinono ndani ya nyumba za waovu; wanakamua zabibu kwenye mashinikizo ya waovu, lakini wao hawanywi wanakiu. ¹² Watu wananung'unika mjini; waliojeruhiwa wanaomboleza, lakini Mungu hasikilizi maombi yao. ¹³ Baadhi ya waovu hawa wanaiasi nuru; hawafahamu njia zake, wala kukaa katika njia zake. ¹⁴ Muaji huinuka na nuru; huuwa masikini na waitaji; ni kama mwizi wakati wa usiku. ¹⁵ Pia, mzinifu hungoja wakati wa usiku; husema, 'Hakuna anionaye.' Hujibadilisha. ¹⁶ Waovu huingia katika nyumba gizani, lakini hujifungia wakati wa mchana; hawajari nuru. ¹⁷ Kwa kuwa asubuhi kwao wote ni kama giza totoro; wanaamani na vitisho vya giza totoro. ¹⁸ Wanapotea polepole, lakini, kama povu juu ya maji; shamba lao limelaaniwa; hakuna anayekwenda kufanya kazi katika mashamba yao ya mizabibu. ¹⁹ Kiangazi na joto huondoa barafu; ndivyo kuzimu pia kunavyowaaribu waliotenda dhambi. ²⁰ Mama yake atamsahau; polepole funza watamuuma; hatakumbukwa tena; kwa hiyo, waovu watavunjika kama mti. ²¹ Mwovu anamrarua mgumba; hawatendi jema lolote kwa mjane. ²² Bado Mungu huwaondoa wenye nguvu kwa nguvu zake; huinuka na kuwadhoofisha. ²³ Mungu huwaacha wajione wako salama, na wanalifurahia hilo, lakini anayaangalia maisha yao. ²⁴ Watu hawa wanatukuzwa; bado, kitambo tu, watapotea; hakika, watashushwa; watakusanywa kama wengine wote; wataondolewa kama sehemu ya juu ya masikio ya nafaka. ²⁵ Ikiwa sivyo, nani atanithibitisha kuwa mwongo; atakaye fanya maneno yangu kuwa si kitu?"