¹ Kisha Ayubu akajibu na kusema, ² "Hata hivi leo malalamiko yangu ni machungu; maumivu yangu ni mazito kuliko manung'uniko yangu. ³ Ee, ningejua niwezapokumwona mungu! Ee, kwamba ningeweza kwenda alipo! ⁴ Ningeweka shitaka langu mbele yake na kukijaza kinywa changu hoja. ⁵ Ningejua ambavyo angenijibu na kufahamu ambavyo angesema juu yangu. ⁶ Je angehojiana nami katika ukuu wa nguvu zake? Hapana, angenisikiliza. ⁷ Pale mwenye haki angehojiana nami. Kwa njia hii ningeonekana bila hatia kwa mwamzi wangu. ⁸ Tazama, naelekea mashariki, lakini hayupo pale, na upande wa magharibi, lakini siwezi kumwona. ⁹ Kaskazini, anapofanya kazi, lakini siwezi kumwona, na kusini, anapojificha hata nisimwone. ¹⁰ Lakini anaijua njia ninayoichukua; atakapokuwa amenipima, nitatoka kama dhahabu. ¹¹ Mguu wangu umeunganishwa na hatua zake; nimezitunza njia zake na sijageuka. ¹² Sijaiacha amri ya midomo yake; nimeyatii maneno ya kinywa chake. ¹³ Lakini yeye ni wa pekee, naniawezaye kumgeuza? Analolitaka, hulitenda. ¹⁴ Kwa maana hulitimiza agizo lake kinyume changu; anamipango mingi kwa ajili yangu; ipo mingi kama hiyo. ¹⁵ Kwa hiyo, nimetishwa mbele zake; ninapofikiri kumhusu, ninamwogopa. ¹⁶ Kwani Mungu ameudhoofisha moyo wangu; Mwenyezi amenitisha. ¹⁷ Si kwa sababu nimeondolewa na giza, wala siyo kwamba giza nene limeufunika uso wangu.