¹ Ulipofika, wakati BWANA alipopenda kumpandisha Eliya kwenda mbinguni kwa upepo wa kisulisuli , Eliya aliondoka pamoja na Elisha kutoka Gilgali. ² Eliya akamwambia Elisha, "Kaa hapa, tafadhali, kwa sababu BWANA amenituma niende mpaka Betheli." Elisha akajibu, "Kama BWANA aishivyo, na kama uishivyo, sitakuacha." Hivyo wakashuka chini kuelekea Betheli. ³ Wana wa manabii ambao walikuwa Betheli walikuja kwa Elisha na kumwambia, "Je unajua kwamba BWANA atamwondoa bwana wako kuanzia leo?" Elisha akajibu, "Ndiyo, nalijua hilo, ila msizungumze kuhusu hilo." ⁴ Eliya akamwambia, "Elisha, subiri hapa, tafadhali, kwa kuwa BWANA amenituma niende Yeriko." Kisha Elisha akajibu, "Kama BWANA aishivyo, na kama uishivyo, sitakuacha." Hivyo wakaenda Yeriko. ⁵ Kisha wana wa manabii ambao walikuwa Yeriko wakaja kwa Elisha na kumwambia, "Je unajua kwamba BWANA atamwondoa bwana wako kutoka kwako leo?" Elisha akajibu, "Ndiyo, nalijua hilo, lakini msilizungumzie hilo." ⁶ Kisha Eliya akamwambia, "Kaa hapa, tafadhali, kwa kuwa BWANA amenituma kwenda Yeriko." Elisha akajibu, "Kama BWANA aishivyo, na kama uishivyo, sitakuacha." Hivyo wawili wakaenda mbele. ⁷ Baadaye watu hamsini wa watoto wa wale manabii wakasimama kuwakabili kwa mbali kidogo wale wawili wakasimama karibu na Yordani. ⁸ Eliya akachukua vazi lake, akaliviringisha, na kuyapiga maji kwa kutumia lile vazi. Ule mto ukagawanyika katika sehemu mbili hivyo basi wawili hao wakatembea hadi nchi kavu. ⁹ Ilitokea, walipokwisha kuvuka, kwamba Eliya akamwambia Elisha, "Niambie unachotaka nifanye kwako kabla sijaondolewa kutoka kwako." Elisha akajibu, "Naomba sehemu kubwa ya roho yako ije kwangu." ¹⁰ Eliya akajibu, "Umeomba jambo gumu. Hata hivyo, kama ukiniona wakati nitakapoondolewa kutoka kwako, hii itatokea kwako, lakini kama sivyo, haitatokea." ¹¹ Ikawa walipokuwa bado wakienda mbele na kuzungumza, gari la kukokotwa na farasi lenye moto na farasi wa moto ikatokea, ambapo iliwatenga kutoka kila mmoja, na Eliya akaenda juu kwa upepo wa kisulisuli kwenda mbinguni. ¹² Elisha akaiona akalia kwa sauti, "Baba yangu, baba yangu, gari la kukokotwa na farasi la Israeli na waendesha farasi!" Hakumwona Eliya tena, na akashikilia nguo zake mwenyewe na kugawanya kwenye vipande viwili. ¹³ Akachukua vazi la Eliya lililokuwa limemwangukia, na kurudi kusimama kwenye ukingo wa Yordani. ¹⁴ Akayapiga maji pamoja na lile vazi la Eliya alilokuwa ameliangusha na kusema, "BWANA uko wapi, Mungu wa Eliya?" Wakati alipoyapiga yale maji, yaligawanyika katika pande mbili na Elisha akavuka. ¹⁵ Wakati hao wana wa manabii ambao walitoka Yeriko walipomuona akikatiza kwao, wakasema, "Roho ya Eliya imepumzika kwa Elisha!" Hivyo wakaja kuonana naye, na wakasujudu ardhini mbele yake. ¹⁶ Wakamwambia, "Ona sasa, miongoni mwa watumishi wako kuna watu hamsini hodari. Tunakuomba waache waende, na kumtafuta bwana wako, endapo huyo Roho wa BWANA alipomchukua juu na kumtupa juu ya mlima mmoja au kwenye bonde moja." Elisha akajibu, "Hapana, msiwatume." ¹⁷ Lakini walimsihi Elisha hadi akaona aibu, akasema, "Watume." Ndipo wakawatuma watu hamsini, na wakatafuta kwa muda wa siku tatu, lakini hawakumpata. ¹⁸ Wakarudi kwa Elisha, wakati alipokuwa bado yuko Yeriko, na akasema, "Je sikusema, 'msiende?'" ¹⁹ Watu wa mjini wakamwambia Elisha, "Ona, tunakuomba, hali ya mjini hapa ni pazuri, kama bwana wangu awezavyo kuona, lakini maji ni mabaya na hiyo nchi huzaa mapooza." ²⁰ Elisha akajibu, "Nileteeni chombo kipya na muweke chumvi ndani ya hicho chombo," hivyo wakamletea. ²¹ Elisha akaenda hadi kwenye chemichemi za maji na kutupia chumvi ndani; halafu akasema, "BWANA asema hivi, 'Nimeyaponya haya maji. Kuanzia muda huu, hakutakuwa na kifo au nchi isiyozaa matunda.'" ²² Hivyo hayo maji yakapona hata leo, kwa lile neno ambalo Elisha aliongea. ²³ Ndipo Elisha akapanda kutoka pale mpaka Betheli. Naye lipokuwa akienda hadi kwenye barabara, wakatokea vijana nje ya mji na kumtania, wakamwambia, "Paa juu, wewe mwenye kipara! Paa juu, wewe mwenye kipara!" ²⁴ Elisha alipotazama nyuma yake na kuwaona; akawalaani kwa jina la BWANA , na dubu wa kike wawili wakatokea kichakani na kuwararua vijana arobaini na mbili. ²⁵ Ndipo Elisha alipoondoka pale na kuelekea Mlima Karmeli, na kutoka huko alirudi samaria.