¹ Kwa vivyo kuna chausa, uwe ahukumiye, ka kukala kahi-za gara ahukumirago munjine anadzibuma makosini mwenyewe. Kwa kukala uwe uhukumuye unahenda maufu gago-gago. ² Ela hunamanya kukala hukumu ya Mulungu ni ya jeri dzulu ya ahendao mautu dza gago. ³ Ela uwe aza tafakari riri, uwe uriye unahukumu arahu ahendao mautu gago idzavhokala nawe ahahenda matu gago-gago. Je andadzitivya na hukumu ya Mulungu? ⁴ Hebu ana anza chidogo sana dzulu ya unji wa udzowe kutowa kwa hukumuye , na uvumirivu we? Je kumanya vya kukala adzowe unafaha ukulongoze kahi-za toba? ⁵ Ela kwa ufu wa kwako kwa moyo wa kwako usio na toba unadzikira mwenye akiba ya koro ya hachi ya tsiku arahu ya ufunulo wa hachi ya Mulungu. ⁶ Iye yunda murivha chila mutu chipimo karakara na mahendoge. ⁷ Kwa arahu ario kwa akarakara mahendo ayeya nguma, hishima na kutsa banangika, yunda avha uzima wa kare. ⁸ Ela kwa arahu ario na kudzihonza, asiotuwa ujeri anatawa kutsa hachi, usiru na karo nyinji indakudza. ⁹ Mulungu yandareha kusirima na tabu dzulu ya chila roho ya binadamu arie-henda ai, kwa muyahudi kwanza, na kwa muyunani pye. ¹⁰ Ele nguma, hishima na reri indadza kwa chila mutu ahendae madzo, kwa muyahudi kwanza na kwa muyunani pye. ¹¹ Kwa kukala kakuna kuhenzekevya kwa Mulungu. ¹² Kwa kukala dza-vira anji ariokosa vhasivho sharia anda angamika vhasivho sharia, na dza-vira anji ariokosa kwa sharia andahukumiwa kwa sharia. ¹³ Kwa kukala si kwa asikirao sharia ario ni enye hachi mbere za Mulungu, ela ni arahu ahendao sharia ndo ondatarirwa hachi. ¹⁴ Kwa kukala atu a mataifa ario kana sharia , anahenda ka kula kwa mautu ga sharia, ao, adzikala sharia kwa roho zao, idzavhokala ao kana sharia. ¹⁵ Kwa rivi anonyesa kukala mahendo gahonzekanago kutuwizira sharia gandziandikwa ndani ya mioyo yao. Nia za kwao pia zina-ambira ao, na mazo gao enyee hebu gana-ashitaki na karinda ao enyee. ¹⁶ Gaga gandakula kahiza tsiku iriyo Mulungu yandazihukumu atu osi, karakara na injili yangu kwa njira ya Jesu Kristo. ¹⁷ Hambe kukala udziha Muyahudi ariyekala kahiza sharia, tsiratsira kwa kudzivha nguma kwa Mulungu, ¹⁸ gamanye mahendzo-ge, na kupima mautu amabago gasigohalanago, bada ya kulagizwa ni sharia. ¹⁹ Ni hambe vyakukala una ungmbau, kukala uwe mwenye uchilongozi wa chipofu, ,mwangaza kwa arahu ario adzinani , ²⁰ Aikaye karakara azuzu, mwalimu wa ahahu, na kukala ana kahiza sharia, elimu na jeri. ²¹ Uwe uahubiriye muyawe , je kudzifunzya mwenye? uwe uhubiriye kutsaiya, je, uneya? anjine, je kudzifunduisha mwenye? Una-ahubiriya asi-iye, je we nawe anaiya? ²² Uwe wambaye usizinge, je unazinga? uwe utsikiriraye chizaka, je uneye hekaluni? ²³ Uwe udzivhaye nguma dzulu ya sharia, je kumutsakizya Mulungu? ²⁴ Kwa kukala “dzina ra Mulungu rinatsikivya kahiza atu a mataifa kwa chausa chenu" here irivyo andikwa. ²⁵ Kwa kukala kubumwa iwambeni jeri kunafaha kwa kutuwa sharia, era ichikala kutuwa sharia kubumwa iwembeni kwako kunakala kutsabumwa lwembeni. ²⁶ Kwa vivyo ichikala mutu asiyebumwa lwembeni, yunaenderera kutuwa sharia , je kutsabumwa lwembeni kwako kunakala kutsabumwa lwembeni? ²⁷ Na iyeasebumwa lwembeni chikawaida kandakuhukumu achitimiza sharia?Ii ni kwa chausa cha mandiko garigo andikwa, kabumwa lwembeni pye ela kutuwa sharia. ²⁸ Kwa kukala iye si muyahudi chinze, wala kukumwa lwembeni si kurahu kwanze hachaye kuhiza mwiri. ²⁹ Ela iye ni muyahudi chindani, na kumwa lwembeni ni kwa moyo, si kuhiza andiko. Nguma ya mutu iye kayombola kula kwa atuela kwa Mulungu.