¹ Paulo, muhumishi wa Jesu Kristo, ariye-ihiwa kukula muhumwa, na kutengwa kwa ajili ya injili ya Mulungu. ² Iii ndio irahu injili ario-ilavya chilagane kapindi kuchirira manabii a kwakwe kahi-za maandiko matsunyu. ³ Ni kuhusu mwanawe, ariyevyalwa kula lukolo lwa Daudi kwa njrai ya mwiri. ⁴ Iye watangazwa kukala mwana wa Mulungu kwa mukotse wa Roho mtsunyu kwa ufufulo wa ariofa, Jesu Kristo Bwana wehu. ⁵ Kwa iye huvokera neema na uhumwi kwa kusikisa wa Imani kahi-za mataifa gosi, kwa ajili ya dzinare. ⁶ Kahi-za mataifa gaga, mwimwi pye madzi-ihiwa kukula a Jesu Kristo. ⁷ Barua ii ni kwa osi ario-Rumi, ahenzwao ni Mulungu, ario-ihiwa kukala atu atsunyu. Neema na ikale kwenu na reri kula kwa Mulungu Bayehu na Bwana Jesu Kristo. ⁸ Kwanza namshukuru Mulungu wangu kahi-za Jesu Kristo kwa ajili yenu Mosini, kwa kukala Imani yenu inahurubiriwa dunia yosi. ⁹ Kwa kukala Mulungu ni shahidi wangu , nimuhumikiaye kwa roho yangu kahi-za injili ya mwanawe, here nimuhadzavyo vhasiro kuricha. ¹⁰ Tsiku zosi navoya kahi-za sala zangu kukala kwa njira yoyosi. Mwishowe nikale na mafanikio kwa mahenzo ga Mulungu kahi-za kudza kwenu. ¹¹ Kwa kukala ninahonza nimone, ili nipate kuavha mwimwi sehemu ya vipawa vya rohoni, ili nimuhendye muime tototo . ¹² Kwa kukala, nalorera kabumwa Moyo vamwengwa namwi, kwa njira ya Imani ya chila mumwenga wehu,ya kwehu na ya kwangu. ¹³ Vikara enehu, senzi mukose kumanya kukala, mara nyinji nidzihenza kudza kwenu, , (ela dzizuliwa vivi hikara). Nahenza vivi ili kukale na matunda here irivyo pye kahiza mwa atu a mataifa. ¹⁴ Naiswa ni Ayunani na ajeni pye , alachu na azuzu ¹⁵ kwa vivyo, chivyangu, mimi tayari kutangaza injili pye kwenu murio kuko roma. ¹⁶ Kwa kukala siyonera webu injili, kwa kukala ina uweza wa Mulungu urehao wokoli kwa chila aminiye, kwanza kwa Muyahudi na Muyunani. ¹⁷ Kwa kukala hachi ya Mulungu idzionyeshwa kula Imani ta Imani, here irivyoandikwa, “ mwenye hachi yundaishi kwa Imani.” ¹⁸ Kwa kukala koro ya Mulungu idzionyeshwa kula Mlunguni kula na kuhonda mai na uli wosi ario kwa njira ya ui unafitsa ujeri. ¹⁹ Ii ni kwa kukala, gosini gamanyikanayo dzulu ya Mulungu ga inazu kwao. Kwa kukala Mulungu Yadziamanyisa. ²⁰ Kwa kukala mautuge gasigo-onekana tototo gakala iwazu hangu kumbwa kwa urumwengu. Ganamanyikana kuchirira vitu virivyo-umbwa. Mautu gaga ni ga uwezowe wa kare na chaho cha umulungu. Maomboreroge , atu kandalumira. ²¹ Iii ni kwa kukala, amanya kuhusu Mulungu, ela kamulikire here Mulungu, wala kamuvhire shukurani. Kanda na vhavho, , akala apumbavu kahi-za mazogao, na mioyo yao irio na azuzu yabumwa dziza. ²² adziha ni alachu, ela achikala azuzu. ²³ Augaluza utukufu wa Mulungu asekala na ubananzi kwa mufano wa sura ya binadamu ariye na ubananzi, na tsenyo , na anyama a magulu mane, na ya vyumbe vihambalavyo. ²⁴ kwa vivyo Mulungu achiaricha atue tamaa za mioyo yao ya ukolo, kwa miri yao kushioneshwa baina yao. ²⁵ Ni ao ario-ugaluza ujeri wa Mulungu kukala ulongo, na ario iyabudu na kuhumumikira vyumbe kariko ya Mumbi, ambaye alikwae kare, Amina. ²⁶ Kwa chausa chichi, Mulungu waaricha atue tamaa zao za webu , kwa kukala ache ao agaluza mahumiza gao ga ehaho kwa chirahu chiricho kachikarakara chaho.. ²⁷ Vivyo vivyo alume pye achirichea mahumizi gao ga chaho kwa chirahu chiricho kachikarakara na chaho, tamaa kwa ao enyeee, ao ni alume ayawayo gasigo afaha na achibumwa adabu kurakara na kutsalau kwao. ²⁸ Kwa chausa cha kukahala kukala na Mulungu kahiza akili zao, waaricha atuwe akili zao za kutsalau. ²⁹ Adzudzalwa ni kutsahendi hacho, ui, tamaa ubaya . Adzuzalwa ni wivu, kulaga, malumbano, ulongo, na nia mbii. ³⁰ Ao pye ni anyambo, enye matsinzira, na enye kumtsukirirwa Mulungu. Enye fujo, kudzikulula na madzivunyo. Ao ni atungao mai, asio asikisa. ³¹ Ao kamanya chitu, kakuluvhirika, kana, mahanzo ga chaho, asio na mbazi. ³² Anamanya sharia za Mulungu , kukala afu ahendao mautu dza gaga anafaha chifo. Ela si kwa kukala anahenda maufu gaga, ao pye anakubaliana na arahu ahendao mautu gago.