¹ Namulavya kwenu ndugu yehu wa chiche ariye muhumiki wa kanisa riroko Kenkrea, ² Iii kukala munawe kumovokera Bwana. Hendani vivi kahiza moyo cha thamani wa aumini na mwime vamwenga naye kahiza neno rorosi rondokala na uhitaji naro. Kwa kuka mwenye yudzikala muhuduma wa anji, na kwa ajili yangu mwenye. ³ Mulamuse Priska na Akila, ahenda kazi vamwenga nami kahiza Kristo Jesu. ⁴ Ario kwa maisha gangu agahatarisha maisha gao enye. Ninalavya shukurani kwao, na si mimi hacheye pye kwa makanisa gosini ga mataifa. ⁵ Rilamuse kanisa riro nyumbani kwao. Mulamuse Epanieto muhenzwi wangu, ariye mimba mbere wa Kristo kahiza Asia. ⁶ Mulamuse Mariamu ariye yuhenda kazi kwa chadi kwa ajili yenu. ⁷ Mulamuse Androniko na Yunia, adamu angu na afungwa vamwenga nami. Anafaa kahiza mitume ario pye atangulia kumumanya Kristo kuriko mimi. ⁸ Mulamuse Ampliato, muhenzwi wangu kahiza Bwana. ⁹ Mulamuse Urbano, muhenda kazi vamwenga nami kahiza Kristo, na Stakisi muhenzwi wangu. ¹⁰ Mulamuse Apele, mwenye kukubaliwa kahiza Kristo, Alamuse osini ario kahiza nyumba ya Aristobulo. ¹¹ Nilamsira Herodioni, mudamu wangu, nilamusira osini ario kahiza nyumba ya Narkiso, ario akuko kahiza Bwana. ¹² Nilamusira Trifaina na Trifosa ahendao kazi kwa chidi kahiza Bwana. Nilamusira Persisi muhenzwi, ariye yuhenda kazi muno kwa Bwana. ¹³ Nilamusira Rufo, ariyetsaguliwa kahiza Bwana na ameye ariye ni mayo pya. ¹⁴ Mulamuse Asinkrito, Flegon, Herme, Patroba, Herma, na ndugu osini ario vamwenga nao. ¹⁵ Nilamusira Filologo na Yulia, Nerea na nduguye wa chiche, na Olimpa, na aumini osini ario vamwenga nao. ¹⁶ Lamusanani chila mumwenga kwa busu tsunyu. Makanisa gosini kahiza Kristo gana mulamusa. ¹⁷ Vivi ninamuvoya enehu mwaze dzulu ya ao ario anasabisha kugavyana vipingamizi. Anenenda chunyume na mafunzyo garigo nidzisira mudzidzifunzya. Galukani mombole kwao. ¹⁸ Kwa kukala atu kadza aa ka-muhumikira Kristo Bwana, bali isivokala ndani zao enyee. Kwa maneno gao madzo na pongezi za ulongo anakenga mioyo ya asio kala na kosa. ¹⁹ Kwa mufano wa kutuwa malagizo kwenu munamufikira chila mutu. Kwa vivyo, ninanyemi kwenu nahenza mwimwi mukale na ulachu kwa kuhenda madzo, na kutsakala na kosa kwa kuhenda mai. ²⁰ Mulungu wa reri kandachelewa kumwika shetani tsini ya nyayo zenu.Neema ya Bwana Jesu Kristo ikale vamwenga namwi. ²¹ Timotheo, muhenda kazi vamwenga nami, yu mulamusa na Lukio, Yasoni na Sospeter, adamu angu. ²² Mimi, Tertio niriye andika barua ii namulamusa kahiza dzina ra Bwana. ^{24 23} Gayo, ariye ni lola na kwa kanisa rosini, rinamulamusa. Erasto, mwika hazina wa mudzi, yunamulamusa, vamwenga na Kwarto ariye ni ndugu. "Neema ya Bwana Jesu Kristo ikale namwi mosini. Amina. ²⁵ Vikara iye ariye na uwezo wa kuhenda mwime kara kara na injili an mafunzyo ga Jesu Kristo, kara kara na ufunulo wa siri iriyofitswa kwa chiseho chire. ²⁶ Ela vivi mudzifunurirwa kufunulwa na kuhendwa mumanyika na mandiko ga unabii kulingana na amri ya Mulungu wa kare na kare kutuwa malagizo ga imani gosini? ²⁷ Kwa Mulungu hacheye mwenye hekima, kuchirira Jesu Kristo, kukale na utukufu kare yosini. Amina.