¹ Enehu, nia ya moyo wangu na voyo rangu kwa Mulungu ni kwa ajili ya ao, kwa ajili ya wokoli wao. ² Kwa kukala yuna-ashuhudia kukala ana chadi kwa ajili ya Mulungu, ela kumanya , ela si kwa ajili ya kumanya. ³ Kwa kukala kamanya hachi ya Mulungu, na anayeya kujenga hachi yao enyee. Katawire malagizo kwa hachi ya Mulungu. ⁴ kwa kukala Kristo nde atimizaye sharia kwa ajili ya hachi kwa chila mutu aminiye. ⁵ Kwa kukala Musa yuna-andika dzulu ya hachi iriyo inadza kuchirira na sharia: “Mutu ahendaye hachi ya sheria yundaishi kwa hachi iyo.” ⁶ Ela hachi ipatikanayo kwa imani inamba vivi,” Usigombe moyoni mwako , ni yavhiye endekwenda Mulunguni? (ii ni kumtsereza Krito tsi). ⁷ Na usambe ,’ niyuvhiye endetserera kahiza gopweni?” (ii ni kumureha Kristo kula kwa ariofa). ⁸ Ela inambadze? “Neno ri vevi nawe, kahiza kanwaro na kahiza moyo wa kwake: Riro ni neno ra imani riro hunatangaza. ⁹ Kwa kukala here kwa kanwaro, unamkubali Jesu kukala ni Bwana, na kwamini moyoni mwamko kukala Mulungu wamufufula kala ariofa, undaokoka. ¹⁰ kwa kukala kwa moyo mtu yuna-amini na kuvhokora hachi na kwa kanwa yunakubali kuvhokera wokoli. ¹¹ Kwa kukala andiko rinamba, “ Chila amwaminiye kanda-ona webu.” ¹² Kwa kukala kakuna tafauti kahi ya Myahudi na Myunani. Kwa kukala Bwana iye iye ni Bwana wa osini, na nishaha kwa osini amwihao. ¹³ Kwa kukala chila mutu arihaye dzina ra Bwana yundokoka. ¹⁴ Ni chidze andaweza kumwiha ye ariye kadzamwamini? Na ni chidze anaweza kuamini kahiza iye ariye kadzamusikira? Na andasikiradze vasivo muhubiri? ¹⁵ Na ni chidze anaweza kuhubiri, isivhokala ahumwa? Here irivyoandikwa, “Ni chidze garivyo madzo magulu ga arehao ovhoro mudzo!” ¹⁶ Ela osini kaisikire injili. Kwa kukala Isaya yananena,”Bwana, niyuvhiye ariyesikira ujumbe wehu?” ¹⁷ Kwa vivyo Imani inadza kula na kusikira, nakwa kusikira neno ra Kristo. ¹⁸ Ela ninamba Je, kasikirike?” Ee, kwa ujeri wenye. “Sauti yao isira idzombola nje konze kaahiza tsi yosini, na maneno gao kwenda mwisho wa dunia. ¹⁹ Zaidi ya gosini, Ninamba” Je, Israeli kamanyire?” kwanza Musa yunanena nda-achokoza niabume wivu kwa atu ario si taifa. Kwa njira ya taifa risiro manya , ninda-atsetsera muhadi mutsikirwe.” ²⁰ Na Isaya yuna ungumbau muno na yunamba, “Napatikana ni arahu ario kaniyeyera. Nonewa kwa arahu ario kanihenzere.” ²¹ Ela kwa Isareli yunamba, “Siku zosini nagolosa mikono yangu kwa asio sikira kwa afu.”