¹ Khwa Malaika wa kanisa ra Efeso Andika: Gaga ni maneno ga yuyahu agwiriraye nyenyezi ziraha kahiza mukonowe wa kulume. Iye atsembereye kahiza vinara vya dhahabu vya mataa mafungahe yunaamba vivi; ² Ninamanya mahendogo na chadicho cha uthabiti wa uvumirivuo wa kumnya , kukala kugwirana nao ario aovu, ela waajeza osini adzihao kukala mitume ni ahumwa na kumba seo, na adzonekana kukala ni alongo. ³ Ninamanya unakura kuturiza na uvumirivu na udzichirira manji kwa sababu ya dzina rangu, na bado kudzatsoka. ⁴ Ela riri ndiro ririro naro dzuluyo, udziuricha uhenzao wa chaho (mwanzo). ⁵ Khwa vivyo, kumbukira vho urivogwerera, ukatubu na kuhenda mahendo arigogahenda hangu chaho , usivotubu nindakudza kwako na kuchiusa chinaricho kula vo vhatuvhe. ⁶ Ela uwe una riri, unatsikirirwa garahu ambago Anikolai adzigahenda ambago ta mimi nagatsikirirwa . ⁷ Na ariye na sikiro asikire garahu ambago , roho yunagaambira makanisa. Na khwa iye ashindaye , nindamuvha chibali cha kurya kula khwa muhi wa uzima urio kahiza Paradiso ya Mulungu. ⁸ Kwa Malaika wa kanisa ra Smirna Andika: Gaga ni maneno ga yuyahu ariye chaho na mwisho ariyewafa na kukala yu moyo na achifufuka kahiri. ⁹ Namanya kusirimako na uchiyao (ela uwe u shaha ) na ulongo wa arahu adzi-ihao na kwamba ni Ayahudi (ela seo -ao ni atu ni sinagogi ra shetani). ¹⁰ Usiogove kusirima kondo-apata . Lola! Ibilisi yunahenza kua-tsura anjine kahiza mwimwi ili jela mupate mujezwe na mundasirima khwa tsiku kumi. Kalani aminifu muhadi kufa, na nindamuvha tadzi ya uzima. ¹¹ Ariye na sikiro, na asikire roho ambiravyo makanisa. Iye achindaye kandapata hasara ya chifo cha viri. ¹² Khwa Malaika wa kanisa ra Pergamo Andika: Gaga ndigo anenago iye ariye na mundu wa kurya, urio na maso kosikosi. ¹³ Ninamanya vho vatu ukalavho- vhatu na chihi cha enzi cha shetani. Ta vivyo unarigwira muno dzina rangu, na kuikanukire imaniyo iriyo kwangu, ta tsiku zirahu za Antipasi shahidi wangu, mwaminifu wangu ariyeulagwa kahi yenu, ambavho shetani yunakala . ¹⁴ Ela ninamautu machache dzuluyo , una kuko agwirao mafunzyo ga Balaamu, iye ariyemufunzya Balaki kwika vipigo mbere ya ana a Israeli, ila arye vyakurya virivyo-ombozwa sadaka kwa milungu ili adzichafuwe mbere za Mulungu . ¹⁵ Kahiza hali iyo, unao anjineo yao agagwirao mafunzyo ga Anikolai. ¹⁶ Khwa vivyo itya, na usivohenda vivyo nadza haraka, na nindahenda kondo nawe dzulu yao khwa mundu wombolao kanwani mwangu change). ¹⁷ Na ariye na sikiro, asikire, roho ambirivyo makanisa. Iye ashindaye , nindamuva sehemu ya ira mana iriyofitswa, pye nindamuvha dziwe reruve ririroandikwa dzina rivya, dzina kakuna arimanyaye isivokala iye arivhokeraye.' ¹⁸ Kwa Malaika wa kanisa ra Thiatira Andika: Gaga ndo maneno ga mwana wa Mulungu, iye na matso here miale ya moho, na nyayoze ni here shaba iriyotsulwa muno . ¹⁹ “Ninamanya mahendogo- uhenzoo na imani, huduma na uvumilivu wa kumanya , na chirahu urichohenda vivi kare ni zaidi ya chirahu urichohenda vo chanzo . ²⁰ Ela nina riri dzulu , unamuvumurira iye mwanamuche Yezebeli adzi-ihaye nabii muche. Khwa mafundzyoge ,yuna-angamiza ahumiki angu kwa uzembe na kurya chakurya chirichoombozerwa sadaka vizuka . ²¹ Namuvha muda wa kutya , ela katayari kutya khwa ajili ya uwe. ²² Lola! Nindamutsuva kwenye chitanda cha makongo na ao ahendao uzembe naye kwenye kusirima kukali, vinjinevyo atye,khwa mahendoge . ²³ Nindaapiga anae afe na makanisa gosi gandamanya kukala ndimi nigachunguzaye mazo na mioyo. Nindamuva chila mumwenga wehu kulingana na mahendoge. ²⁴ Ela khwa anjine enu muriosala Thiatira, kwa ao osini asiogwira fundzyo riri, na musiomanya chirahu ambacho sehemu nikuiha mafumbo ga shetani, kwenu nanena , sindaika dzulu yenu muzigo wowosi. ²⁵ Khwa utu wowosi, sutu mukale tototo muhadi nindivokudza. ²⁶ Yoyosi ashindaye na kuhenda chirahu nirichohenda muhadi mwisho nindamuvha mamlaka dzulu ya mataifa. ²⁷ Yunda atawala kwa ndata ya chuma, here mabakuli ga udongo, yunda-avanza visiku -visiku . ²⁸ Here nirivyovokera kula khwa Baba, nindamuva pye nyenyezi ya chiramuko. ²⁹ Ariye na sikiro na ni asikise chira ambacho roho yuna-ambira makanisa.