¹ Kwa Malaika wa kanisa ra Efeso Andika: Gaga ni maneno ga iye agwiraye nyenyezi fungahe kahiza mkono wa kulume. Iye atsembereaye kahiza vyenze vya dhahabu vya mataa mafungahe yunaamba vivi; ² Ninamanya mahendogo na bidiiyo ya kazi wa uthabiti wa uvumirivu na kuweza kuhusiana ao aovu, bali waajeza osini adzihao ni ahumwa na kumba ta seo, na aonekana kukala ni alongo. ³ Ninanmanya unasubira na uvumilivu na udzichirira manji kwa sababu ya dzina rangu, na bado kudzatsoka. ⁴ Ela riri ndiro ririronaro dzuluyo, kukala, wauricha uhenzao wa kwanza (mwanzo). ⁵ Kwa vivyo, kumbukira vo urivogwerera, ukatubu na kuhenda gago urigokala uchihenda vo mwanzo, Na usivotubu nindakudza kwako na kuchiusa cho chenzecho kulaa vo chirivokala. ⁶ Ela uwe una riri, unatsukizwa ni garahu ambaho Anikolai amagahenda ambago hata mimi pia gananitsugizya. ⁷ Na ariye na masikiro na asikire, roho yunagaambira makanisa. Na yeyosi andiyeshinda, nindamuva chibali cha kurya kulaa kwa uo muhi wa uzima urio kahiza Paradiso ya Mulungu. ⁸ Kwa Malaika wa kanisa ta Smirna Andika: Gaga ni mahemoge iye ariye mwanzo na mwisho ariyefa na achifufuka kahiri. ⁹ Ninagamanya matesogo na uchiyao (ela utajiri) na ulongo wa ao adhiihao ni Ayahudi (ela seoni atu a sinagogi ra shetani). ¹⁰ Usiogove mateso gandigomupata. Lolani! Ibilisi yunahenza kuabuma baadhi yehu gerezani ili mujezwe na mundateseka kwa muda wa tsiku kumi. Mukale aaminifu muhadi kufa, na nindamura chiremba cha uzima. ¹¹ Ariye na masikiro, na asikire roho yunagaambira makanisa. Iye andiyeshinda kandapata go madhara ga chifo cha viri. ¹² Kwa Malaika wa kanisa ra Pergamo Andika: Gaga ndigo anenago iye ariye na mundu wa kurya, urya kosikosi. ¹³ Ninamanya vo vatu uishivo- varivo na choho chihi cha enzi cha shetani. Hata uwe unagwira sana dzina rangu, na kuipingire imaniyo iriyo kwangu, hata tsiku zirahu za Antipasi shahidi wangu, mwaminifu wangu ariyeulagwa miongoni mwenu, vavo shetani aishiko. ¹⁴ Ela ninamautu machache kahiza mwimwi, unao atu agwirao mafundisho ga Balaamu, ariyemfundisha Balaki aike vikwazo mbere za ana a Israeli, ilia rye vyakurya virivyoombozerwa sadaka kwa milungu ili anajisike. ¹⁵ Kahiza hali iyo, unao baadhi yao agwirao mafundisho ga Anikolai. ¹⁶ Basi tubu! Na usivotubu nadza haraka, na nindabwaga kondo nawe kuchirira kwa mundu undioombola kahiza chinywa cha Mulungu (change). ¹⁷ Na ariye na masikiro, naasikire, roho yunaambira makanisa. Kwa iye andiyeshinda, nindamuva baadhi ya irahu maana iriyofitswa, na nindamuva dziwe reruve ririroandikwa dzina rivya, ambaro kakuna arimanyaye isivokala iye arivokeraye. ¹⁸ Kwa Malaika wa kanisa ra Thiatira Andika: Gaga ndo maneno ga mwana wa Mulungu, ariye na mateso here miale ya moho, na nyayoze ni here shaba iriyosafishwa sana. ¹⁹ “Ninamanya mahendogo- uhenzoo na imani, huduma na uvumilivuo thabiti, na chirahu urichohenda vivi punde ni zaidi ya chirahu urichohenda vo mwanzo. ²⁰ Ela ninaro ririro kahiza uwe, unamuvumurira iye mwanamuche Yezebeli adziihaye nabii muche. Kwa mafundishoge ganadhoofisha atumishi angu kwa uzembe na kurya chakurya chirichoombozerwa sadaka kwa milungu. ²¹ Namura muda wa kutubu, ela katayari kuutubia uovuwe. ²² Lola! Nindamutsuva kwenye chitanda cha moradhu na ao ahendao usherati naye kwenye mateso makali, manjinego atubu kahiza mahendoge. ²³ Nindaapiga anae afe na makanisa gosi gandamanya kukala mimi ningachunguzaye Mawazo na mioyo. Nindamuva chila mumwenga wehu kadiri ya mahendoge. ²⁴ Ela kwa baadhi yehu muriosala kahiza Thiatira, kwa ao osini asiogwira fundisho riri, na musiomanya chirahu ambacho baadhi nikuiha mafumbo ga shetani, nina gomba kwehu, sindaika dzulu yehu muzigo wowosi. ²⁵ Kwa jambo rorosi, lazima mukale imara mpaka nindivokudza. ²⁶ Yeyosi ashindanyaye na kuhenda chirahu nirichohenda hadi mwisho nindamuva mamlaka dzulu ya mataifa. ²⁷ Yunda atawala kwa ndata ya chuma, here mabakuli ga mitsanga, undaavunza vipande vipande. ²⁸ Here nirivyovokera kulaa kwa Baba, nindamuva pia nyenyezi ya chiramuko. ²⁹ Ariye na masikiro na asikire chicho ambacho roho yunagaambira makanisa.