¹ Uu ni ufunulo wa Jesu Kristo urio Mulungu wamuvha khwa onyesa ahumikie mautu garigo ni sutu gahendeke vivi hikara . Wagahenda gamanyikana khwa kumuhumira malaikawe khwa Johana muhumikiwe ² Johana waomboza ushuhuda wa chika chitu kulingana na neno ra Mulungu na ushuhuda urio-waombozwa dzulu Jesu Kirsto. ³ Yudzihaswa iye asomaye kwa sauti na aruhu osini asikirao maneno ga unabii na kugatuwa kutii garigaoandikwa mumo, kwa kukala muda kufika . ⁴ Johana kwa makanisa mafungahe garigo Asia, neema ikale kwenu na reri yumbolayo kwakwe arievo ariekalavo ,na andiye-kudza na kula kwa roho fungahe zirizombere ya chihiche cha enzi ⁵ na kula kwa Jesu Kirsto ariye ni shahidi. Mwaminifu, mimbambere wa ariofa, na mutawala wa atawali a dunia ii. Kwakwe iye ahuhenzaye na yudzihika huru kula na dambi zehu kwa mulatsowe. ⁶ Yudzihuhenda kukala utawali makuhani a Mulungu na abaye , kukale utukufu na mukotse kare na kare amina. ⁷ Lola, yunadza na Mainguli chila dzitso rindamona, vamwenga na arahu ariomudunga kabila zosi za dunia andashononeka khwa ajili ya iye. ⁸ Mimi ni Alfa na Omega’ yunamba Bwana Mulungu. Iye arievo, na ariyekalavo, na ariye yunadza, na mukotse. ⁹ Mimi Johana ndugu yenu Mushirika vhamwenga nanwi kahi za kusirima na utawali na uvumirivu wa jeri urio kahi za Jesu nakala kahi za chisirwa chihiwacho patimo khwa ajili ya neno ra Mulungu na ushuhuda dzulu ya Jesu. ¹⁰ Nakala kahiza za Roho tsiku ya Bwana, nasikira sauti ya dzulu nyuma yangu here ya ganda. ¹¹ ichamba ‘andika kahi za chitabu gago ugonago na agahume khwa makanisa mafungahe, khwa Efeso, khwa Sminna, khwa Pagamo, khwa thiatira, khwa Sardi, khwa Philadelphia na khwa Laodikia. ¹² Nichigaluka ni-one ni sauti ya yuvhiye ariekala yunagomba nami , na nirivogaluka, nichona chigazo cha dahabu cha mataa mafungahe ¹³ Kahikahi ya chiguzo cha taa wakalamo mumwenga here mwana wa Adamu, yuvala kanzu nyire irioyofika tsini ya maguluge, na ukanda wa dahabu kuzunguluka katire. ¹⁴ Chitswache na nyereze were ni nyeruve here sufi, nyeruva here theluji, na matsonge gakala here mwanga wa moho. ¹⁵ Nyayoze zakala here shaba irio-tsulwa muno, here shaba idziyochichizwa mohoni, na sautiye yakala here kuvuma khwa madzi manji gatsururizikago. ¹⁶ Were yugwirira nyenyezi fungahe mukonowe wa kulume na kula kanwani mwakwe kwakala na mundu wa maso mukali, urio na maso. Usowe were unangala here mwanga wa dzuwa ra kocha. ¹⁷ Nirivomona, nagwa maguluni vhakwe here mutu arie yedzefa. Achipatika mukonowe wa kalume dzulu yangu na achamba usogovhe ‘mimi ni wa mwanzo na wa mwisho. ¹⁸ na ariye nimoyo(naishi). Were nidzefa, ela lola ni moyo (ninaishi) kare na kare na ninafunguo za chito na kuzimu. ¹⁹ Kwa vivyo ga-andike udzigogaona garigovo vivi, na vikara gondokudza bada ya gaga. ²⁰ Dzulu ya siri ya nyenyezi funguhe urizozona kahi za mkono wangu wa kulume na chirahu chiguzo cha dahabu cha taa fungahe; nyenyezi fungahe ni malaika a gago makanisa. Mafungahe,na chiguzo cha taa fungahe ni makanisa mafungahe.