¹ Achiambira, Amini naambira akuko badgi yenu aimao vava ambao kandatata chifo mauti kabila ya kuuona ufalme wa Mulungu uchidza kwa nguvu. ² Na baada ya tsiku tandahu, Jesi waahala Petero, Jakobo na Yohana vamwenga naye dzulu ya mrima, hachiao, chisha achigaluka sura mbere zao. ³ Mavazige ga ang’ala sana, gachikala meruve kuriko arivyo mtu yeyosi duniani kangaweza kugaang’arisha. ⁴ Chisa Eliya vamwenga na Musa achombola mbere zao, na akala anagomba na Jeso. ⁵ Petero wajibu achimwambira Jeso, Mwalimu ni vidzo siswi kukala vav ana hujenge (hukake) vibanda vihahu, chimwenga kwa ajiliyo, chimwenga kwa ajili ya Musa na chinjine kwa ajili ya Eliya, ⁶ (Kwa maana kamanyire ra kugomba kwani aogova sana.) ⁷ Ingu richidza na kuabiningiza, chisha sauti ichombola kahiza riro iingu, yuyu ni mwanangu muhenzwi, msikireni iye. ⁸ Gafula, arivo lola kuku na kuko, kamonere kahiri mtu yeyosi vamwenga nao, isivo kala Jeso tu hacheye. ⁹ Arivo kaka anatserera kulaa ko mrimani, achionya asimwambire mut yeyosi garahu gosi arigo gaona mpaka mwana wa Adamu andivo fufuka kahiza wafu. ¹⁰ Kwa vivyo aiika jambo riro ndani ya mioyo yao enye, ela ajadiliana ao kwa ao nituwani maanaye kufufuka kahiza wafu. ¹¹ Amuuza Jeso, kwa tuwani aandishi anamba ni lazima Eliya adze kwanza? ¹² Achambira Eliya yunadza kwanza kuudzya mautu gosi, kwa tuwani basi yaandikwa kukala idzimulazimu mwana wa Adamu kupata mateso manji na kudharauliwa. ¹³ Ela! Namwambira ya kukala Eliya wakudza kare na achimuhendera arivyovihenza, here irivyoandikwa dzuluye. ¹⁴ Na arivofika kwa anafunzi aona kundi bomu ridziazunguluka na aandishi akala anabishana nao. ¹⁵ Na mara arivomuona Jeso, kundi rosi rashaanga na kumutuwa kumulamusa. ¹⁶ Achiauza anafunzie mnabishana nao dzulu ya tuwani? ¹⁷ Mtu kahiz atu anji (umati) achinjibu, Mwalimu namureha mwanangu kwaki, yunapepo mchafu amuhendaye asiweze kugomba. ¹⁸ Yunamupagaa na kumubwaga tsi, naye hata nikumuomboza fulo (povu) mulomoni na kuzaga meno na kumalala (kukala ngumu) ¹⁹ Achiajibu, chivyazi chisicho amini, nindakala namwi hadi rini? Ninda avumurira hadi rini? Mureheni kwangu. ²⁰ Achimureha iye mtana (mvulana) kwake. Pepo mchafu arivomuona Jeso, ghafula achimpagaa kahiza kutetemeka, mtana (mvulana) achiagwa tsi na komboza fulo (povu) mulomoni. ²¹ Jeso achimuuza abaye yudzikala kahiza hali ino kwa muda wani? Abaye achigomba hangu uhohowe. ²² Mara zinjine ni kumbwaga kahiza moho ama kwenye madzi na kujeza kumwangamiza, kala unaweza kuhenda chochosi honere mbazi na uhusaidie. ²³ Jeso achimwambira, icihikala unaweza? Chila chitu chinawezekana kwa yeyosi aaminiye. ²⁴ Gafala, abaye iye muhoho achirira na kugomba, naamini, Nisaidie kutsaamini kwangu. ²⁵ Wakati Jeso arivoona kundi ra atu rinadza kwao wachemera roho mchafu na kugomba, uwe roho bubu na chiziwi na kuwamuru ombola kwakwe usimwinjire kahiri. ²⁶ Achirira na kumhangaisha mtana (mvulana) kwa nguvu na chisha achimombola, mtana waonekana here yudzeefa, ndivyo anji achigomba yudzefa. ²⁷ Ela! Jeso achimugwira mkono achimunula na mtana achima. ²⁸ Wakati Jeso arivoinjira ndani ya nyumba anafunzie amuuza kwa siri (faragha), kwadze kahuwezere kumuomboza sino? ²⁹ Achiambira aina dza ii kaiombola isivokala kwa mavoyo. ³⁰ Achombola varahu na kuchirira Galilaya, kahendzere mtu yeyosi amanye ariko. ³¹ Kwa kukala were yunafundisha anafunzie achiambira, Mwana wa Adamuu yundalaviwa mikononi mwa atu, na andamulaga. Na achifa, baada ya tsiku tahu yundafufuka kahiri. ³² Ela, kaelewere maelezo gaga na aogova kuumuza. ³³ Ndiyo achifika Kapernaumu, baada ya kuinjira (kuingia) ndani ya nyumba achiauza were munaerekezanani (mnajadiliana) njirani? ³⁴ Ela! Anyamala chimya kwani were anabishna njirani kukala niani ariye mubomu zaidi? ³⁵ Ariyosagala tsi achiaiiha kumi na airi vamwenha, na achiambira yeyosi ahendzay kukala wa kwanza, ni lazima akale wa mwisho na muhumwa wa osi. ³⁶ Achimuhala muhoho mtite, achimwika kahi kahi yao, achimuhala kahiza mikononi mwakwe na achiambira, ³⁷ Yeyosi amuvokeraye muhoho here yuyu kwa dzina rangu, pia yundakala yudzinivokera mimi, na ichikala mtu yudzinivokera, kadzanivokera mimi tu, Ela! Pia iye ariyenihuma. ³⁸ Johana achimwambira, Mwalimu, homona mtu yunaomboza pepo kwa dzinaro na huchimuzulia, kwani si mumwenga wehu. ³⁹ Ela! Jeso achaamba, msimuzuliye, kwa kukala kakuna ambaye yundahenda kazi bomu kwa dzina rangu na chisha baadaye agombe neno baya rorosi dzulu yangu. ⁴⁰ Yeyosi asiye kala chinyume chehu yu upande wehu. ⁴¹ Yeyosi aandiye kuuva chikombe cha madzi ya kunwa kwa dzina rangu uwe u wa Kristo. Amini naambira kandaangamiza thawabuye. ⁴² Yeyosi akoseshaye mumwenga wa atite aa, aaminio mimi na kudzikwala inga kala vidzo afungwe dziwera kusagira tsingoni ns kutsuviwa baharini. ⁴³ Ichikala mkono udzukokosesha ukate, nib aha kwinjira kahiza uzima bila mkono kuriko kwinjira kuzimu na mikonoyo, kariza moho usiozimika. ⁴⁴ Vatu ambavo funza kaf ana moho usiozimika kahiza maandiko ga kapindi. ⁴⁵ Ichikala chigulu cho chichikukosehsa chikate. Ni vidzo kwako kwinjira uzimani uchikala chigutu kuriko kutsuviwa kuzimu na maguro mairi. ⁴⁶ Vatu ambavo funza kaf ana moho usiozimika. ⁴⁷ Kala dzitsoro rinakukosesha reng’ole. Ni vidzo kwako kwinjira kahiza ufalme wa Mulungu uchikala na dzitso mwenge kuriko kukala na matso mairi na kutsuviwa kuzimu. ⁴⁸ Vatu ambavo funza ao kaf ana moho usiozimika. ⁴⁹ Kwa kukala chila mtu yundainjizwa munyu kwa moho. ⁵⁰ Munyu ni mudzo ela! Kala munyu udziangamiza ladhaye unawezadze kuuhenda ukale munyu kahiri? Mukale na amani mwimwi kwa chila mumwenga.