¹ Yukala tsiku mbiri tu kabla ya tsiku bomu (tsikukuu) ya pasaka nay a mikahe isiyolungwa tsatsu (chachu). Makuhani abomu na aandishi akala achiyeya namna ya kumugwira Jeso kwa siri na kumulaga. ² Maana akala anaamba, sio wakati wat siku bomu, atu asidze akahendafuje. ³ Wakati Jeso arivokala Bethania nyumbani kwa Simoni mkoma, na arivokala yudzejemera mezani, mwanamche mumwenga achidza kwakwe achikala na chupa ya alabasta yenye marashi ga thamani (gharama) bomu, ambayo ni nardo mbidzo. Achiivudza iyo chupa na kumwaga iyo nardo chitswani mwakwe. ⁴ Ela! Were kuna baadhi yao ariotsikirwa. Achizungumza ao kwa ao na kwamba, ni tuwani sababu ya upotevu wa marashi gano? ⁵ Marashi gago gangaweza kuguzwa kwa zaidi ya dinari mia tahu, na kuhewa asiodziweza, chisha achimuchemera. ⁶ Ela! Jeso achaamba, mricheni, kwa tuwani munamuyuga? Yudzihenda jambo ridzo kwangu. ⁷ Tsiku zosi mnao asiodziweza vamwenga namwi, na wakati wowosi muhamirwavo munaweza kuhenda madzo kwao, ela mimi kamundakala nami wakati wosi. ⁸ Yudzihenda chirahu achiwezacho, yudziuvaka mwiri wangu (marashi) mafuha kwa ajili ya maziko. ⁹ Jeri naambira, chila vatu injili inavohubiriwa kahiza urimwengu wosi, chicho arichochihenda mwanamche yuyu chindagombwa kwa kukumbukirwa iye. ¹⁰ Chisha Judas Iskariote, mumwenga wa arahu kumi na airi, wakwenda kwa makuhani abomu ili kwamba apate kumkabidhi kwao. ¹¹ Wakati makuhani abomu asikira vivyo, afurahi na achiahidi kumuva pesa (fedha). Achianza kuyeya nafasi ya kumkabidhi kwao. ¹² Tsiku ya kwanza ya mkahe usiolungwa tsatsu, wakati arivoomboza mwana ng’ombe (mwanakondoro) wa pasaka anafunzie amwambira, unahenza hendevi hukaandae ili upate kurya muryo wa pasaka? ¹³ Achahuma airi a anafunzie na achambira, enendani mudzini, na mwanalume yutsukula ndoo (mtungi) wa madzi yundakutana namwi, mutuweni. ¹⁴ Nyumba andioinjira, mutuweni na mumwambire mwenye nyumba iyo, mwalimu yunauza chilavi chumba cha ajeni katu nindivoirya pasaka na anafunzi angu? ¹⁵ Yundaonyesa chumba chibomu cha dzulu chiricho na maandishi irio tayari. Hendani maandalizi kwa ajili yenu varahu. ¹⁶ Anafunzi auka achenda mudzini. Akuta chila chitu here arivyokala yudzaambira na achiaanda chakurya cha pasaka. ¹⁷ Wakati irivokala dziloni, achidza na arahu kumi na airi. ¹⁸ Na arivokala ana sengerera meza na kurya, Jeso achamba, Jeri naambira mumwenga kahi yehu ariye yunarya vamwenga nami yundani saliti (yundamiguza). ¹⁹ Osi asikitika, na mumwenga baada ya munjine achimwambira, hakika si mimi. ²⁰ Jeso wajibu na achaambira, ni mumwenga wa kumi na airi kahi yenu, mumwenga ambaye vivi kare yundatsatsa vya honje kahiza bakuli vamwenga nami. ²¹ Kwa kukala mwana wa Adamu yunda enenda virahu maandiko ganenavyo kumuhusu. Ela! Shauriye mtu yuyahu ambaye kuchirira iye mwana wa Adamu yundaguzwa, inye kala vidzo zaidi kwake here mtu yuyahu angerekavyarirwe. ²² Na arivokala anarya, Jeso achihala mkahe, achiuhasa na kuumega achiava achamba, Halani uu ni mwiri wangu. ²³ Achihala chikombe, achishukuru, na achiapatira, na osi achinwa. ²⁴ Achaambira, uu ni mlatso wangu wa lagani, mlatso umwagikao kwa ajili ya anji. ²⁵ Jeri naambira, sindanererwa kahiri kahiza zao riri ra mzabibu hadi tsiku irahu nindavinywa pia kahiza ufalme wa Mulungu. ²⁶ Arivomala kuimba wiira (wimbo), achiombola achienda kahiza mrima wa mizeituni. ²⁷ Jeso achaambira, mwimwi mosi mundadzitenga kure nami, kwa kukala yaandikwa, nindampiga mrisa na ng’onzi zindatsamukana. ²⁸ Ela! Baada ya kufufuka kwangu, nindaatangulia mbere zenu Galilaya. ²⁹ Petero achimwambira, hata kala osi andakuricha, mimi sindakuricha. ³⁰ Jeso acheambira, jeri nakuambira rero mam usiku uu kabla jogolo karidzaihika mara mbiri, undakala udzinikana mara tahu. ³¹ Ela! Petero achaamba kwa msisiti, ichikala nilazima nife nawe, sindakukana osi alavya ahadi iyo iyo. ³² Achifika vatu vaihiwavo Gethsemane na Jeso achaambira anafunzir, sagalani vava, wakati navoya. ³³ Achiahala Petero na Johana vamwenga naye, achaanza kushononeka. ³⁴ Achiambira, nafsi yangu ina huzuni sana, hata kufa. Bakini vav ana mchese. ³⁵ Jeso achenda mbere chidogo, achipigamagotsi achivoya, kala indawezekana, kwamba saa ii chipawa chichi chiniepuke (chikombe). ³⁶ Achaamba, Aba, Baba, mambo gosi gana wezekana kwako. Niusira chikombe chichi. Ela! Si kwa mapenzi yangu, bali mapenzigo. ³⁷ Achuya na kuakuta arere, na achaambira, Petero, Simoni, vidze urere? Kuwezere kuchesa hata saa mwenga? ³⁸ Chesani ni muvoye kwamba msidze mkainjira kahiza majezo, hakika roho i radhi, ela! Mwiri udhaifu. ³⁹ Achanda kahiri na kuvoya, na achihumira maneno garahu. ⁴⁰ Arivouya kahiri achiakuta arere kwa kukala matso gao gakala maziho, kamanyire nituwani cha kumwambira. ⁴¹ Achuya mara ya hahu na kuwaambira, Bado mcherere oya (kupumzika)? Vinatosha saa ifika, lola mwana wa Adamu yunaguzwa mikononi mwa enye dambi. ⁴² Lamkani, hindeni, Lola! Yuyahu ariye yunaniguza yufika vevi. ⁴³ Arivokala bado yunagomna, Judas mumwenga wa arahu kumi na airi afika, na kundi bomu vamwenga naye enye miundu na marungu kula kwa makuhani akuu, aandishi na azee (atuminya). ⁴⁴ Wakati uo msaliti we wakala yudsiava ishara, achaamba yuyahu ambaye nindamubusu, ndeye mugwireni na kumuviri tsini ya urinzi. ⁴⁵ Wakati Juda arivofika, mwenga kwa mwenga achenda kwa Jeso na achimwamba, Mwalimu, na achimubusu. ⁴⁶ Chisha achimwinjiza tsini ya urinzi na kumugwira. ⁴⁷ Ela! Mumwenga kahiza ao achiima vevi naye achomboza munduwe achimupiga muhumwa wa kuhani mubomu na kumkata sikiro. ⁴⁸ Jeso achaambira, mukudza kunigwira kwa miundu na marungu here mnyang’anyi (gaidi)? ⁴⁹ Wakati uo wosi nakala namwi na kufundisha hekaluni, kamnigwirire, Ela! Riri ridzihendeka ili maandiko gatimire. ⁵⁰ Na arahu osi akala na Jeso amricha na kuchimbira. ⁵¹ Chijana mumwenga, ariye kala yuvara vazi ra kitani hacheye ariro kala yudzizizungulushira, wakala yunamtua Jeso arahu atu arivomugwira. ⁵² Waricha iyo nguo ya kitani na kuchimbira vuvu (uchi). ⁵³ Amulongoza Jeso kwa kuhani mubomu. Varahu akusanyika vamwenga naye abomu osi atuminya na aandishi. ⁵⁴ Sambi Petero achimtua kwa kure, kuelekea kwenye ofisi ya kuhani mubomu, wasagala vamwenga na maafisa, achoha moho ili kupata dzoho. ⁵⁵ Wakati uo makuhani akuu osi na baraza rosi ra Ayahudi akala achiyeya Ushahidi dhidi ye ili pate kumulaga Ela! Kapatire. ⁵⁶ Kwa kukala atu anji aomboza ushuhuda wa ulongo dhidie (yake), Ela! Hata Ushahidi wao hauhalanire. ⁵⁷ Baadhi aiima na Kureha Ushahidi wa ulongo dhidiye, achiaamba, ⁵⁸ Hamsikira achaamba, nindaribananaga hekalu riri ririrojengwa kwa mikono, na ndani ya tsiku tahu nindarijenga rinjine risirojengwa kwa mikono. ⁵⁹ Ela! Hata Ushahidi wao kauhalanire. ⁶⁰ Kuhani mubomu achiima kahi kahi yao na kuumuza Jeso, Je! Kuna jibu? Atu ano anashuhudia tuwani dhidi yo (yako)? ⁶¹ Ela! Wakala chimya na kajibire chochosi. Mara kahiri kuhani mubomu achimuhiji na kumwamba, je wee ndiwe Kristo mwana wa Mulungu ariyehaswa (barikiwa)? ⁶² Jeso achamba, mimi niiye, na undamona mwana wa Adamu yusagala mkono wa kurya wa nguvu na achidza na maingu ga mulunguni. ⁶³ Kuhani mubomu achitarura mavazige (yake) na kwamba, Je, bado hunahenza mashahidi? ⁶⁴ Mudzisikira kufuru, uamuzi weni ni uvinyo? Na osi amuhukumu here mumwenga ariye stahili chifo. ⁶⁵ Baadhi achanza kumutsuvira mahee na kumuziza uso na kumpiga kwa ngumi zao na kumwambira, “Tabiri” maafisa amuhala na kumpiga. ⁶⁶ Kuku Petero arivokala yu segere nyuma ya jengo, mhumwa mumwemnga wa ahumwa chiche wa kuhani mubomu achidza kwakwe. ⁶⁷ Wamona Petero arivokala yudziima yunaoha moho, na achimulola kwa vevi na kwamba, Nauwe pia wakala na Mnazareti Jeso. ⁶⁸ Ela! Wakahala achaamba, simanya na sielewa chi ugombacho! Chisha achombola mpaka langoni. Na jogolo achihika (akawika). ⁶⁹ Ela! Mhumwa wa chiche, wamona na achaaanza kuambira kahiri arahu ambao akala adziima varahu, mtu yuyu ni mumwenga wao. ⁷⁰ Ela! Wakahala kahiri. Baadaye chidogo arahu ariokala adziima varahu akala achiwaambira Petero, hachi uwe ni mumwenga wao kwa maana uwe pia umgalilaya. ⁷¹ Ela! Waanza kudzika mwenye tsini ya laana na kuapa, simumanya yuyu mtu mumugombaye. ⁷² Mara jogolo richiiika mara ya viri, chisha Petero achikumbukira maneno ambago Jeso wamwambira, Kabla jogolo karidzaiihika undakala udzini kana mara tahu. Na waugua.