¹ Chiramko (chiti) mapema, abomi a makuhani na azee na aandishi na baraza rosi ra Ayahudi richishauriana vamwenga, chisha achimfunga Jeson a kumulongoza kumuvirika kwa Pilato. ² Pilato achimuuza, we ndiwe mfalme wa Ayahudi? Achimjibu, uwe udzigoma vivyo. ³ Abomu a makuhani acheeleza mashtaka manji dzulu ya Jeso. ⁴ Pilato achimuuza kahiri kujibu chochosi? Kuona jinsi arivyoanakushitaki kwa mautu manji? ⁵ Ela! Jeso kamjibire Pilato n aiyo yamshangaza. ⁶ Kwa kawaida wakati wa tsiku bomu (maahumu) Pilato nikumufungula mfungwa mumwenga, mfungwa ariyemuvoya. ⁷ Kwa kala na atu aiihiwaye Baraba jela (gerezani), wafungwa vamwenga na aasi arioulago wakati wa uasi. ⁸ Atu anji achidza kwa Pilato, na kumuvoya chendere here arivyoahendera vavo mwanzoni (awali). ⁹ Pilato waajibu na kwamba, mnahenza nimrichire mfalme wa Ayahudi? ¹⁰ Kwa kukala wamanya ni kwa sababu ya wivu abomu a makuhani amugwira Jeson a kumreha kwakwe. ¹¹ Ela! Abomu a makuhani atsetsera atu anji kuhenda lonzo (kelele) kwa kukala Baraba arichirwe badalaye. ¹² Pilato achiajibu kahiri na kwamba, nimuhendedze mfalme wa Ayahudi? ¹³ Achipiga lonzo kahiri, “Msulubishe.” ¹⁴ Pilato achaambira, yuhenda mautu gani maai (baya)? Ela! Achizidi kuhenda lonzo (kupiga kelele) zaidi na zaidi, msulubishe. ¹⁵ Pilato achihenza kuwaridhisha atu anji (umati), achiafugurira Baraba. ¹⁶ Achimpiga Jeso mijeledi chisha achiomboza ni aulagwe (asulubishwe). Askari amulongoza hadi ndani y aua wiyo (uriomakalo mabomu ga serikali) na achikusanya chikosi chizima cha askari. ¹⁷ Achimuvika Jeso kanzu ya rangi ya zambarau, na achisuka taji ya mii achimuvika. ¹⁸ Achaanza kumdhihaki na kugomba, “Salamu, mfalme wa Ayahudi.” ¹⁹ Akala anampiga chitswani kwa ndata ya mwanzi na kumutsuvira mahe (mate). Achipiga mavindi mbereze kwa kumheshimu. ²⁰ Hata arivokala amala kumdhihaki, achimuvula iyo kanzu (zurungi) ya rangi ya zambarau na kumvisha mavazige na achimomboza konze Kwenda kumsulubisha (mumwenga). ²¹ Mtu Fulani, Simoni Mkirene, ariyekala yunainjira mudzini kula mundani (abaye Aleksanda na Rufo) na achimulazimisha kutsukula msalaba wa Jeso. ²² Askari achimuvirika Jeso vatu vaihiwavo Golgotha (maana tafsiri ii ni sehemu ya fuvu ra chitswa.) ²³ Achimuva mvinyo iriotsanganywa na manemane, ila kahirwe. ²⁴ Achimusulubisha na kugavya mavazi achigapigira kura kuamua nichipanda chivicho aricho yundapata chila askari. ²⁵ Yafika saa tahu za chiramko arivo msulubisha. ²⁶ Achiika dzuluye chibao chiricho andikwa shitaka, “Mfalme wa Ayahudi.” ²⁷ Achimsulubisha vamwenga na majambazo airi, mumwenga mkono wa kurya na munjine mkono wa kushoto. ²⁸ Na maandiko gatimira, garigo gombwa kukala wa-talwa vamwenga na aasi. ²⁹ Na ao ariokala anachira achimukana, achitukusa kisa vitswa vyao achiamba, Aha! Uwe uriyendavundza hekalu na kurijenga kwa tsiku tahu ³⁰ dzokole mwenye na utserere votsi kula msalabani. ³¹ Kwa aina iyo iyo abomu a makuhani achimudhihaki achigombezana vamwenga na aandishi na kwamba, waokola anjine ela kwanza kudziokola mwenye. ³² Mriche Kristo msalabani, ili huweze kuona na kuamini. Na arahu ariosulubiwa vamwenga naye pia amkana. ³³ Irivofika saa tandahu, dzizaa richidza dzulu ya tsi yosi hadi saa chenda. ³⁴ Wakati was aa chenda, Jeso achipiga lonzo kwa sauti bomu, “Eloi Eloi, Lama sabaktani?” Ichikala na maana Mulungu wangu, Mulungu wangu, kwa tuwani unaniricha? ³⁵ Baadhi ya ao arioima arivosikira achaamba, “Lola, yunamwiiha Eliya.” ³⁶ Mtu mumwenga achichimbira, achiika divia ya siki kahiza sponji na kuiika dzulu ya muhi wa mwanzi, achimuva ili anwe. Mtu mumwenga achaamba, “Tariza hoone kala Eliya yundakudza kumutsereza tsi>” ³⁷ Chisha Jeso achirira kwa sauti bomu na achifa. ³⁸ Pazia ra hekalu richigavika vipande viri kula dzulu hadi tsini. ³⁹ Wakati jemedari mumwenga ariyekala yudzima kumwelekea Jeso, arivoona yudzefa kwa jinsi irahu, achaamba, Jeri yuyu mtu wakala mwana wa Mulungu. ⁴⁰ Vakala na anache pia ariokala analola kwa kure. Miongoni mwao were ni Mariamu Magdalene, Mariamu (ameye Jakobo mvana wa Jose) na Salome. ⁴¹ Wakati arivokala Galilaya amutua na kumuhumikira, na anache anjine anji pia aandamana naye hadi Jerusalemu. ⁴² Kurivokala dziloni, na kwa kukala ya kala tsiku ya maandlizi (maandalio) tsiku kabla sabato. ⁴³ Yusufu wa Arimathaya wakudza vava. Wakala ni mjumbe wa Baraza ariyeheshimiwa mtu ariye yunatarajia ufalme wa Mulungu. Kwa ujasiri achenda kwa Pilato, na kuvoya mwiri wa Jeso. ⁴⁴ Pilato washangazwa kwamba Jeso tayari were yudzefa, achimwiiha Yusufu jemedari achimuuza chamba Yeso yudzefa. ⁴⁵ Arivopata ujeri kwa jemedari kukala yudzefa, achimuruhusu Yusufu kuuhala mwiri. ⁴⁶ Yusufu were yugula sanda (nguo ya kuzikira), achimfunga kwa sand ana kumwiika ndani ya mbira (kaburi) iriotsimbwa kahiza mwamba chisha achirivingirisha dziwe muryangoni mwa mbira. ⁴⁷ Mariamu Magdalena na Mariamu ameye Jose aona varahu arivozikwa.