¹ Kwa vivyo arivokala adzifika Jerusalemu, akala vevi na Bethfage na Bethania kwenye mrima wa mizeituni, Jeso achiahuma airi miongoni mwa anafunzie. ² Na achiambira enendani kahoza chidzidzi chirichoko mbere yenu. Mara mchinjira mumo, mundaamkuta mwana punda ambaye kadzakwerwa, mufuguleni na mumurehe kwangu. ³ Na kala yeyosi achimuza kwa tuwani munahenda vivi? Mnapaswa kumwambira Bwana yuna muhitaji na chisha hundamudzya vava. ⁴ Achenda achinukuta mwana punda yudzifungwa nze muryangoni nze ya njira boimu nao achimufugula. ⁵ N a baadhi ya atu ario kala adzima varahu achiambira, munahendadze kumfugula mwana punda vo? ⁶ Achiambira here Jeso arivyoambira, na achiaricha aenende. ⁷ Achimureha mwana punda kwa Jeson achihandika nguo zao, naye achisagala. ⁸ Atu aanji atandaza mavazi gao barabarani (njirani), na aanjine atandaza pandaza miihi arizozikata mindani (shamba). ⁹ Arahu ario mchirira mbere na arahu ario mtuuwa apiga honzo, Hosana! Adzihaswa (adzibarikiwa) adzaye kwa dzina ra Bwana. ¹⁰ Udzihaswa (udzibarikiwa) ufalme udzao wa bebeyu Daudi! Hosana dzulu mulunguni. ¹¹ Chisha Jeso achianjira Jerusalemu achinjira hekaluni achilola chila chitu. Sambi wakati urio kala udzienda wombola achenda Bethania vamwenga nao kumi na airi. ¹² Tsiku ya viri arivo kala anaambola Bethania, wasikira nzala. ¹³ Na achona kwa kure muhi urio kala makodza achenda ilia one kala yunaweza kupata matunda dzuluyr, arivofika achipata makodza tu, kwa kukala here si majira ga tini (matunda). ¹⁴ Achiambira kakuna yeyosi andiyerya tunda kahiza kwako kahiri, na anafunzie achisikira. ¹⁵ Achifika Jerusalemu, naye achinjira hekaliuni na achaanza kuomboza nze ahendi a biashara na agulaji ndani ya hekaluni. Achizipindua meza za abadilishaji a fedha na vihi vya arahu ario kala anaguza ngiya manga (njiwa). ¹⁶ Karuhusire yeyosi kutsukala chochosi hekaluni chirichi weza kuguzwa. ¹⁷ Achiafundisha na kwamba, je kaiandikirwe, nyumba yangu idaiihiwa nyumba ya mavoyo kwa mataifa gosi? Ela! Mudzihenda pango ra anyang’anyi. ¹⁸ Makuhani abomu na aandishi asikira arivonena nao achiyeya njira ya kumwangamiza. Hata vivyo amogova kwa sababu atu aanji (umati) ashangazwa na mafundishoge. ¹⁹ Na dziloni irivofika, wauka mudzini (wombola). ²⁰ Arivo kala anatsembera chiramuko, waona muhi wa mtini udziumalala (umekauka) hadi kwenye miiziye. ²¹ Petero achikumbukira na achaamba, Rabi! Lola, muhi wa mtini arioulani udziuma. ²² Jeso achiajibu, mukale na imani kahiza Mulungu. ²³ Amini naambira kwamba chila auwambiraye mrima uu, uka, na ukadzitsuve mwenye baharini, na kala kana mashaka moyani mwake, Ela! Anaamini kukala arichochinena chindakala, vivyo ndivyo Mulungu arivyo yundahenda. ²⁴ Kwa vivyo ninaambira mugavoyago, aminini kukala mudzigavokera nago ganda kala genu. ²⁵ Mwimavo na kuvoya, mnahenzekana kwamba beyenu, ariye Mulungu aasamehe pia nanwi makosa genu. ²⁶ Ela! msivosamehe, hata beyenu ariye Mulunguni kandasamehe dambi zenu. ²⁷ Achuya Jerusalemy kahiri, na Jeso arivokala yunatsembera hekaluni, makuhani abomu (akuu) na aandishi na azee akudza kwake. ²⁸ Na achimwambira, kwa mamlaka gani unahenda mambo gano? Na niani ariye kuva mamlaka gakuhenda gano? ²⁹ Jeso achaambira, nindauza swali mwenge, Niambirani, na mimi nindamwambira kwa mamlaka gani ninahenda mambo gaga. ³⁰ Je! Ubatizo wa Johana wombola Mulunguni au wombola kwa anadamu? Nijibuni. ³¹ Ajadiliana ao kwa ao na kushindana na kwamba huchiamba kula Mulunguni, yundamba kwa tuwani basi kamumwaminire? ³² Ela! Huchamba, wombola kwa anadamu, aogova atu, kwa kukala osi ashawishika kukala Johana were ni nabii. ³³ Ndivyo amjibu Jeso na kwamba kahumanya. Ndivyo Jeso achiambira, wala mimi sindaambira nyi kwa mamlaka gani nagahenda mamo gaga.