¹ '' zingatia kutsa henda mahendo ga haki mbere za Atu ili kudzionyesa,bila kuhenda vivyo kundapata tawabu kula kwa Baba ariye Mulunguni. ² vivvyo be ulavyavho usipige tarumbeta na kudzilika mwenye ngadza anafiki ahendavyo masinagogi na kahiza mitaa ili vyakukala Atu amulike.. Nina mwambira jeri adziivhokera tawabu yao chikamilifu. ³ Ela uwe ulavyavho, mukono wa kwako wa kumotso usimanye chihendekacho mkono wa kulume. ⁴ ili vyakukala zawadi ya kwako ilaviwe chisiri.ndovhavho Abayo aonaye kwa siri yundakuvha tawabu ya kwako. ⁵ na uvoyavho,usikale ngadza here anafiki, kwakukala anahenza kuima na kuvoya kwenye masinagogi na kwenye tsonya za mitaani, ili kukala Atu aa one.Ujeri nina mwambira adziivhokera tawabu ya kwao. ⁶ Ela uwe, uvoyavho, injira chumbani .funga muryango, na uvoye kwa Abayo ariye sirini.ndovhavho Abayo aonaye sirini yunda kuvha tawabu ya kwako. ⁷ Ukalavho kahiza kuvoya, usiuyireuyire maneno gasigo na maana gadzahere mataifa ahendavyo,kwa kukala ana aza andasikirwa kwa maneno manji agagombago. ⁸ kwa vivyo,usikale ngadza here Ao, kwa kukala Abayo yunagamanya mahitaji ga kwako hata kala kudzangwe kugavoya kwakwe. ⁹ kwa vivyo voya hivino; ' Beyehu uriye Mulunguni ritukuze dzina ra kwako. ¹⁰ Ufalume wa kwako na udze . mahenzo ga kwako gahendeke vhavha Duniani ngadzahere kuko Mulunguni. ¹¹ uhuvhe rero mukahe wa kila tsiku. ¹² uhusamehe madeni ga kwehu,ngadza siswi huasamehevyo adenu akwehu. ¹³ usihubume majezoni,ela uhuokolole kula yuyahu muovu. ¹⁴ ichikala mundaasamehe Atu makosa ga kwao, Beyenu ariye Mulunguni pia yundamusamehe mwimwi. ¹⁵ ela ichikala kamunda asamehe makosa ga kwao,wala Beyenu kandamusamehe makosa ga kwenu. ¹⁶ ''zaidi ya gago gosini ufungavho,usionyese uso wa huzuni ngadza here anafiki u, kwa kukala anakunza nyuso za kwao ili kukala aamanya vyakukala afunga.ujeri ninakwambira,kare udziivhokera tawabu ya kwako chikamilifu. ¹⁷ ela uwe,ichikala ufunga ,vhaka mafuha chitswa cha kwako na uwojese uso wa kwako. ¹⁸ vivyo kainda onyesa mbere za Atu vya kukala ufunga ,ela tu indakala kwa Abayo ariye sirini. Na Abayo aonaye sirini;yundakuvha tawabu ya kwako. ¹⁹ '' usidziikire akiba za kwenu vhavha duniani,ambavho vhana lutswa na kutu nikubananga, ambavho aivi anavunza na kuiya. ²⁰ Badalaye,dzitunzire akiba ya kwako mwenyewe Mulunguni,ambavho lutswa wala kutu kaviweza kubananga ,na ambavho aivi kaweza kuvunza na kuiya. ²¹ kwa kukala akiba irvho ndivho na moyo wa kwako undakalavho pia. ²² Ditso ni taa ra mwiri.kwa vivyo ichikala dzitsoro ni zima, mwiri wosini undaudzazwa mwangaza. ²³ Ela ichikala dzitsoro ni kongo,mwirio wosini udziudhala dziza ra gigigi. Kwa vivyo,ichikala mwangaza urio mumo ndaniyo, ni dziza kamare,ni dziza chasi chani! ²⁴ kakuna hata mumwenga ariye yunaweza kuahumikira Alume airi,kwa kukala yundamutsikirirwa mumwenga na kumuhenza munjine,au hata yundadziombozera kwa mumwenga na kumudharau iye munjine.kamuweza kuahumikira Mulungu na mali. ²⁵ kwa vivyo ninakwambira,usikale na mashaka kuhusu maisha ga kwako,vyakukala undaryani wala undanwani,hebu kuhusu mwiri wa kwako,undavalani.je maisha si zaidi ya chakurya na mwiri zaidi ya mavazi? ²⁶ lola tsongo ario angani.kanyala na kavhavhula wala kakusanya wala kuika lutsagani,ela Beyenu wa Mulunguni yunaarisa Ao. je mwini kamuamuhimu zaidi kuriko Ao? ²⁷ ni yuvhiye kahiza mwino kwakuzihangaisha yunaweza kudzionjeza diraa mwenga kahiza uhai wa maisha ga kwakwe? ²⁸ na ni kwa utuwani munayugika,kuhusu mavazi ? aza kuhusu maruwa garigo mindani,jinsi gakiulavyo.kagahenda kazi na kagaweza kudzivisha. ²⁹ bado nina mwambira hata Selemani kahiza utukufu wa kwakwe wosini kavishirwe ngadzahere mwenga ravho kahiza gaga. ³⁰ ichikala Mulungu yunagavalisha makodza ga mindani, garigo ganadumu tsiku mwenga na machero ganatsuvhiwa mohoni, je ni kwa chasi chani yundamuvalisha mwimwi murio na imani tite? ³¹ kwa vivyo musiyugike,na kuamba je hundaryani?wala je hundanwani? wala hundavala nguo zivhizo? ³² kwa kukala mataifa anayeya mautu gaga,na Beyenu wa mulunguni yuna manya vyakula munahenza gago. ³³ ela kwanza uyeyeni ufulume wa kwakwe na na haki ye na gaga gosini gandalaviwa kwako. ³⁴ kwa vivyo, usiyugike kwa ajili ya machero, kwa kukala machero indadzishuhulikira yenye. chila tsiku inatosha kwa maovu ga kwakwe.