¹ Jeso arivhoona lukwili lwa Atu achiuka kwendera Murimani. arivho kala yusegere vhotsi ,Anafunzie achidza kwakwe. ² achifugula kanware, achiamba , ³ ni baha arahu ario masikini a roho, kwa kukala ufalume wa Mulunguni ni wao. ⁴ ni baha arahu ario na huzuni,kwa kukala andafarijiwa . ⁵ ni baha ario ni apore, kwa kukala andairithi tsi. ⁶ ni baha arahu ario na nzala na chiru ya haki,kwa kukala andaukushwa. ⁷ ni baha arahu ario na mbazi kwa kukala ao anda pata mbazi . ⁸ ni baha arahu ario na moyo mudzo kwa kula andamona Mulungu . ⁹ ni baha arahu ario ni apatanishi, kwa kukala Ao andaihiwa Ana a Mulungu. ¹⁰ ni baha arahu ateswao kwa ajili ya haki' kwa kukala ufalume wa Mulunguni ni wao. ¹¹ ni baha mwimwi murio Atu anda muukana na kumutesa na kunena chila aina ya ui chinyume chenu kahiza ulongo kwa ajili ya yangu. ¹² kalani na nyemi na kushangilia, kwa kukala thawabu yenu ni bome dzulu mulunguni. kwa kukala vivi ndivyo Atu ariuvyoatesa manabii ario ishi kabila ya mwimwi. ¹³ Mwimwi mu Munyu wa dunia,ela ichikala munyu udziangamiza kukola kwa kwakwe,indawezekanadze kuhendeka munyu halisi kahiri?kauweza kamare kukala mudzo kwa chitu chinjine chochosi kahiri, isivho kala ni utsuvhiwe konze na kuvyogwa ni magulu ga Atu. ¹⁴ Mwimwi mu mwangaza wa urimwengu.mudzi uriojengwa dzulu ya murima kaufitsika. ¹⁵ wala Atu kagwizha taa na kuriika tsini ya chikavhu,ela kwenye chinara,naro rina angazira osini ario ndani ya nyumba. ¹⁶ richani mwanga wenu umwirike mbere za Atu kwa namna irio kwamba agaone mahendo genu madzo na kumulika Abeyenu ariye Mulunguni. ¹⁷ musiaze vyakukala nidzikudza kuibananga sheriya wala manabii.sidzakudza kuibananga ela kuitimiza . ¹⁸ kwa ujeri namwambira vyakukala muhadi na dunia zosini zichire kavhana hata herufu tite wala chipengele chimwenga cha sheria kwa njira yoyosi chindauswa kahiza sheria muhadi vhavho chila chitu chindivho kala chidzitimizwa ¹⁹ kwa vivyo yoyosi avunzaye amuri iriyo tite mwenga yavhona kufundisha anjine kuhenda vivyo yunda ihiwa mutite kahiza ufaliume wa Mulunguni.Ela yoyosi azigwiraye na kuzifundisha yunda ihiwa mubomu kahiza Ufalume wa Mulunguni. ²⁰ kwa kukala ninamwabira haki ya kwenu isivhozidi haki ya andishi na mafarisayo,kwa vyovyosi virahu kamunda injira kahiza ufalume wa Mulungu. ²¹ '' mwasikira irivyo nenwa kapindi kukala., 'usiulage,'na , 'yoyosi aulagaye yukahiza hatari ya hukumu.' ²² ela nina mwaamba yoyosi amutsikirirwaye nduguye yundakala kahiza hatari ya hukumu;na yoyosi amwambiraye nduguye kukala; 'uwe u mutu usiye faha! 'yunda kala kahiza hukumu ya hatari ya moho wa jehanamu. ²³ kwa vivyo unalavya sadaka ya kwako kahiza madabahu na ukumbukire kukala nduguyo yuna utu wowosi chinyume cha kwako, ²⁴ iriche yo sadaka ya kwako mbere za madabahu ,kisha gwira njira yo.motsi kapatane na nduguyo,ndo kisha udze na unavye sadaka ya kwako. ²⁵ patana na mushitaki wa kwako upesiichikala bado uvhamwenga naye njirani kwenda mahakamani,hebu vhanjine mushitaki wa kwako yunda weza kukuricha mikononi mwa hakimu,na hakimu akuriche mikononi mwa sikiri nawe undatsuvhiwa gerezani. ²⁶ Amina, namwambira mwimwi,hata kamare ,kamunda ikwa huru muhadi murivhe senti ya mwisho ya pesa uiswayo. ²⁷ '' mwasikira vya kukala yanenwa,' usiulage.' ²⁸ ela namwambira mwimwi kukala yoyosi amulolaye mwana muche kwa kumutamani kare yudzi zinga na ye moyoni mwakwe. ²⁹ Na ichikala dzitsoro ra kulume rinakuhendya ukwale,ring'ole na uritsuvhe kure nawe.kwa kukala ni baha chilungo chimwenga kahiza mwiri wa kwako chibanangike kuriko mwiri wosi utsuvhiwe jehanamu. ³⁰ na ichikala ukono wa kwako wa kulume unakuhendya udzikwale,ukate uutsuvhe kure nawe.kwa kukala ni baha chilungo chimwenga kahiza mwiri wa kwako chibanangike kuriko mwiri wosi utsuvhiwe jehanamu. ³¹ idzigombwa pia ,yoyosi amuzolaye muchewe, na amuvhe hati ya talaka. ³² Ela Ninamwambira vya kukala yoyosi amurichaye muchewe isivhokala ni kwa chisa cha kuzinga ,yuna muhenda kukala muzinzi.Na yoyosi amuhalaye baada ya kuhewa talaka yunahenda uzinzi. ³³ Kisha,mudzisikira ichigombwa kwa Arahu a kapindi, 'musiape kwa ulongo ,ela vhirikani viravho vya kwenu kwa Bwana.' ³⁴ Ela namwambira mwimwi,musiape hata chidogo,ama kwa mbingu ,kwa kukala ni Enzi ya Mulungu,' ³⁵ wala kwa dunia,kwa kukala ni vhatu vha kwika chihi cha kuvyogera nyayo za kwakwe,ama kwa Jerusalemu ,kwa kukala ni mudzi wa mufalume mubomu. ³⁶ wala usiape kwa chitswa cha kwako,kwa kukala kuweza kuluhenda ludzere lumwenga lweluvhe au lwiru. ³⁷ Ela maneno ga kwenu gakale;ndevyo,ndevyo,kavhana ,kavhana;kwa kukala gazidivyo gago ganaombola kwa yuyahu muovu. ³⁸ ''mwasikira vichinenwa kukala ;dzitso kwa dzitso,na dzino kwa dzino,' ³⁹ Ela mimi ninamwambira,musishindane na mutu ariye muovu,ela mutu achikupiga tsavu ra kulume mugaluzire ra kumotso pia. ⁴⁰ Na yoyosi ariye yunatamani kuenda na uwe mahakamani na akuvhoke kanzu ya kwako,murichire na johoro pia ⁴¹ N yoyosi akulazimishaye kwenda naye lunyago lumwenga enda naye nyago mbiri. ⁴² kwa yoyosi Akuvoyaye muvhe,na usimwepuke yeyosi ahenzaye kukukopa. ⁴³ musikira ichigombwa,'muhenze jirani wa kwako na umutsikirirwe hadui wa kwako.' ⁴⁴ ele ninamwambira,ahenzeni hadui a kwenu , avoyereni amutsukizyao. ⁴⁵ ili vyakukala mukale ahoho a beyenuariye Mulunguni.kwa kukala yunarihenda dzuwa riangaze kwa Ai na Adzo,na yunaanyerera mvula aovu na Adzo. ⁴⁶ ichikalamunda ahenza amuhenzao mwimwi munapata tawabu yani?kwani hata atoza ushuru kahenda vivyo?na ⁴⁷ ichikala mundaalamusa ndugu zenu tu munapatani zaidi ya anjine?j je! Atu a mataifa kahenda utu ngadza uo? ⁴⁸ kwa vivyo munafaha mukale aaminifu ,here Beyenu wa Mulunguni arivyo.