¹ Anji adzibidisha kwika kahiza mupangilio wa n'ganzi dzulu ya mautu ambago gatimizwa kahikahi yehu. ² Here arivyohuva siswi ambao hagu mwanzo ni mashahidi orio ona na matso nani ahumiki a ujumbe. ³ Vivyo nami pia, baada ya kgapeleleza chi undani chaho cha mautu gaga gosini hangu chaho- naona ni tototo kwangu nami pia nikwandikire kahiza mupangiliowe iye- mwishimiwa Theofilo. ⁴ Ili kukala uweze kumanya kuhusu ujeri wa mautu urigofunzwa. ⁵ Kahiza tsiku za Herode, mutawali wa Judea, kwa kala na chilongozi wa dini ariyeihiwa Zakaria, wa lukolo lwa Abiya. Muchewe walaa kula kwa ana achiche a Haruni, na dzinare wehiwa ni Elizabeti. ⁶ Osini akala ni enye hachi mbere za Mulungu, aenenda bila lawama kahiza amri zosini na malagizo ga Bwana. ⁷ Ela kakarire na mwana, kwa kukala Elizabeti here ni mugumba, na kwa muda uu wosini osi airi here akala akomu muno. ⁸ Vikara yaomborera kukala Zakaria arivokala kahiza uwepo wa Mulungu, achienderera na wajibuwe wa kulongoza kahiza utaratibu wa jibare. ⁹ Kulingana na kaukida ya kutsagula ni yaviye cholongozi wa chidini andiye humika, were watsagulwa kwa kura kwinzira kahiza hekalu ra Bwana na kwa riro angafukizha wuumba. ¹⁰ Na lukwili lwosi lwa atu were lunavoya konze muda uo wa kufukizwa uvumba. ¹¹ Kisha Malaika wa Bwana achimuomborera na achima upande wa mukonoo wa kulume ga madabahu. ¹² Zakaria waondoka arivomuona, hata achigwirwa ni woga. ¹³ Ela Malaika achimwamba, “Usiogove Zakaria, kwa kukala mavoyogo gasikirwa. Mucheo Elizabeti yuuda kuvyarira mwana. Dzinare undamwiha Johana. ¹⁴ Undakala na nyemi na kutsira tsira, na anji andakala na nyemi kwa kuvyalwakwe. ¹⁵ Kwa kukala yunda kala mubomu mbere ya matso ga Bwana kandanwa divai hebu uchi, na yundakala yudzazwa ni Roho mutsunyi kulahangu ndanini mwa ameye. ¹⁶ Na atu anji a Israeli andamuuyira Bwana Mulungu wao. ¹⁷ Yundakwenda mbere za uso wa Bwana kahiza roho na nguvu za Elija. Yundahenda vivi ili kuudzya mioyo ya ano baba kwa ana, ili kukala asiogove enendee kahiza hekima ya enye hachi. Yundahenda vivi ili kuika tayari kwa Bwana, atu ario adzitayarishwa kwa ajili ya kwake.” ¹⁸ Zakaria achimwamba Malaika, “Nindamanyadze utu ono? Kwa kukala mimi nimutuminya na muchangu miakaye ni Minji muno.” ¹⁹ Malaika achijibu na achimwamba, “Mimi ni Gabrieli, niriye ninaima mbere za Mulungu. Nahumwa kukwambira kukurehera uvoro uu mudzo. ²⁰ Na lola, kundanena, undafumbwa kauli, undakala bwibwi muhadi tsiku irahu iriyo mautu gaga gandatimira. Ii ni kwa kukala washindwa kukubali maneno gangu ambago gandatimizwa kwa muda ufaao." ²¹ Vikara atu were anamutariza Zakaria. Aangalazwa kwa kuhumira muda munji hekaluni. ²² Ea arivhombola konze kawezere kugomba nao. Achimanya kukala yudzona maono adzivokala yu mumo hekaluni. Waenderera konyesa ishara na achisalabwibwi. ²³ Irivokalia kwamba tsiku za hudumaye zirivosira, yabidi auye kwakwe nyumbani. ²⁴ Baada ya Zakaria kuuya nyumbani kula kwa uhumikiwe hekaluni muchewe achihenda tumbo. Naye kaomborere nyumbani kwa muda wa miezi mitsano. Achamba, ²⁵ "Riri ndio ambao Bwana yudzinihendera arivonilola kwa kunihenzekezya ili anusire webu wangu mbere za atu." ²⁶ Vikara, kahiza mwezi wa handahu wa mimba ya Elizabeti, Mulungu wamwamba Malaika Gabrieli enda kahiza mudzi wa Galilaya uihiwao Nazareti, ²⁷ Kwa mwana mwari (musichana ariyekala kadza onana na mulume) ariyekala walola ni (wapigwa dzuya) mwanalume ambaye dzinare ni Jusufu. Iye were ni wa lukolo lwa Daudi, na dzina ra musichana iye mwana mwari were ni Mariamu. ²⁸ Achinjire nyumbani mwakwe na achimwamba, "Nakulamusa, uwe uriye vokera neema bomu! Bwana yudzihamirwa niuwe." ²⁹ Ela maneno ga malaika gamutsanganya na kelewere ni kwa tuwani malaika wanena mulamuso uu wa ajabu kwakwe. ³⁰ Malaika achimwamba, "Usiogove, Mariamu, kwa kukala upata neema Mulungu. ³¹ Na lola, undahenda tumbo na undavyala mwana. Nawe undamwiha dzinare Jesu. ³² Yundakala mubomu na yundaihiwa mwana wa ariye dzulu muno. Bwana Mulungu yunda muva chihi cha utawala cha Daudi abaye. ³³ Yundatawala dzulu ya lukolo lwa Jakobo kare na kare na ulawalawe kaundakala na mwisho. ³⁴ Mariamu achimwamba malaika, rino rinda hendeka kwa kwa njira yani, maana sidza wahi kukala na mwanalume yoyosi? ³⁵ Malaika achijibu achimwamba, "Roho mtsunyu yunudakudzira dzuluyo na nguvu za ariye dzulu muno indakuda dzuluzo. Kwa vivyo, mtsunyu andiyevyalwa yundaihiwa mwana wa Mulungu. ³⁶ Lola, zidakudza dzuluyo, nduguyo wa chiche Elizabeti yuna tumbo (ya mwana) kahiza umuriwe wa uhetu. Na uu ni mwezi wa handahu kwakwe, iye yekala achihiwa mugumba. ³⁷ Kwa kukala, kakuna risirowezekana kwa Mulungu. ³⁸ Mariamu achamba, "Lola, mimi nimuhumiki wa chiche wa Bwana. Richa ikale vivyo kwangu karakara na ujumbeo." Chisha malaika achimuricha. ³⁹ Ndivho kahiza tsiku zizo Mariamu wauka hiraka achenda itsii ya virima, kwenye mudzi kahiza itsii ya Judea. ⁴⁰ Wakwenda nyumbani kwa Zakaria achi mulamusa Elizabeti. ⁴¹ Vyakala vivi Elizabeti yusikira mulamuso wa Mariamu iye muhoho mutsanga watina ndani ya tumboye, Elizabeti achidzazwa ni roho mtsunyu ⁴² Waunula sauti ye na achigomba kwa sauti bomu, "Ubarikiwa muno uwe kahia anache, na mwana ariye tumboni mwako yunabarikiwa. ⁴³ Na vidzi kaladze kwangu kukala, ameye Bwana wangu anidzire mimi? ⁴⁴ Kwa kukala, vhodziosikira sauti ya kulamuso ko vhodzo injira masikironi mwangu, muhoho iye mutate akatina kwa uyemi. ⁴⁵ Na ahaswe mwanamuche yuyahu ariye wakubali vya kukala kungaomborera kutimira kwa arigoambirwa kula kwa Bwana. ⁴⁶ Mariamu achiamba, "Moyo wangu unamulika Bwana, ⁴⁷ na roho ina uyemi kahiza Mulungu mokoli wangu. ⁴⁸ Kwa kukala yudzilola hali ya tsini ya muhumikiwe wa chiche. Lola, kufikira vivi vivyazi vyosi vindaniha. ⁴⁹ Kwa kukala mwenye nguvu yunihendera mabomu, na dzinare ni tsunyu. ⁵⁰ Na rehemaye inadumu kula lukolo hadi lukolo kwa arahu amogovhao. ⁵¹ Yudzonyesa nguvu kwa mukonowe mwenye, yuudziatsamula arahu ario anadzivuya dzulu ya miazo ya mioyo yao. ⁵² Yuatserezatsi ana a atawali kula kahiza vihi vyo vya utawali na kuanula dzulu ario na hali ya tsini. ⁵³ Wakusha enye nzala kwa vitu vidzo, ela mashaha waazola mikono mivhuvhu. ⁵⁴ Yulavya musaada kwa Israeli muhumikiwe, ili kukumbukir kwenyesa mbaazize. ⁵⁵ (Here arivyonena kwa bezehu) Kwa Ibrahamu na chivyaziche kare na kare.” ⁵⁶ Mariamu wakala na Elizabeti chasi cha mihahu ndo achuya kwakwe nyumbani. ⁵⁷ Vikara muda here ufika wa Elizabeti kudzifugula mwanawe, na achidzifugula mwana wa chilume. ⁵⁸ Majiranige na nduguze asikira virahu arivyo Bwana arivyo veresa (kukuza) mbaazi, na achifurahi vhamwenga naye. ⁵⁹ Vikara irivhofika tsiku ya nane akudza achimubuma lwembeni iye mwana. Na achamba inafaa aihiwe dzina ra “Zakaria” kwa kulengana na dzina ra abaye. ⁶⁰ Ela ameye achijibu na achamba, “Sevyo, yundahiwa Johana.” ⁶¹ Achimwamba kakuna hata mutu mumwenga kahiza nduguzo aihiwaye dzina dza riri. ⁶² Achimuhendera ishara abaye ili aonyese kukala yunahenza aihiwedze. ⁶³ Abaye achilonda chibao cha kwa ndikira, na achandika, “Dzinare ni Johana.” Osini achagalazwa ni riri. ⁶⁴ Na ghafula kanware richifuguka na lurimiwe luchikala huru. Achanza kugomba na kumulika Mulungu. ⁶⁵ Wasiwasi uchianjira osini oriokala anasagala vhevhi nao. Na mautu gaga gachitsalarira kahiza itsii yosini ya virima vya Judea. ⁶⁶ Na atu osini ariogasikira agaika mioyoni mwao achamba, “Mwana yuno yundakala wa chidzedzedze?” Kwa kukala mkono wa Mulungu were uvhamwenga naye. ⁶⁷ Zakaria abaye iye mwana, waudzazwa ni roho mtsunyu na achomboza unabii, achiamba, ⁶⁸ “Alikwe Bwana, Mulungu wa Israeli, kwa kukala yudziaviza na yudzitimiza wokoli kwa atuwe- ⁶⁹ Yudzihulurira pembe ya wokoli kahiza nyumba ya mtumishiwe Daudi, kahiza kahikahi ya lukolo lkwa mtumishiwe Daudi. ⁷⁰ Here arivyonena kula kwa kanwa ra manabii ariokalako kahiza tsiku za kare. ⁷¹ Yundahokola kula kwa mahadui ehu na kula mikononi mwa osini ario ana humena. ⁷² Yundahenda vivi ili konyesa mbaazi kwa bezehu na kukumbukira laganore takatifu. ⁷³ Chiravho arichochipige kwa Ibrahamu beyehu. ⁷⁴ Waapaa kuchusa kwehu ili kukala huweze kumuhumikira lye bila woga, baada ya kokolwa kula kwa mikononi kwa mahadui gehu. ⁷⁵ Kahiza utsunyu na hachi mbereze tsiku zehu zosini. ⁷⁶ Ndivho ta, na uwe mwana, undahiwa nabii wa ariye dzulu muno, kwa kukala undaenenda mbere za uso wa Bwana ilii kumutengezera njira, na kuatayarisha atu kwa ajili ya kudzakwe. ⁷⁷ Kuamanyisa atuwe kukala andaokolwa kwa njira ya kusamehewa dambi zao. ⁷⁸ Na riri rindakala kwa sababu ya mbazi za Mulungu wehu, sababu ambayo dzuwa kula dzulu rindahudzira. ⁷⁹ Kuangarira ao akalao dzizani na kahiza chivurivuri cha chifo. Yundahenda vivi kungalongiza magulu gehu kahiza njira za amani. ⁸⁰ Vikara, yuyahu muhoho achikula na achikala mwenye nguvu rohoni na achikala nyika mpaka tsiku ya kudzombozakwe lwazu kwa a Israeli.