¹ Kwa vivyo naamua chivyangu mwenye vya singakudza kaviri kuko kwenu kahiza hali ya utsungu. ² Ichikala namusababishira mwimwi utsungu, ni yuvhiye ariye anganifurahisha mino, ela si yuyahu ariye lumizwa ni mimi? ³ Naandika here nirivyohenda ili kukala wakati nichidza kwenu nisiweze kulumizwa ni arahu ario angakala adzihendya nikale na raha. Ninao ungumbao dzulu ya mwimwi mosi kukala raha yangu niraha irahu irahu muriyonayo mwimwi mosini. ⁴ Kwa kukala na mwandikira mwimwi kula na kusirima kubomu natenguri ya moyo na matsozi manji sihenzere kuaherera mwimwi mavune. Badalaye nahenza mumanye uhenzo wachina nirio nao kwa ajili yenu. ⁵ Kala ichikala yoyosi ariye sababisha mavune, kadza sababisha kwangu tuu, ela kwa chasi fulani bila kuika usiru munji kwenu mwimwi mosini. ⁶ ii adabu ya mutuiye kwa anji inatosha. ⁷ Kwa vivyo vikara badala ya adabu hunahenzekana kumusamehe na kumufariji. Hendani vivi ili kukala asishindwe ni kushononeka kodzo zidi. ⁸ Kwa vivyo ninamubuma monyese kuthibitisha uhenzo wenu vhalamu kwa ajili ya iye. ⁹ Hii ndio sababu naandika, ili kukala niweze kuajeza na kumanya kala mwasikiza kula za chila chitu. ¹⁰ Kala munda musamehe yoyosi, na mimi pie na musamehe mutu iye. Chirahu niricho chisamehe kala ni dzisamehe chochosi-chidzi samehewa kwa faida yenu kahi za uwepo wa Kiristo. ¹¹ Ii ni kukala shetani asidze akahuhendera ulongo kwa kukala siswi kahuazuzu kwa mipango ya kwakwe. ¹² Muryango wa wafuglwa kwanguni bwana nirivho kudza kahiza Mudzi wa Troa kuhubiri injili ya Kristo vhavho. ¹³ Ta vivyo, sikarire na reri ya moyo, kwa ovya kukala simonere mwenehu Tito vhavho. Kwa varahu namuricha na nichiuya Makedonia. ¹⁴ Ela ashukuriwe Mulungu ariye kahi za Kiristo kana zosi nikuhulongozo siswi kahi za ushindi. Kuchirira siswi ni gotya kungu mbidzo ya mistunzuye vhatuvosini. ¹⁵ Kwa kukala siswi kwa Mulungu, hu kungu mbidzo ya Kiristo, osini kahiza arahu ariookolwa na kahiza arahu aangamikao. ¹⁶ Kwa atu ario anaangamika ni kungu ya kula chifo muhadi chifo. Kwa arahu aokolwao ni kungu mbizo kula uzima muhadi uzima. Ni yuviye afahaye vitu vivi? ¹⁷ Kwa kukala siswi sihere atu anji aguzao neno ra Mulungu kwa faida. Badalaye kwa usafi utsunyu wa nia hunagomba kahiza Kiristo here hudziohumwa ni Mulungu, mbere za Mulungu.