^{2 1} Paulo, muhumwa wa Kristo Jesu kwa mahenzo ga Mulungu, na Timotheo ndugu yehu, kwa kanisa ra Mulungu ririro Korintho, na kwa atsunyu osini ario kahiza jimbo rosi ra Akaya. Neema na ikale kwenu na reri kula kwa Mulungu beyehu na Bwana Jesu Kiristo. ³ Naalikwe, Mulungu na Baba wa Bwana Jesuu Kiristo. Iye Baba wa mbazi na Mulungu wa faraja zosi. ⁴ Ahufarijie siswi kahi za kusirima kwehu kosi, ili kukala huweze kuafariji arahu ario kahi za kusirima. Hunaafariji anjine na faraja irahu irahu iriyo Mulungu waihumira kuhu fariji siswi. ⁵ Kwa kukala here virahu kusima kwa Kiristo ni kuonjeka kwa ajili yehu, vivyo vivyo faraja yehu ni kuonjezeka kuchirira Kiristo. ⁶ Ela ichikala siswi hunabudzwa, ni kwa ajili ya faraja yenu a wokozi wenu. Na ichikala hunajfarijiwa ni kwa ajili ya faraja yenu. Faraja yenu inahenda kazi chikamilifu mushirikivo kusirima kwa uvumirivu here siswi pie husirimavyo. ⁷ Na ungumbau wehu dzulu yenu udzimato. Hunamanya kukala here virahu mushirikivyo kusirima, vivyo vivyo munashiriki faraja. ⁸ Kwa kukala kahenzi mwimwi musimaye dzulu ya makomyo hurigo kala nago kuka Asia. Hazidirwa muno zaidi ya virahu huwezavyo kutsukula, ta na moyo mure wa kuishi kaviri. ⁹ Jeri, hakala na hukumu ya chifo dzulu yehu. Ela iyo ereniyakuhu hendya siswi husike a moyo mure dzulu yehu enye, ela hike moyo mure kahi za Mulungu afufulaye ariofa. ¹⁰ Wa hokola siswi, kulaira ubananzi wa kufa, na yunda hokola kaviri. Hudzika ungumbau wehu kahi za iye vya kukala yunda hokola kaviri. ¹¹ Yundahenda vivi here virahu mwimwi pie muhavizavyo kwa mavoyo genu vivyo anji andaomboza shukurani kwa niaba yehu na kwa ajili ya kuhenzekewa kwa neema hiyohewa siswi kuchirira kwa mavoyo ga anji. ¹² Huna dzivunya kwa riri, ushuhuda wa nia yehu. Kwa kukala ni kahi za safi na usafi wa Mulungu kukala haenenda enye kahi za dunia. Hudzihenda vivi hasa na mwimwi na si kahi za hekima ya urimwengu, ela badalaye ni kahi za neema ya Mulungu. ¹³ Kahumwandikira chochosi muricho kamuweza kuchisoma hebu kwelewa. Nina ungumbau. ¹⁴ kukala kwa sehemu mudzihelewa. Na nina ungumbau kukla kahi za tsiku za Bwana Jesu hundakala sababu yenu kwa ajili ya kudzumula kwenu, here virahu mundivyo kala kwehu. ¹⁵ Kwa kukala nakala na ungumbau dzulu ya riri, Nahenza kudza kwenu kwanza ili kukala muweze kuvokera faida ya kutsembererwa kana mbiri. ¹⁶ Were na panga kuatsemberera mwimwi wakati nichikala naenenda Makedonia. Chisha were nahenza kuatsemberera kaviri wakati nichuya kula Makedonia, na chisha mwimwi kunihuma mimi wakati nenenda Uyahudi. ¹⁷ Nirivhokala naza vivi, Je, were na chisoi? Je napanga mautu kilinga na vipimo vya chibinadamu, ili kukala nambe "Ndevyo, ndevyo" na "Sevyo, Sevyo" kwa wakati mumwenga? ¹⁸ Ela here virahu Mulungu arivyo mwaminifu, kahamba vyosi "Ndevyo" na "Sevyo" ¹⁹ Kwa kukala mwana wa Mulungu, Jesu Kiristo ariye Silivano, Timoteo na mimi hamutangaza kahi yenu "Sindevyo" na "Sevyo" Ela, iye wakati wosi ni "Ndevyo." ²⁰ Kwa kukala chilagane chosi cha Mulungu ni "Ndevyo" kahi za iye. Vivyo pie kuchirira iye humba ni "Amina" kwa utukufu wa Mulungu. ²¹ Vikara ni Mulungu ariye yuna huhakisha siswi vamwenga namwi kahi za Kiristo, na wa huhuma siswi. ²² Waika muhuridzulu yehu na wahuva Roho kahi za mioyo yenu here hakikisho rachirahu kahi za mioyo yenu here hakikisho rachirahu chiricho angahuva badaye. ²³ Dzulu ya gago na mwihia Mulungu kukala shahidi dzulu ya nafusi yangu vyakukala ni kwa ajili ya kuaonera mbazi sidzire kaviro Korintho. ²⁴ Vivi sivya kukala hunariroroma kuhivirorenu, ela hunahenda kazi vamwenga namwi kwa ajili ya raha yenu, kwa kukala ni kwa kuluviro munaima tototo.