¹ Sambi kwa habari ya muda na majira, enehu, naona kamna haja ya kumwandikira. ² Kwa kukala mwimwi enyee munamanya ya kukala, tsiku ya Bwana ahadza here mwiri adzavyo usiku. ³ Wakati mwaambavyo kuna "Amani na usalama," ndivo adzirwavo ni mautu mai ghafula. Ni here utsungu umudziravyo mwanamuche mwenye tumbo. ⁴ Ela mwimwi, enehu kamudzizani muhadi irahu tsiku indivo akudzira here mwivi. ⁵ Kwa maana mwimwi mosi muana a mwangaza na muana a mutsana. Siswi kahuana a usiku au a dzizani. ⁶ Ndivyo hunaamba, husilale here anjine, isivokala huweze kuchesa na kukala makini sana. ⁷ Kwa kukala alalao, ni kulala usiku na alevi pia anareya usiku. ⁸ Kwa kukala siswi huana a mtsana, hukale makini. Huvale ngao ya imani na uhenzo, na , kofia ya chuma, ambayo ni uhakika wa wokovu wa majira gadzago. ⁹ Kwa kukala Mulungu kahutsagurire hangu vo mwanzo kwa ajili ya ghadabu, ela kwa kupata wokovu kwa njira ya Bwana Jesu Kirisito. ¹⁰ Iye ndiye ariehuferera ili kukala, huchikala matso au huchilala, hundaishi vamwenga naye. ¹¹ Kwa iyo farijianani na kujengana mwimwi kwa mwimwi here muendereravyo kare. ¹² Enehu, hunamuvoya muamanye sana ao ahumikao kahi yenu na ao ario dzulu yehu kahiza Bwana na ao amwarao. ¹³ Pia muamanye na kuava heshima kahiza uhenzo kwa sababu ya kazi yao. Mukale na Amani kahi yenu mwimwi enyee. ¹⁴ Hunamuvoya, enehu: Muaonye ao asioenenda kwa utaratibu, aveni moyo ao ariokata tamaa, asaidieni ao ario anyonge na mukale enye subira kwa osi. ¹⁵ Lolani asikalevo arivizaye chisasi kahiza jambo rorosi rii. Badalaye zidini kuhenda garigo madzo kahiza chila mumwenga wenu na kwa atu osini. ¹⁶ Furahini siku zosi ¹⁷ Voyani bila kukoma. ¹⁸ Mushukuruni Mulungu kwa chila jambo, kwa sababu gago ndio mahenzoge kwenu kahiza Jesu Kirisito. ¹⁹ Musimufungire roho. ²⁰ Musimuvurye ²¹ Gajezeni mautu gosi. murigwire ririro ridzo. ²² Dzitengeni na chila dhamiri mbii. ²³ Mulungu wa Amani amukamilishe kahiza utakatifu. Roho, nafsi na mwiri vitunzwe vasivo na uchafu muhadi kahiza kudzakwe Bwana wehu Jesu Kirisito. ²⁴ Iye ariye aiha ni mwaminifu,naye ndiye ahendaye. ²⁵ Enehu, huvoyereni pia. ²⁶ Alamuseni enehu osini kwa busu takatifu. ²⁷ Namuvoya kahiza Bwana kukala barua ii isomwe kwa enehu osi. ²⁸ Neema ikale vamwenga namwi.