¹ Paul, Silvano na Timoti kwa kanisa ra Athesalonike kahi za Mulungu baba na Bwana Jesu Kirisito. Neema na reri ikale namwi. ² Hunamboza shukurani kwa Mulungu chila wakati kwa ajili yenu mosi, huchiahadza kahi za mavoyo gehu. ³ Hunaikumbukira bila kukoma mbere ya Mulungu na baba wehu kazi yenu ya imani, bidii ya uhenzo na uvumirivu urio na ujasiri kwa ajili ya baadaye kahi za Bwana Jesu Kirisito. ⁴ Ndugu muhenzwao ni Mulungu hunamanya mwiho wenu. ⁵ Na vyo injili yehu vyokudza kwenu, si kwa maneno hacheye ela kahi za nguvu, kahi za roho mtakatifu, na kahi za ujeri namwi munamanya vyo hurivyokala kahi kahi yenu kwa ajili yenu. ⁶ Mwakala atu akuhuiga sisi na Bwana here mrivyovokera neno kahi za taabu kwa raha yombolayo kwa Roho mtakatifu. ⁷ Madzirige, mchikala mufano kwa osi kahi za Makedonia na Akaya ario anaamini. ⁸ Kwa kulaa kwenu mwimwi neno ra Mulungu ridzitsamuka kosi si Makedomia na Akaya hacheye, ela chila vatu imani yehu kahi za Mulungu idzitsamuka kosi, hata kavihuhenza kugomba chochosi. ⁹ Kwa kukala ao enyee anagomba ko kudza kwehu kwakaladze kahi kahi ya mwimwi . anasumurira dzulu ya vyo murivyo mugalukira Mulungu kwa muzuka na kumuhumikira Mulungu arie moyo na wa jeri. ¹⁰ Anena kukala munamutariza mwanawe kula Mulunguni ariye mufufula kula kuzimu; na yuyu ni Jesu ahutivyaye na utsungu wa Mulungu.