¹ Kisha malaika wa tsano webiga tarumbeta ye e.Neona nyenyezi kumbola mlunguni idzebhwa kwenye dunia.Nyenyezi yepewa ufunguo wa bopo inenda kwenye bopo risiro na mhwisho. ² Wefungula bopo risiro na mhwisho na mosi uchikhwere dzulu kwa safu kombola ndani ya bopo dzuu here mosi kula kahikahi ya tanuru bomu. ³ Ndani ya mosi nzinje na vhebadilika kudza dzulu ya dunia, nao vyepewa nguvu here iratu ya nnjenje dzulu ya dunia. ⁴ Weambirwa vhasibagange makodza kahi za ntsi au mmera wowosi wa chijani au mhi, isihokala tu atu ambao kavhaka karire na muhuri wa mulungu kahi za uso wao. ⁵ Wapewere ruhusa ya kuvholaga au o atu,bali kuvatesa tu kwa miezi mitsano. Tsungu wao wekala here uratu wa kulumwa ni nnjenje alamavyo mutu. ⁶ Kahi za siku zizo atu vyendatafuta kufa,lakini wadachipata chifo. Vandatamani kufa lakini chifo chindavhachimbira. ⁷ Nzije wevwelana na farasi vharioandaliwa kwa viha.Khwenye vitswa vyao khwekala na chitu here taji ya dhahabu na nyuso zao zekala here za binadamu. ⁸ Wekala na nyere here za anaache na meno gao gekala here ga simba. ⁹ Wekala na vifua here vifua vya chuma na sauti ya mavava gao yekala here sauti ya magari manji ga viha na farasi vhachichimbira khwenda vihani. ¹⁰ Vekala na michira ilumayo here inje; kahi za michira yao vhekala na nguvu ya kuwmiza atu kwa miezi mutsano. ¹¹ Vhekala naye here mfalume dzulu yao malaka wa bopo risirokala na mwisho.Dzinare kahi za kiebrania ni Abadoni na kahi za kiyunani ana dzina Apolioni. ¹² Ole ya mhwanza idzichira.Lolani baada ya riri kuna vifo viri gadzago. ¹³ Malaika wa tandahu achibiga tarumbeta ye, na nichisikira sauti yombolayo kahi ze pembe ya madhabahu ya dhahabu ambayo imbere za mulungu. ¹⁴ Sauti yemhwabira malaika wa handahu ariyekala na tarumbeta,''Vharicheni malaika ane ambao vefungwa kahi za moho mbomu Efrata.'' ¹⁵ Malaika aratu ane vekala vadziandaliwa khwa saa iyo maulumu, siku iyo mwezi uo na mwaka uo verichirwa vaolage theluthi ya anadamu. ¹⁶ Hesabu ya maaskari wekala dzulu ya farasi yekala 200,000,000 Nesikira hesabu yao. ¹⁷ Vivi ndivyo nirivyoona farasi kahi za maono gangu na aratu variopanda dzulu yao: vilanga vyao vekala vitune here moho bluu iriyoiva na njano isiyoiva.Vitswa vya farasi vehalana na vitswa vya simba na milomoni mhwao wombola moho, mosi na chiribiti. ¹⁸ Theluthi ya anadamu wachiolagwa khwa mabigo mahahu: moho mosi na salfa iroyoombola kahi za milomo yao. ¹⁹ Kwa kukala nguvu za farasi yekala kahi za milomo yao na kahi za michira yao- kwa kukala michira yao yekala here nyoka wekala na vitswa ambavyo vhevitumia kuvhenjira majeraha anadamu. ²⁰ Atu variobaki aratu ambavho wekala vhandzaolagwa na mabigo gaga, khawaungamire mahendo gao wariokala vadzigahenda, wala khavarichire kuvoya mapepo na milungu ya dhahabu,fedha,shaba,mawe,na mihi vitu ambavyo khaviweza kona kusikira au kutsembera au kwenenda. ²¹ Wala khawatubire kolaga kwao, utsai wao uasharati wao au njira zao za wevi.