¹ Wakati mhwanang'onzi arihofungula muhuri wa funguhe kuchikala na chimya ko mulunguni karibu ya nusu saa. ² Kisha nichona malaika afungahe vhemao mbere za mulungu na vhachipewa tarumbeta fungahe. ³ Malaika munjine achidza adzighwirira bakuli ra dhahabu renye uvumba, adzema madhabahuni.Achipewa uvumba munji ili khwamba awomboze hamwenga na mavoyo ga aamini osi kahi za madhabahu ga dhahabu mbere za chihi cha enzi. ⁴ Mosi wa ou uvumba hamhwenga na mavoyo ga aamini, uchikhwera dzulu mbere za mulungu kombola mukononi mhwa malaika. ⁵ Malaika achihala bakuli ra uvumba achirodzaza moho kombola mukononi kula khwenye madhabahu. Kisha achiritsuha tsini dzulu ya tsi na kuchomborera sauti ya khwakhwara, miale ya khwakhwara na tetemeko ra tsi. ⁶ Vharatu malaika afungahe ambavho vhekala na tarumbeta fungahe vhachikala tayari kuzibiga. ⁷ Malaika wa khwanza achikala tayari kuibiga tarumbeta ye; na kuchombolera mvula ya mawe na moho uriotsanganyikana na milatso.Vichitsuhiwa tsini kahi za tsi ili khwamba theluthi iye ishe, theluthi ya mihi ichisha na nyasi zosi za chijani chitsi zichisha. ⁸ Malaika wahiri achiibiga tarumbeta ye na chitu here murima mubomu uriokala unasha khwa moho uchitsuhiwa baharini.Theluthi ya bahari ichikala milatso. ⁹ Theluthi ya viumbe virivyo hai baharini vichifwa na theluthi ya mali zichibananghwa. ¹⁰ Malaika wa hahu achibiga tarumbeta ye na nyenyezi bomu ichighwa kula mulunguni ichimulika here kurunzi,dzulu ya theluthi ya miho na chemichemi za madzi. ¹¹ Dzina ra yo nyenyezi ni pakanga.Theluthi ya madzi ichikala ni pakanga, na atu anji vhachifwa kumbola na madzi garivyokala utsungu. ¹² Malaika wa ne webiga tarumbeta ye na theluthi ya dzuna ichibighwa hamhwenga na theluthi ya mhwezi na theluthi ya nyenyezi.Khwa vivyo theluji ya vyosi ichigaluka kukala dziza.Theluthi ya mutsana na theluthi ya usiku khavikalire na mulangaza. ¹³ Nichilola na nichisikira tai ariyekala anaruka kahikahi ya anga acheha khwa santi bomu.''Shoroyo, shoriyo, shoriyo, khwa vhavho vhakalao kahi za tsi, khwa sababu ya mulipuko wa tarumbeta iriyobakia amabayo idzikaribia ni kubighwa ni malaika ahahu.''