¹ Khwa malaika wa kanisa ra Efeso andika: Gaga ni maneno ga yuya abhwiriraye zira nyenyezi fungahe kahi za mukonowe wa kurya.Iye aenendaye kahi ya vinara vya dhahabu vya taa fungahe anamba vivi, ² Namanya mahendogo na bidiiyo ya kazi na uvumirivuo kamili, na khwamba kuweza kuhusiana nao vhario aovu, bali udzivhajeza vhosi vhadzehao ahumhwa na kumbe seo, na vhadzonekana kukala alongo. ³ Namanya unakutariza na uvumirivu na udzichiricha manji khwa sababu ya dzina rangu na kudzatsoka bado. ⁴ Lakini riri niriro naro dzuluyo, udziuricha uhenzoo wa khwanza. ⁵ Khwa vivyo kumbukira urihonghwa, ukatubu na kuhenda mahendo urigohenda hangu mhwanzo.Usihotubu, nindadza khwako na nindachusa chinaracho kula hatuhe. ⁶ Lakini uwe una riri, unatsukirira garatu ambago wanikolai vhadvhegahenda, ambago hata mimi nagatsukirira. ⁷ Na ariye na sikiro asikire garatu ambago Roho anagaambira makanisa. Na khwa iye ashindaye nindamupa chibali cha kurya kahi za muhi wa uzima urio kahi za paradiso ya Mulungu. ⁸ Khwa malaika wa kanisa ra smirna andika:Gaga ni maneno ga yuyatu ambaye ni mhwanzo na mhwisho ambaye wefwa na achuya moyo keheri. ⁹ Nagamanya matesogo na uchiao [lakini uwe u tajiri] na ulongo wa vharatu vhambavho ni wayahudi [lakini sevho-vhavho ni sinagogi ra shetani.] ¹⁰ Usogohe mateso gandago vhapata.Lola! Ibilisi anamala kuvhatsuha sehemu yenu jela ili mupate kujezwa, na mundateseka khwa siku kumi.Kalani aaminifu hadi kufwa na nindavhapa taji ya uzima. ¹¹ Ariye na sikiro na asikire Roho anavyoga ambira makanisa.Iye ashindaye kandapata madhara ga mauti ga hiri. ¹² Khwa malaika wa kanisa ra Pergamo andika: Gaga ndigo anenago iye ariye nariro panga kali, renye makali marambiri. ¹³ Namanya hatu uishiho-hatu chiricho chihi cha enzi cha shetani.Hata vivyo uwe unaribhwira sana dzina rangu, na kuikanire imaniyo iriyo khwangu, hata siku ziratu za Antipasi shahidi wangu, mwaminifu wangu , ariye olanghwa kahikahi yenu, haho ndiho shetani aishiho. ¹⁴ Lakini nina mambo machache chinyumecho: kuko unaatu vhabhwirao mafundisho ga Balaamu, iye ariyemufundisha Balaka khwirka vikhwazo mbere ya ana Israeli, ili vharye vyakurya virivyo omboza sadaka khwa milungu ili vhanajisike. ¹⁵ Kahi za hali iyo iyo una sehemu yao haraka, na ¹⁶ Bai tubu! na usihohenda vivyo nadza haraka, na nindahenda viha chinyume chao khwa panga kahi za mulomo wangu. ¹⁷ Na ariye na sikiro ,asikir Roho ambiraho makanisa.Khwa iye ashindaye, nindamupa baadhi ya ira mana iriyoandikhwa dzina risha,dzina ambaro kakuna ariyenyaye isihokala iye arihocheraye! ¹⁸ Khwa malaika wa kanisa ra Thiatira andika: Gaga ndigo maneno ga mwana wa Mulungu, iye ariye na matsoge here miari ya moho na nyanyoze here shaba iriyosuguiwa sana. ¹⁹ Namanya mahendogo-uhenzoo na imaniyo na huduma na uvumirivuo wa sawasawa, na khwamba chira urichohenda vivi karibuni ni zaidi ya chira urichohenda mhwanzo. ²⁰ Lakini ninaro riri chinyumecho: unamuvumirira mwanamuche Yezebeli adzehaye nabii muche.Khwa mafundishoge anavhapo tosha atumishi angu kuzini na kurya chakurya chirichoombozwa sadaka khwa sanamu. ²¹ Nemupa muda wa kutubu, lakini katayari kuutubia uovuwe. ²² Lola! Nindamupa khwenye chitanda cha makongo na vharatu vhahendao usherati naye khwenye mateso makali, pengineho vhandatubu mahendoge. ²³ Nindavhabiga anae vhafwe na makanisa gosi vhandamanya kukala mimi ndiye niyachunguzaye mawazo na mioyo.Nindamupa chila mumhwenga wenu kadiri ya mahendoge. ²⁴ Lakini khwa sehemu yenu muriosala kahi za thiatira, khwa vhara vhosi vasiobhwira fundisho riri, na musichomanya chira ambacho sehemu ni khweha mafumbo ga shetani ,nanena khwenu, sindaika dzulu yenu muzigo wowosi. ²⁵ Khwa dzambo rorosi, lazima mukale imara mupaka nindihokudza. ²⁶ Iye ashindaye na kuhenda chiratu nirichohenda hadi mwisho khwakwe iye nindamupa mamulaka dzulu ya mataifa. ²⁷ Andavhatawala khwa fimbo ya chuma, here mabakuli ga udongo andvhavunza vipande vipande. ²⁸ Here nirivyohochera kula khwa baba, nindamupa pia nyenyezi ya madzacha. ²⁹ Ariye na sikiro na asikire chira ambacho Roho anagaambira makanisa.