¹ Baadaya vitu vivi nemona Malaika munjine achitima tsini kula Mulunguni. Iye wekala ana mamulaka mabomu, na tsi yeng’ala khwa utukufu we. ² We rira khwa sauti bomu achamba, “Udzeghwa, udzeghwa, uratu mudzi mubomu Babeli! Udzikala hatu hakalaho mapepo, na sehemu ikalayo kila roho chafu, na sehemu akalayo kila muchafu na tsongo atsukizaye. ³ Khwa kukala mataifa gosi gadzenwa mvinyo ya tamaa ya uasherati- we ambao nikumurehera tsukizo. Afalume a tsi vhazini naye. Ahenzi a biashara a tsi vhatajirika khwa nguvu ya maishage ga anasa.” ⁴ Kisha nichisikira sauti injine kula Mulunguni ichamba, “Ombolani khwakwe atu angu, ili musidze mukashiriki kahi ya dhambize, na ili musidze mukahochera mabigoge gogosi. ⁵ Dhambize zirundikana dzulu here mbingu, na Mulungu adzika kumbukira mahendoge mai. ⁶ Muriheni here arivyovhariha anjine, na mukamurihe mara mbiri khwa jinsi arivyohenda; kahi ya chikombe aricho chitsanganya, mutsanganyireni mara mbiri khwa ajiliye. ⁷ Here arivyodzitukuza iye mhwenye weishi khwa raha, mupeni mateso manji na huzuni. Khwa ni kugomba moyoni mhwakhwe, “Nidzikala here malikia; wala mujane, na wala sindaona maombolezo.” ⁸ Khwa vivyo ndani ya siku mhwenga mabigoge gandamuremera; chifo, maombolezo, na nzala. Andochwa khwa moho, khwa kukala Bwana Mulungu ni mhwenye nguvu, na ni muhukumuwe. ⁹ Afalume a tsi vhario zini na kutsanganyikiwa hamhwenga naye vhandarira na kumuomborezera vhandiho ona moshi wa kusha khwe. ¹⁰ Vhandema kure naye, khwa hofu ga maumivuge vhachinena, “Ole ole khwa mudzi mubomu, Babeli, mudzi wenye nguvu! Khwa saa mhwenga hukumuyo ikudza.” ¹¹ Ahendiabiashara a tsi rirani na kuomboleza khwa ajiliye, khwa kukala kahana hata mumhwenga agulaye bidhaa ze keheri. ¹² Bidhaa za dhahabu, fedha, mawe ga thamani, lulu, kitani mbidzo, zambarau, hariri, tune, aina zosi za mihi ya harufu mbidzo, kila chombo cha pembe za nzovu, kila chombo chirichotengenezwa khwa mihi ya thamani, shaba, chuma, dziwe. ¹³ Mudalasini, vilungo, uvumba, manemane, ubani, muvinyo, mafuha, unga safi, ngano, ng’ombe, ng'ozi na farasi na magari, na adzakazi, na roho za atu. ¹⁴ Matunda urigogatamani khwa nguvu zo gadzuka kula khwako. Rahazo zosi na mapambogo gadzuka kagandapati- kana keheri. ¹⁵ Ahendi a biashara a vitu vivi vhariopata utajiri khwa mapenzige vhandema kure naye khwa sababu ya woga wa maumivu ge; vhachirira na sauti ya maombolezo. ¹⁶ Vhachinena, “Ole, ole mudzi uratu mubomu uriovalishwa kitani mbidzo, zambarau, na tune, na kupambwa khwa dhahabu, na vito vya thamani na lulu!” ¹⁷ Ndani ya saa mhwenga utajiri wosi uwo weangamika. Kila nahodha wa meli, kila baharia, na vhosi anamadzi, na vyosi vhahendao kazi baharini, vhema kure. ¹⁸ Vherira vhariowona moshi wa kushakhwe. Vhachamba, “Ni mudzi hiwo uhalanao na mudzi uno mubomu?” ¹⁹ Vhetsuha mavumbi dzulu ya vitswa vyao, na vhachirira, vhachombolwa ni matsozi na kuomboleza, “Ole, ole mudzi urio mubomu ambao atu enye merekebu baharini vhepata mali khwa utajiri we. Ndani ya saa mhwenga udzangamizwa.” ²⁰ “Furahini dzulu ye, mbingu, ninwi aumini, ahumhwa, na manabii, khwa maana Mulungu yureha hukumu yenu dzulu yee!” ²¹ Malaika mhwenye nguvu weenula dziwe here dziwe bomu rakusagira na achiritsuha baharini, achamba, “Khwa njira ii, Babeli, uratu mudzi mubomu, undatsuhiwa tsi khwa ukatili na kaundaonekana keheri. ²² Sauti ya vinanda, anamuziki, vhabiga firimbi, na tarumbeta kamundavyasikira khwenu. Wala fundi wa aina yeyosi kandaonekana khwenu, wala sauti ya chinu kainda sikirikana keheri khwenu. ²³ Mulangaza wa taa Kaunda ng’ala ndaniyo. Sauti ya bwana harusi na bibi harusi kazinda sikirwa keheri ndaniyo, maana anabiashara o, vhekala abomu a itsi, na a mataifa, vhekenga khwa utsai o. ²⁴ Ndani ye milatso ya manabii na aumini yeonekana na milatso ya vhosi vhario olaghwa dzulu ya itsi.”