1 Erilako rirula hu Kaisari Agusto eribolea mbwe esialo siosi barunge obusuri. 2 Obusuri burangira bwarungwa sirinasi nari muruki wa esialo sia siria. 3 Buli mundu yachia orunga obusuri mu lukongo lwabu. 4 Yosefu yosi yarula Galilaya mu dala ria nasareti niyengira Yudea mudala lya Daudi erilangwa mbu Bethlehemu ohubera Yosefu yari woluyia lwa Daudi 5 Yachia orunga obusuri bwaye alala nende omweya waye olangwa Mmaria ne Maria yari asiro. 6 Ngabari ni basiriyo, chindalo chiaye chiohwehonya chiola. 7 Yehonya Omusiani waye wamberi mani namuboya mungubo chindorodora mani namualisia Musisera hubera obweyango bwauma mu Nyumba yabakeni. 8 Musialo sienesio mwarimo abayi abamenya mu bipapi ni barinda ebiayo biha biesiro. 9 Malaika wo mwami yabechera oluyari hwomwami lwababodohana mani oburi ni bubamba. 10 Malaika yababolera ari muraria esie mbarere chimbosi chindayi chiobusangafu hu bandu bosi. 11 Inyanga yarero ahari wengine omuonia yebulwe mdala lya Daudi handi niomwami Kristo 12 Esiekesio sinaba sino,munakana Omwami mudoro naboyirwe mu ngubo chindodoro niyayalisie mu Sisero. 13 Esih esio eliicho lihongo lya Malaika bomuikulu bapaka lira lya Nyasaye nibabola mbwe . 14 Oluyari lube hu Nyasaye akulu muikulu ne Musialo enurembe kibe hu bandu bosi. 15 Biecha biaba mbu nga Malaika bafunya Muikulu, abayi balomaloma bene hu bene bari huchie mu Bethlehemu hulole sindu sia Nyasaye aruekesie. 16 Baalala nibachia mani nibanyola Maria, Yosefu alala nende omwana mudoro niyeyalisie mu Sisero. 17 Ngabamala olola omwana, bekesia buli mundu, echimbosi chiosi chiambabolerwa hu Mwana oyo. 18 Ne bosi abaulira chimbosi chiabayi babola bauka muno 19 Ne Maria naye yangira sa mani nabiha chimbosi echio mumwoyo kwaye. 20 Abayi nabo bakaluha ewabwe nibapaka Nyasaye hu bindu biosi biawalola handi baulira kori ngababolerwa. 21 Chindolomunane ngachiola chiomwana ohebwa bamukuliha mbu Yesu, elira lia Malaika yabola omwana nasiri munda. 22 Ne chindalo chia hurusia hulondahana nende amalako ka Musa, bamulera mu Yerusalemu, bamure imberi yomwami. 23 Kari nga amaandiko kabola, omwana wamberi nomulafu imberi nomwami. 24 Bahola omusango hulondohana nende amalako komwami amagugu kabiri. 25 Yariwo omundu mu yerusalemu alangwa Simioni, owahera Nyasaye muno handi yarinda omulambe kwa Israeli, ne omwoyo mulafu kwomwami kwali kwamudiho. 26 Omwoyo mulafu kwamekesia kuri arafwa naralola Kristo womwami. 27 Yengira nomwoyo mulafu mu Kanisa,ne abebusiba Yesu nga bengisia omwana Yesu hulondohana namalako. 28 Yamubukula mu mahono kaye mani yamuba mirembe kiaNyasaye nabola ari. 29 Omwami haro reha omusumba wao abweo nomurembe kori ngawabola. 30 Chimoni chia hubera chimoni chiange chilorire obuonia. 31 Bwawahwanisiria obwenio bwabandu bosi bwao. 32 Obulafu bulafuyia abahosi nende oluyali lwabandu ba Israeli. 33 Ne Yosefu nende ng'ine bauka muno chimbosi chiayabola. 34 Simioni yabasabira mirembe nabolera Maria ari olola,omwana uno anakera ohukwa nende osingira hwabandu bangi mu Israeli handi ne siekesio siabandu mabi. 35 (Ee... olugangala lwafunire omwoyo kwao) ne amaparo kabandu bangi kamanyihane. 36 Ne handi yariwo omunabi olangwa Ana omuhana wa Fanueli owoluhyia lwa Aseri ne yali mukafu muno yamenya nende omusacha emiaka saba hurula nakekwa. 37 Hurula amwe nafwa yari amenyire emiaka amahumi kane nende kine yamenya muKanisa naholera Nyasaye naboya handi nalama esiro nesidere. 38 Ngeyingira siha esio yahubira Omwami orio muno handi yalakaya hu bandi bosi abenya obuonia mu Yerusalemu . 39 Ngabamala ohola bindu biosi hulondohana nende amalako,bafunya Galilaya mulidala liabu lia Nasarethi. 40 Omwana hahula yaba namani kwomoyo mulafu handi yaba namakesi mangi noluyari lwa Nyasaye. 41 Ababusi baye bachichanga Yerusalemu buli mwaka huhola risabo ria Paska. 42 Niyola emiaka lihumi nende kibiri bachia naye Yerusalemu inyuma yelisabo. 43 Ngabamala chindalo bakaluha ingo ne omwana Yesu yadaga inyuma mu yerusalemu nabo sibamanya. 44 Nibamala okende inyanga ndala inamba bamukonya mubeho nende abecha ne sibamuhola. 45 Ngabakosa Omwakana bafunya Yerusalemu omukonya. 46 Inyuma we chindalo chidaru bamunyola mu Kanisa niyehale akari wa Madakitari nabaulira handi nabareba amarebo. 47 Ne bosi abamuulira bauka muno hu humanya hwaye nende amakalusio kae. 48 Nibamulola bosi bauka muno .Nginayamureba ari sina sikera norusandia orio? 49 Naye yabareba ari husina nimungonya,simumanyire mbu paka hole emirimo kiababa? 50 Nabo sibamanya chilomo chia yababolera. 51 Yabwao nabo paka Nasarethi handi yamenabo we ng'ina yabiha chimbosi echio mu mwoyo kwaye. 52 Ne Yesu yemeda amakesi nesiribwa nende mu buheri bwa Nyasaye alala nende abandu.