¹ Abesialo nende abamabi becha ambi nende Yesu omuurira. ² Ne abafarwayo nende abaandiki bamalako bang'ung'ura, nibabola, mundu ouno hubi abukule abamabi handi uria ninabo. ³ Yaloma loma nabo mulukado nababorera. ⁴ Ori mundu sina, onyala oba nende makondi imia ndala, nakosia rilala, sanyala oreha mahumi tisa nende tisa musichimi, handi yachia okonya erikorire hula arinyole? ⁵ Nenarinyola, arikinga humabeka, nasangarire. ⁶ Nenafunya ingo, alanga becha baye alala nende amajirani bosi, nababorera musangale nasi; hubera nyorere rikondi rienge riabere nirikorire. ⁷ Esie mbaborera, biahafwane birio, obusangafu bwahabe mwikulu huwa mabi mulala owahekalu hanie, ohira mahumi tisa nende tisa bandu balayi, abarenya hwekaluhania. ⁸ Ama naruo muhasi undi ori nende shilingi ehumi nenakusia alala sanyala hwambia musuma, handi yeya inyumba, mani yakonya kala kala hula anyole? ⁹ Narinyola, alanga becha baye nende majirani baye alala, nabola mbu musangale nasi, hubera nyorere amatongolo kange kabere kakorire. ¹⁰ Bufwana birio, mbaborera buruo busangafu imberi ya malaika kanyasaye humula oria wamabi owekuluhanie. ¹¹ Handi yabola, mbu yaruwo omusacha ori nende basiani babiri. ¹² Ne mudidi wabwe yababorera larang'ine mberesia mukabo kwebureka wange. Yabakabania akari miandu kiabwe. ¹³ Sichiabira chindalo chinyingi musiani mudidi yabusia alala biaye biosi, handi yachaka lukendo yachia musialo sindi siare, yanyasia miandu kiaye kiosi mubulamu bubi. ¹⁴ Handi niyamala onyasia biosi, injala ihongo yecha musialo omo; handii yaba nasanda. ¹⁵ Handi yachia yaba alala nende mundu wesialo eso. Handi yamuruma mundalo yaye hurisia chinguruwe. ¹⁶ Handi yekomba hwikusia ind yaye nende biahuria bidong'ere biechinguruwe chirehere; yaumao awamubechanga biahuria. ¹⁷ Neni yecha yafunya mumaparo kaye mwene, yabola, nibahosi baye banga barungwa aba lara abari nebiahuria biyera oria nende obiha nasi sanda neyinjala. ¹⁸ Ndasingira handi njie ababa, handi ndamuborera, ndahola mabi hurikulu nende imberi yawo. ¹⁹ Handi sinjera olangwa mwana wawo; umbukule woholekama mulala hobahosi bawo borunga. ²⁰ Yasingira, handi yachia hularangine neniyari yorere are ambi nende abwe, larang'ine yamulola, handi yaba nesibera, handi yeruha handi yakwa mukosi yaye, handi yamununa munwa. ²¹ Handi musiani waye yamuborera, lara, ndahola mabi nisinisia rikuku, nende imberi yao handi sinjera alwangwa musiani wawo. ²² Ne larang'ine yababorera bahosi baye, murereho chingubo chindayi, handi mumufwale; handi mure iringi humuhono kwaye, nebilaro mumakulu kaye. ²³ Handi murere ano ing'ombe ihomefu, handi mwire, mani hurie, handi husangale. ²⁴ Hulwa kano musiani wange yari yafwa, handi hane ndomulamu, yari yakora, handi yapatikane. Handi bachaka oba basangala. ²⁵ Ne musiani wabo yaumao yari achire mundalo; handi ne lwayari nafunya, nari hula ingo yaurira musiki nende mahino. ²⁶ Handi yalanga mulala hubahosi,handi yamureba mbi bindu bino biekesia sina. ²⁷ Naye yamuborera,musiani weng'u afunyere;ne larawo yerere ing'ombe ihomefu,hubera amunyorera nari mulamu handi namaparo malayi. ²⁸ Handi yari munyorefu, handi yahayahwingira mungo; ne haro larang'ine yarula rwanyi, handi yamulomba. ²⁹ Ne nakusia yaborera larang'ine, lo, humiaka mingi kino mbere nihuhorera, handi ndarahukoseraho kata anyasia malako kawo; handi arambaho kata hameme, mbu sangaleho na becha bange. ³⁰ Ne nga musiani wawo yechere, owanyasia miandu kiaye nende bayirani, nawe omwirire ing'ombe ihomefu. ³¹ Handi larang'ine yamuborera musiani wange nende nobere nasi siha siosi handi bindu biosi biandi ni nabio nebiawo. ³² Biahirerwa hibe nobusangafu; hubera musiani weng'u yari yafwa, handi nomulamu, handi yari yakora, handi apatikane.