¹ Handi chindalo chiabira, ngolwa yachia munyumba ya mulala wa bahongo babarisayo huria inyanga ya sabato, nabo bari nibamuringala. ² Handi, ringala yaruwo mundu undi imberi waye owari nende imbunda inyasia. ³ Handi becha Baba bayenjefu, handi yamudiraho, handi yamuonia, handi yamureha yabwawo. ⁴ Sibakalusia. Haro Yeso yageng'a muhono kwaye hu mundu oyo mani namuonia. Namuborera ari onyala obwao. ⁵ Handi yabakalusia, nabola, niwina hweng'we owahaba neyipunda kata ing'ombe iguruhi nikwire murina, ne sanyala oyihwesa yayimalamo inyanga ya sabato? ⁶ Handi bahirwa omukalusia muma huwa kano kosi. ⁷ Handi yababorera lukado hubaria balangwa, yabaringala ngolwa yabalola ngabalobola chunyumba chindayi chia bahongo, naye yababorera. ⁸ Nimulwangwa no mundu yosi yosi musirerero, murehala muchinyumba chiria chiabahongo, murehe bandu besiribwa balangirwe behale. ⁹ Handi ohulangire yeche ahuborere, mbu beresiaho mundu uno nafasi, handi onaba nechosoni nochia hwihala munyumba yeyinyuma . ¹⁰ Ne nolangwa, anyala ohuborera,mwicha chia wihale akulu aria; haro hwonyala olama alala nende hwihala handi oria ninabo. ¹¹ Hulwako uria weninia mwene yehehisibwe nohwania ebiahuria bieschiambo kata ingolobe, oranga bicha bawo,katasa basiani bengwe, katasa buluyia bawo, katasa jirani bemiandu, mbu bosi bahulange handi mbu bosi omanyihane nabo. ¹² Yabolera owamulanga ari, nohwania esiohulia siesidere ama siesichiambo, oralanga becha bao, bamwanamao, becha bao ama majirani bao bayinda; barecha bahulanga bahurunge. ¹³ Ne nohwani lubucho, langa aberanyala, abasanda, abarema, ababawofu. ¹⁴ Nawe onaba wechihabi, hubera nabo sibahurunge, ne warungwe inyanga yabohola obwadieri basumusibwe. ¹⁵ 15 Ne mulala hubaria nibehale naye huria niyaburira mahuwa kano, yamuborera hane nowechihabi owaharie mukati mubuuki bwa Nyasaye. ¹⁶ Naye Yesu yamuborera,omundu undi yahwama ebiuhuria Baba ingolobe handi yalanga bandu bangi. ¹⁷ Yaruma abarumwa bane siha sieyingobe siohukuria eso hubaborera abalangwa mbu mwiche, buri sindu simarire oba tayari. ¹⁸ Handi bosi mulaka nga mula bachaka osaba sirehero owamberi yamuborera ngorire indalo handi biasika ochia yilola saba munderehe. ¹⁹ Handi undi naye yabola, ngurire chingombo chiranu chiorima, handi ngia olola nichinyala orima saba munderehe. ²⁰ Ne undi yabola, ndi nomweya, haro hulwako sinyala hwicha. ²¹ Haro muhosi uno yafunya, handi yekesia muhongo waye kano kosi ne haro muhongo weinyumba murima yaborera muhosi waye, rila hangu handi ochie muchingiri chindidi didi chio mutauoni, handi orere abarenyala, abarema nende abawofu. ²² Handi omuhosi yamuborera mbu omwami, biehorire ngolwoborere na nafasi asiruwosa. ²³ Ne omuhongo waye yamuborera, chia rwanyi huchingira chihongo nende huchingaka, handi basabe bosi beche, mbu inyumba yange yichule. ²⁴ Hulwako huborera, mbu uwumeo katasa hubari abari balangwa banyale obila ebiahuria embo biesichiambo ²⁵ Handi omukanda mungi kwamulonda, handi yakaluhana mani yababorera. ²⁶ Nibiri mundu yanonda, na sinyoririre larang'ine nende ng'ina nende muhasi waye nende bana baye, nende bana babwe nende bahana babwe, ewe nende bulamu bwao mwene, sinyala oba omurumwa wange. ²⁷ Ne yosi yosi oranyala okinga musaba kwaye mwene mani yanonda, yasanyala oba omurumwa wange. ²⁸ Neniwina hwengwe, owenya awimbaha inyumba, aranyala hwihala asi mberi, handi yamanya ebienyihana, mani yamanya mbu ari nebiyera omala inyumba eyo? ²⁹ Anyala oba musangafu, nenamala hwimbaha omusingi ne sanyala humalainyumba eyo, haro abamuluo hingi bachaka omucheha. ³⁰ Nibabola mbu mundu uno yachaka hwimbaha mesanyala humala. ³¹ Ama, nomuruki sina, owenya ochia ohuyana wo muruki undi, sanyala hwihala asi mberi, handi yerebaho nananya ochia ohuyana nende beriye elufu ehumi nende uria musuku waye ori nende beriye elufu mahumi kabiri? ³² Nibirarisa mbu, owasie uria nasiri are, arume bandu baye, nasaba owasie bauri risange mumahuwa kumurembe. ³³ Haro bifwana birio yosi yosi aweng'we oranyala oreha ebiari ninabio, sanyala oba meseka wange. ³⁴ Silungiro wesilayi, nenisikosia obulungiro banasio, banokonya ena? ³⁵ Munyu kama oko koma ohonya riloba kata chonya siosio siamasngo hulwako bandu bakufiba rwanyi, uria ori namarwi, aurire.