¹ Yeso niyahamala hubola chimbosi chino, yachia erwanyi nende abeki baye elwnde lwa omwalo kwa Kidroni, ayali indalo eyo niye nende abeki baye bengiramo. ² Ne Yuda owali achia humuhoba, yosi yali amanyire abundu ao, ohubera Yeso yabukanananga ao nende abeki baye. ³ Niho Yuda, naongosia omukanda kwa abasikari nende abahongo bandi hurula abafarisayo, bachia nende chitara, chitoch, nende ebilaha. ⁴ Ne Yeso namanyire ebindu biosi ebiri hweholeho huniye, yachia imberi handi nabareba, "mukonyanga wina?" ⁵ Nabo nibamukalusia, "Yeso wa Nasarethi" Yeso nababolera "nesie" "Yuda, owamuhoba, yosi yali niyemere nende abasikari. ⁶ Ngori yababolera, "nesie", bafunya inyuma handi nibakwa asi. ⁷ Handi yabareba, "ni wina owamukanyanga"? handi nibabola, "Yeso wa Nasarethi". ⁸ Yeso yabakalusia, "mbabolere mbwe mukoulanga esie, merehe bano babweo", ⁹ Kano kapangwa mbwe imbosi yayabola yiulirire; hu abo bosi abawamberesia, haba sindakasia kata mulala. ¹⁰ Ne Simioni Petro, owali nende oluganga,ya luinia handi nachiahu omuhosi wa omukuhani omuhongo handi namuhenga ohurwi husacha. Haro elira lio omuhasi oyo yalangwa Marikus. ¹¹ Yeso nabolera Petro, "geng'a oluganga mumufuko kwaluo. Sihoyere ohung'wera musikombe esia baba yaberesia esie?". ¹² Haro omukanda okwa abasikari nende omwemeresi, nende abahongo aba bayahudi, nibadira Yeso handi nibamuboya. ¹³ Bamu koba mberi hu anuania, ohubera yali omuhw wa Kaifas, owali omukuhani omuhongo omwaka oko. ¹⁴ Haro kaifas niye owabechana nende amakerako hu bayahudi mbwe biahabere ebilayi omundu mulala ohufwira abandu . ¹⁵ Simioni Petro yalonda Yeso, handi yosi omufwasi oundi. Ne omufwasi oyo yali amanyihane nende omukuhani omuhongo, handi niyengira nende Yeso munyumba yo omukuhani omuhongo. ¹⁶ Abula petro yali niyemire erwanyi wo omuriangiro. Ne omufwasi undi, owali amanyahane hu muhukani omuhongo yachia erwanyi handi nalomaloma nende omuhindi wo omuriango, handi namurera Petro mukari. ¹⁷ Ne omuhosi omuhai, omulindi woumiriango, naborera Petro, "ewe wosi oli mulala hubafwasi ba omundu uno? "yabola, esie haba". ¹⁸ Haro abahosi nende abahongo bli nibemere ao, handi bali bambisie omuliro, ohubera imboo yaruo, handi bali nibora abene. Petro yosi yali alola nabo, niyemere ao handi noyora omuliro omwene. ¹⁹ Omukuhani omuhongo yareba Yeso ohulondohana nende abeki nende amekesio. ²⁰ Yeso yamukalusia, "esie nomanome wasi hu sialo. Buli buhia mbere nifundisia mukelesia nende mukanisa abayahudi bosi becha alola. ²¹ Sibulawo esiandabola mubwekisi? murebe abo abaulira esie akandabola. Lola, bandi bano bamanyire akandabola." ²² Yeso niyahamala ohubo kano, mulala hubemeresi niyemire ambi ao yamuhuya Yeso handi nabola, "endio niluo okalusia omukuhani omuhongo? ²³ Yeso yamukalusia, "nikari mbwe mborere ebibi, musudiye humabi, abula nikari amalayi, husina eng'we muhuya esie?" ²⁴ Niho aunania niya murisia bamuboye handi bamukobe hu Kaifas omukuhani omuhongo. ²⁵ Ne Simioni petro yali ymire niyora omuliro omwene.Abandu nibamuborra, "ewe wosi soli mulala hubahosi baye? "nakana handi nabola, esie haba." ²⁶ Mulala hubahosi abo omukuhani omuhongo, owali omwiho wo omusacha wo hurwi hway petro yahengaho, yabola, sindahulolaho mundalo nori naye?" ²⁷ Petro nakana handi bwangu bwangu ingoho yahorioha. ²⁸ Huniho nibamukoba Yeso ohurula hu Kaifas ohuchia huburuki obwakulu. Yali ichuri maherebende, handi sibengira muburuki abulawo mbwe banyole ohuiria Pasaka. ²⁹ Ho Pilato yachia erwanyi nabareha handi nabola, "Ni amasitako siha akamulera ohulondohana nende omundu uno?" ³⁰ Nabo nibakalusia handi nibabola huniye, "nikari mbwe omundu uno siyari omuholi wa amabi, siwahamulerire hwewe." ³¹ Pilato haro yababorera,"mumuhalakire ohulondohana nende amalako keng'we." ³² Babola kano huniho imbosi ya Yeso yiulirire eyabolwa ohwekesia ni ohufwa sina ohwa yahafwe. ³³ Huniho Pilato niyengira muburuki buhongo handi nalanga Yeso handi namubolera, "ewe newe omuruki wa bayahudi?" ³⁴ Yeso yakalusia, welomalomera ewe mwene ao abandi bahuloma lomaho hwewe ohulondohana nasi?" ³⁵ Pilato yakalusia," esie sindi omuyandi, ndi niye? Abandu beng'we abene nende omukuhani omuhongo bahurera ewe hwesie wahola sina? ³⁶ Yeso yakalusia, "obwami bwange sini obwesialo sino. Nibiba mbu obwami bwange nobwesialo sino, mani abarumwa bange bahalwanire mbwe sibahanyinisie hu Bayandi abula haro obwami bwange sini bwano." ³⁷ Pilato handi yamubolera, "ewe ori omwami haro?" Yeso yakalusia, "ewe oborire mbwe esie ndi omwami. Ohubera kano esie ndebulwa, handi ohubera kano esie ndecha musialo, ohuinia bulori hubwadieri. Buri mundu olondohana nende obwadieri aburira sauti omwoyo kwange ". ³⁸ Pilato yamuborera, "obwadieri buri ena? "niyahamala ohubola kano, yarula erwanyi handi nachia hubayahudi handi yababorera, "Nindaranyola amakosa mumundu uno. ³⁹ Abula mbwe muri nende desituri mbwe mbaborire omundu mulala hweng'we munyanga ya Pasaka. Haro mwenya esie mbafungurire omwami wa Bayahudi hweng'we?" ⁴⁰ Nabo nibarira akulu handi, handi babola, "omundu uno haba, abula Barabas. "Naye Barabas yali omung'usi.