¹ Eriiye nende hulwana hurulaye akari huria ohulwana mumibirii kieng'u? ² Imbariha ibadira hu bindu ebiamuranyala hunyola:mwira handi mwekomba huba nabio, simunyala onyola:mulwana handi muhuyana,ne simwahanyola hubera simusabanga. ³ Musaba handi simubukana hubera eng'we musabanga bibi,eng'we mwehonyera hubwekombi bweng'u. ⁴ Engwe abekombi abesisacha nende abesihasi,mukoribwe mbu ohola bwicha nende sialo no ohola bukusu nende Nyasaye? uria yosi yosi ohola bwicha nende sialo nimusuku wa Nyasaye. ⁵ Opara mbu amaaandiko kabola bihaya, omuoyo okwarumenyamo kurwe komba mumbariha. ⁶ Atakario abe chananga sisa muno.Haro abola mbu,Nyasaye ahaya abeyisunga,naye yananga sisa hubaria abademberefu. ⁷ Hwerusiye hu Nyasaye,hu haye sihieno ne sicha hurwiruha. ⁸ Huside ambi nende Nyasaye naye anasuda abi nang'u mwosiye mihono kieng'u engwe abebiononi handi mulafuye mioyo kieng'u engwe ba maparo kabiri. ⁹ Mube ne sibera ni mulira nende ohuba chimbungu, hucheha kweng'u, hukaluhana hulira, no obusangafu bweng'u bube sibera. ¹⁰ Eng'we mweduduye mumoni chiyo mwami naye yecha obakingula akulu. ¹¹ Mura lomaloma mabi hu mulala weng'u, banabefu.Uria olomaloma amabi hu omusiani wabu nende ohalakira sina omusiani wabu aba alomaloma bibi humalako handi aba ahalakira amalako:ewe no yala amalako;soba orio muhalaki wa malako. ¹² Huri nende mulala orusiangia amalako,nonyala huwonia nende hunyasiya;ewe ori wina huhalakira wasiyo sina. ¹³ Haro mu ulure,eng'we ababola mbu,rero kata muchuri hunachiya mulukongo luriya,handi hwihaleyo humuaka ni hukula nende hukusiya hunyole obubala. ¹⁴ Sonyala amanya esinaba muchuri.Obulamu bwao nisi? ne sing'ong'o, esiloloha husiha sididi, handi nisihamao. ¹⁵ Hulwako ohoye obole,mbu omwami na kanya,huna menya, huhole sino kata siria. ¹⁶ Haro ewe osangariranga hwefumiya hwao; husangala ngoho hwosi ni hwa mabii. ¹⁷ Hu uria omanyire ohuhola malayi ni sa hola hu niye na mabi.