¹ Banabefu muraba abaami bangi, nimumanyire mbu hunabukana sihalakiro sihongo muno. ² Huosi huchuanywa mumahwa mangi.Omundu yosi yosi orechuanya mu imbosi, omundu oyo yorere, handi anyala hwerinda omubiri kwaye kwosi. ³ Barira, efwe hurechanga hachuma habidi muhanua weyi ifarasi,huniho yaharuba siriibwa handi hukaluhania mubiri kiabu kiosi. ⁴ Handi barira mbu amaro mahongo,ata kabe mahongo kariye,nikerusibwa no muyaka kwamani, atakario kakonyoluangwa nende ingasi ididi nende omukoba. ⁵ Endiyo olurimi ne sindu sididi ni siefumia hubindu bihongo. Barira nga muliro mudidi kunyala osamba ahongo. ⁶ Handi olurimi no omuliro, esialo esichule nende mahole mabii;haro muchifuonero chiefu,lurimi nulwo lunyasia mubiri kwosi,handi kuambia muriro hubulamu bwa bandu bosi;naluo lwahu muriro okurafwa. ⁷ Hubera buri chisolo,nende amayoni,nende chinjuha,nende ebiri muyanja biarukwa,handi biarukwe nende bandu. ⁸ Atakario olurimi luuma buruki hu mundu, ne siruki sia mabiiu,esiarumbamo burwaa bungi. ⁹ Noluo hupakira Nyasaye Baba handi nolua hukuong'ira bandu; aba langwa mu ifuani ya Nyasaye, ¹⁰ Hurula mumunua mulala sa oko murulamo chihabi nende chichubo.Banabefu ebo sibihoyere bibe biriyo. ¹¹ Isulo inyala orusia husiha silala amachi malayi nende amachi malulu? ¹² Omuhuyu banabefu kunyala ohwibula mzeituni? kose mzeituni kunyala hwibula omuhuyu?Endiyo nuluo Isula sinyala orusia machi akarimo munyu kata malai. ¹³ Ni wina uria mundu mukesi, owa bebwa ohumanya akariweng'u? reha yekesie humiluha milai mbu mirimo kiaye kiholwa hubudemberefu obwa makesi. ¹⁴ Ne niri mioyo kieng'u kichule imbariha indulu nende hwepaka,murekingule,handi murebeya nimukisa bwadieri. ¹⁵ Makesi kano sikarula akulu,ne nekesialo, nende kabandu ne sihieno. ¹⁶ Hubera ari imbariha nohuyingana,ao niye ari hudaririhana nende buri mrimo mubii kwe bihieno. ¹⁷ Atakario amakesi karula akulu oluamberi ni malafu, handi nakomurembe kari ne siriibwa handi karimerekerefu, karumba nende sisa , kari nende biamo bilayi, si kakabulanga handi si kehola holanga ¹⁸ Handi lmwo yobwaderi irakwangwa mu murembe hubaria aba hwania omurembe.