¹ Baherwa bange,esie, simulomalomeranga ngabandu bomwoyo mulafu,ne ngabandu bomubiri,handi kama bana mukristo. ² Marire omung'wesia mabere,sindamuba inyama,haba simwanya huria,ne katasa hulwa sayi muraba tayari. ³ Huba musiri mumubiri, holwebera mukari yeng'we isirimo imbariha, riye nende bukabuhani,musimenyere mubiri, handi mukenda ngabandu? ⁴ Ne mundu mulala abola mbu nowa Paulo?; naye undi abola mbu nowa Apollo;simuri mumubiri? ⁵ Niwina wa APolo?, handi niwina wa Paulo?, sihuosi hwamuyalira mani mwasubirira, ngolwa Nyasaye yeberesania buri mundu. ⁶ Esie ndaraka, Apollo yachuhira machi; naye ⁷ Nyasaye yebusia biemeda.Haro hulwako uria waraka,katasa uria wachuhira machi;ne Nyasaye niye obechananga hwemeda. ⁸ Haro oraka nende ochuhira bari mubulala; handi buri mundu yahanyole mukabo kwaye olondohana nende mirimo kiaye. ⁹ Nafu huri bahosi alala nende Nyasaye; ngolwa muri mikunda kia Nyasaye. handi muri biumbahe bia Nyasaye. ¹⁰ Olondohana nende inema ya Nyasaye yamberesia, ngomwimbahi mukesi,marire ochakisia muse,handi haro bandu bembahano,ne buri mundu yeparire ngolwa yembahaho . ¹¹ Kuumawo omuse kundi okunyala orebwao namundu okorari kuno kwarebwao,kuno kulangwa Yeso Kristo. ¹² Haro mundu yosi yosi anyala ochaka hwimbaha humuse kuno neyi dhahabu,kata neyi amatongolo,katasa makina kamapesa mangi,nechimbao, nobunyasi,katasamakada; ¹³ Ne buri mirimo kiomundu kiamanyahanesa;holwobera inyanga eyo kiahebule,hulobera kiahatemwe nomuriro;handi muriro kwateme mirimo kia buri mundu yahola. ¹⁴ Ne mirimo kiomundu yosi yosi nikiaheme ekiayembaha, yahanyole isanwa. ¹⁵ Ne kiomundu nikiayie,yahasande huluokosia,naye omwene yahaonisibwe;ne omalaho obiria mumuriro. ¹⁶ Engwe haro mummanye mbu muri ikanisa ya Nyasaye, handi mbwe iroho ya Nyasaye yamumenyamo, ¹⁷ Mundu yosi yosi onyasia ikanisa ya Nyasaye,Nyasaye yamunyasie,hubera ikanisa ya Nyasaye neyindafu, ikanisa eyo neng'we. ¹⁸ Haro mundu arebeya mwene, ne nibiri akari wengwe yahabaho mukesi musialo muno, yahehorere musiru, huyafunya oba mukesi. ¹⁹ Huba bukesi bwe sialo sino nobusiro hu Nyasaye. Huba kandikwa, mbu odiranga bamakesi mumakesi kabwe. ²⁰ Handi nabio Nyasaye nomanyire maparo kabamakesi, mbu haro nebihaya. ²¹ Hulwako mundu arekingula hubasie, hubera bindu biosi nebieng'u, ²² Yahabe Paulo, kata Apollo, kata Petero, kata Sialo, kata Bulamu, katasa ohufwa, katasa Bindu Biruwo. kata Ebiaheche biosi nebieng'u. ²³ Nang'u muri aba kristo; naye Kristo nowa Nyasaye.