¹ Handi,esie,baherwa nindamwichaho,sindecha nechimbosi chindindayi chihira hawo,katasa mumakesi mangi, nimuborera buloli bwa Nyasaye. ² Sindenya omanyaho sindu siosi siosi hurula mweng'we, humalamo Yeso Kristo, handi uria uwabambwa. ³ Handi ndari ninang'u mubudehere, handi muburi, nende muhurengereha hwengwe. ⁴ Handi olomaloma hwange nende oyala hwange siahwariho hwomuberesia nechimbosi chia makesi komundu, ne hwemwekesia hubirira mumwoyo mulafu akari Namani. ⁵ Mbu risubira rieng'we riraba riohwema mumakesi komundu, ne ribe mumani Kanyasaye. ⁶ Hulondohana nende ako hubekesiangia mahuwa kamakesi hweng'we aborere.Sina makesi kesialo sino,kabaruki besialo sino, hubera kesialo kecha hula hwakema. ⁷ Ne humuboreranga mahuwa kamakesi Kanyasaye kamani, katasa nende karia kamakesi kekisa, Akanyasaye yarubihira sialo nisirachaka holwo luyari lwefwe. ⁸ Akaramanyirwe katasa nende baruki besialo sino. hubera niba mbu abari bakamanya sibaha mubambire omwami wefu wo luyari. ⁹ Ne ngolwa kandikwa. yumao imoni yamala okalola, kata marwi akaurira,katasa hwingira mumwoyo kwo mundu, ebindu bia Nyasaye yahwanisiria baria abamuhera. ¹⁰ Naye Nyasaye yarufungira obirira mu mwoyo mulafu: ne mwoyo mulafu kokonya bindu biosi hwefwe biomukari muno bia Nyasaye. ¹¹ Aumawo mundu omanyire bindu biri mumwoyo komundu, ebinyala oonia mwoyo komundu. hulwako bindu bia Nyasaye aumao mundu omanyire, omalaho mwoyo kwa Nyasaye. ¹² Haro sihwanyola mwoyo kwe sialo,ne mwoyo okurula hu Nyasaye; mbu humanye bindu bia hubebwa bihaya hurula hu Nyasaye. ¹³ Bindu bino biahubolanga,sini humakesi komundu yekesiangia ,ne nikaria komwoyo mulafu kwekesiangia; nibafwananisia bindu biomwoyo mulafu no mwoyo mulafu. ¹⁴ Ne ouma mwoyo kwa Nyasaye sanyala olola bindu bio mwoyo kwa Nyasaye; hubera nebiobusiru honibo: katasa sanyala okamanya, hubera kekisa mumwoyo mulafu. ¹⁵ Ne uria ori mumwoyo mulafu anyala oyala bandu bosi,naye omwene sanyala oyalwa no mundu. ¹⁶ Ne niwina onyala omanya maparo ka Nyasaye, mani yamwekesia? nafu huri namaparo ka Kristo.