¹ Paulo,owalangwa oba omurumwa wa Yeso Kristo obirira muhwenya hwa Nyasaye,nende Sosthene musiani wefwe. ² Holwe ikanisa ya Nyasaye iyiri Korintho,hubaria abafukirira mu Yeso Kristo handi balobole,abalangwa oba abaNyasaye,nende baria boosi musialo siosi abalanga rira ria Yeso Kristo ngomwami wabwe handi wefu. ³ Inema ibe ninang'u alala nomurembe,hurula hu Nyasaye sefwe,nende hurula hu mwami wefu Yeso Kristo. ⁴ Esie hubiranga Nyasaye orio muno hulwobera eng'we chindalo chiosi,holwe inema ya Nyasaye yamwa bebwa nende Yeso Kristo. ⁵ Mbu muburi sindu mumarire oholwa oba be miandu hu Kristo,muhulomaloma hulayi,nende makesi koosi. ⁶ Ngolwa bulori bwa Yeso burusibwa mweng'we. ⁷ Mbu murecha mwauma ebianwa nimurindirire hwicha hwa Yeso Kristo omwami wefwe. ⁸ Owamuhole hula musiakamo,mbwe mura baho nesina siosi siosi inyanga yohwicha yomwami wefwe Yeso Kristo. ⁹ Nyasaye namwekesia owamulanga oba mubulala nende mwana waye Yeso Kristo mwami wefwe. ¹⁰ Abaherwa haro mbasaba, murira rio mwami wefwe Yesu Kristo mwami wefwe. ¹¹ Mborere hweng'we baherwa bange,nende baria beyinyumba ya kieo,mbu husolana huruo akari wengwe. ¹² Haro mbola endi, mbu eng'we mulala huburi mulala abolanga,mbu ndi wa Paulo handi oundi naye owa Apollos oundi owa Cephas; handi oundi ari wa kristo. ¹³ Ne Yeso yakabuhanamo? Paulo yosi yabambuaho hulweng'we? Katasa mwabatisibwaho murira ria Paulo? ¹⁴ Hubira Nyasaye oriomuno, holwobera sinda batisiaho mundu yosi hweng'we omalahosa Krispo nende Gayo. ¹⁵ Hulwako aomawo onyala obola mbu mwabatisiabwa murira riange. ¹⁶ Handi ndabatisia beyinyumba ya Stefano;ohira hawo, simanyire haba,ninda batisiaho mundu undi. ¹⁷ Ne Kristo siyanduma hubatisia,ne yanduma oyala imbosi,mbu mahuwa kanyasia kobambwa karahaya bandu omanya bilayi. ¹⁸ Ohuyala hwa mahuwa komusaba nobusiru hubenya okora, ne hulwefwe abawonisibwa na mani ka Nyasaye. ¹⁹ Hubera kandikwa,mbu ndanyasie amaparo kabakesi,handi ndafunyie mubihaya ohumanya hwa bamakesi. ²⁰ Abamakesi bariena? Abandiki bamalako bariena, ne bayingani besialo sino bariena? Ne hane Nyasaye siyahola makesi kesialo oba busiru? ²¹ Nibiamala awo mumakesi KaNyasaye esialo siecha siamanya Nyasaye,basangasia Nyasaye hulwo oyala imbosi mubusiru huwonia baria abari ni basubirire. ²² Abayahudi bakonya kamayia, handi bagriki bakonya makesi. ²³ Nafu huyala Kristo wabambwa, ne hubayahudi nebia mani ourira, handi hubagriki nobusiru. ²⁴ Ne hubaria abalangwa,bosi bayahudi nende bagriki,ako namani ka Nyasaye,handi namakesi Kanyasaye. ²⁵ Hulwo hobera busiru bwa Nyasaye nobukesi ohira mundu;Ne obwongo bwa Nyasaye nobwa mani ohira mundu. ²⁶ Mulole hulangwa hwengwe, sihwa ngabamakesi bangi balangws mumubiri, siyo abangi bamani, siyo hulwa abandu bari nesiibwa, ngabanyala olangwa. ²⁷ Ne Nyasaye amarire hulobola bindu bwiru biesialo sino. Hwambia chisoni bamakesi;handi Nyasaye amarire olobola bindu bikara hwambia chisoni ebindu biri namani musialo muno. ²⁸ Nyasaye akabule bindu biesialo sino ebia handi barenya, handi babukula oba sindu,mbu anyasie bindu biesialo sibala mbu nebilayi. ²⁹ Yahola ario mbu haresunga imberi waye. ³⁰ Ne muniye huri mu Yeso Kristo,Nyasaye yoruba makesi obirira miniye,handi ohulafusibua handi hwosibwa,handi yaruhera mabi. ³¹ Mbu,ngolwa kaadikwa, mbu uria owekingula,yenya yekingule mumwami.