¹ Silia esialiwo okhurula mukhuchaaka, esiakhwabulira, esiakhwabona nende echimoni chiefwe, esiakhwesubira, nende esia amakhono kefwe kadirakho, khulondana nende elikhuwa liobulamu. ² Obulamu bwefunula, ne khwabulola khandi khuli nende obuloli, ne khubaboolera engwe obulamu bulia oburalibwayo obwali nende Sefwe, mani nibufunulwa khwefwe. ³ Elio elia khwalola nende khulibulira, khwabayalira eng'we mwesi, mbwe eng'we mwesi munyoole okhusangirana ninafwe: obusangirani bwefwe nibulala nende Sefwe, nende Omwana waye Yeso Kirisito. ⁴ Ndi khubandkira khulondana nende amakhuwa kano mbwe munyoole khufukirira mbwe nikobwadieri, mani obusangaali bwefwe bulirire. ⁵ Ne kano niko amakeni akakhwabulira khuye, nikhukayaala khweng'we, mbwe Nasaye nobulafu, kata esirima siosi khasi silikho mukari mwaye. ⁶ Nikhuboola mbwe khusangirananga ninaye ne khandi khuchiririra musirima, khuba khuboola obubacha, khandi khasi khuba khukhola obwadieri. ⁷ Arali nikhukendera mubulafu, ngolwa ye ali mubulafu,khuba khusangirana efwe abene khu bene, ne amabaanga ka Yeso, omwana waye, karwosia chimbi chioosi. ⁸ Nikhuboola mbwe khasi khuli nende echimbi khuba khwebacha abene, khandi obwadieri khasi burulimo. ⁹ Nikhwekanira echimbi chiefwe, ye nimwesikwa nende owobwadieri owokhurulekhera echimbi chiefwe, nende khurwosia khurula mububi bwoosi. ¹⁰ Ne nikhuboola mbwe khasi khwakhola echimbi, khumukhola ye okhuba omubacha, ne elikhuwa liaye khasi lirulimo khaba.