¹ Abaana bange badiidi mbandikira kano mbwe murakhola echiimbi. ne omuundu nakhola imbi khuli nende orusabiranga khu sefwe, Ye Kirisito oli omukololofu. ² Ne omwambani khu chiimbi chiefwe, ne khasi khu chiimbi chiefwe sa, arali nende khu chiimbi chiesialo sioosi. ³ Okhubirira muliene lino khumanyire mbwe khumumanya ye, nikhuba ni khudiira amalako kaye. ⁵ Naye odiira likhuwa liaye, obukheeri bwa nasaye bulirira mukari mwaye mubwadieri, khubirira mulino omanyire mbwe Khuli mukari mwaye, ⁷ Abakheerwa khasi mbandikira elilako liyakha arali elilako lia khale elimwali nalio okhurula mukhuchaaka. Ne elilako lia khale elio nilio elikhuwa lia mwabulira. ⁸ Khandi bandikira elilako liyakha, elikhuwa eliobwadieri mukari mwaye nende mukari mweng'we, khulwokhuba esiirima sirulireo nabwo obulafu bwobwadieri bumalire okhwadukha. ⁹ 9 Oyo oboola mbwe ali mubulafu, ne yasiula omwana wabwe, ali musiirima okhuula ebikha bino. ¹⁰ Oyo okheera omwana wabwe yamenya mubulafu ne abula esiegumulo mukari mwaye. ¹¹ Naye owamusiula omwana wabwe, ali musiirima khandi akendanga musiirima, ne akorerwe owachia, khulwa khubeera esiirima siamwofusia chimoni. ¹² Mbandikira eng'we, abaana badiidi khulwa khubeera mwalekherwa echiimbi chieng'we khulwa eliira liaye. ¹³ Mbandikira eng'we basaacha, khulwokhuba mumumanyire ula owaliwo khurula mukhuchaaka, Mbandikira eng'we ababuukha, khulwokhuba mwakhira owobwoni ula. Mbandikira eng'we abaana badiidi khulwokhuba mwamanya sefwe. ¹⁴ mbandikira eng'we basaacha khulwokhuba mwamumanya ula owaliiwo khurula mukhuchaaka. Mbandikira eng'we babuukha khulwokhuba muli nende amaani ne elikhuwa lia Nasaye liamenya mukari mweng'we, ne mwakhira omwoni ula ¹⁵ Murakheera esialo, kose amakhuwa akali musialo. Omuundu yeesi nakheera esialo, obukheeri bwa Sefwe khasi buli mukari mwaye. ¹⁶ khubeera buli esili musialo, nobwekoombi bwomubiri, nende obwekoombi bwechimoni, nende esileka siobulamu, khasi birulana khu Sefwe arali birulana khusialo. ¹⁷ Ne esialo sibira, alala nende obwekoombi bwasio, arali oyo okhola ameenya ka Nasaye amenya kata obumeri. ¹⁸ Abaana, nibikha bio bumalirikhi; ne ngolwa mwabulira mbwe omukhayi wa Kirisito yeecha, kata bulano abakhayi ba Kirisito abangi bamala okhubao; khulwo khubeera eliene elio khwamanya mbwe nibikha biobumalirikhi. ¹⁹ Barula khwefwe arali khasi bali abefwe, khubeera baba mbwe bali abefwe, bakhekhale alala ninafwe. Arali barurulakho mbwe bafunulibwe mbwe khasi barula khwefwe. ²⁰ Nang'we mwabakhwa amafura nende oyo oli omutakatifu, khandi mwamanya mweesi. ²¹ Khasi ndabandiikira eng'we khubeera mbwe khasi mumanyire obwadieri, arali mbwekhubeera mubumanyire, khandi mbwe bubulao obubacha bwosi bwosi oburula mubwadieri. ²² Niwina oli mubacha arali oyo okaana mbwe Yeso ni Kirisito? Oyo niye omukhayi wa Krisito, oyo omwekaana Sefwe nende Omwana. ²³ Buli omwekaana Omwana, khasi ali nende Samwana; omufukirira Omwana ali nende Samwana yeesi. ²⁴ Bulano engwe, elio elia mwabulira khurula mukhuchaaka likhaale mukari mweng'we. Nibili mbwe elio eliamwabulira khurula mukhuchaaka likhaale mukari mweng'we, eng'we mweesi munekhaala mukari mwo Mwana, nende mukari mwa Samwana. ²⁵ Ne sino nisio esilakwa esiayarulaka, nibwo obulamu, oburalibwayo. ²⁶ Bandikira kano khulondana nende amakeni akabaandu bala abeenya okhubakosia. ²⁷ Arali amafura akamwanyoola khuniye kali mukari mweng'we, ne khasi muli nende elienya liomuundu yeesi khubekesia; arali kori ngamafura kaye kabekesia amakhuwa koosi, khandi nibwadieri oburali bubacha, khandi kori ngolwa kabekesia, ikhale mwako. ²⁸ Ne bulano, abaana badiidi, mwikhale mukari mwaye, mbwe, olwa achia okhufunulibwa, mube nende ichuoni, oburaba nende echisoni imberi waye mukhwicha khwaye. ²⁹ Abaana ba Nasaye nimumanya mbwe oyo ni wobulungifu, mumanye mbwe buli okhola obulungifu yebulwa ninaye.