² Nikushiri mumabwibwi inyanga yokhuranga yeliwiki, niboola khushirindwa eliuba nilifindanga. ³ Nibaba nibarebananaga abeene mbu, Ni wiina owitsa okhukhukolongomiria lichina okhurula mubwinjiriro bweshirindwa? ⁴ Olwa bahenga hashirindwa, nibalola lichina liali likolongomibwe: okhuba liali likhongo muno. ⁵ Nabo nibenjira mushirindwa mukari, ni balola omusiani omubuukha niyefwalire ingubo iraambi indafu; niyeekhale amukhono omusatsa, nabo indenga niyibatiira. ⁶ Naye nababoolera mbu, Mularia tawe; Enywe mukhabanga Yesu weNazareti, owabere okhubambwa: alamushe; shali hano tawe: lole ewa bamwalisiye ngahano. ⁷ Habutswa tsie,, muboolere abeeka be nende Petero mbu ye ubaranjirire okhutsia eGalilaya: ebweneyo mulamulola, shinga olwa yali niyamuboolera. ⁹ Bulano olwa Yesu yalamusibwa mumabwibwi yali inyanga yamberi yeliwiki, owokhuranga ye okhuloleshera yali Mariamu Maagadalina, owa yali niyarusiamwo ebishieno saba. ¹⁰ Naye natsia nababiira balia abali nibalondananga ninaye, olwa bali nibashibeerere nende okhwikhuula. ¹¹ Mana nabo, olwa baulira mbu ali mwoyo, khandi Mariamu amulutsi, shibasubira tawe. ¹³ Mana nabo nibatsia nibabiira abali nibatoonyere: kata khandi shibasuubira tawe. ¹⁴ Olunyuma lwene yabaloleshera ekhumi nende mulala olwa bali nibalitsanga mana nabakondoshera khulwa obulasuubira khwabo nende obuumu bwemioyo chiabo, shichira shibanyala okhusubira balia abali nibamulutsi olunyuma lwokhurula mubafu. ¹⁵ Naye nababoolera mbu, Mutsie mushialo shioosi, mana mukambe injili khu buli eshilonje. ¹⁶ Wulia owiyama nabatisibwa alahonibwa; habutswa wulia ouletsa okhusubira tawe alakhalachirwa eshiina. ¹⁸ Bakhatiire tsinzokha namakhono; kata nibanywa obufiisi, shibwitsa okhubasalisia tawe; balara emikhono khubalwale, nabo balanyoola okhuhona. ¹⁹ Kho olunyuma olwa yali namalire okhubaboolera, yamala yenjisibwe mwikulu, mana niyekhala omukhono omusatsa kwa Nyasaye. ²⁰ Abeeka bebe nibarula mana nibakamba buli habundu, Omwami nakholanga emirimo yinabo, natinyisijia likhuwa nende ebilolero ebinji.