¹ Mboola obwadieri mu Kirisito, khasi mbacha khaba, amapaaro kange kosi kandusiria obuloli mu Roho mulafu, ² mbwe ndi nende obusiro bungi alala nende esibeera esirabwa mumwoyo kwange. ³ Ndakhekombere mbwe esie mwene ngabukhanisibwe nende Kirisito khulwa abakherwa bange, abekho bange khulondana nende omubiri, ⁴ Abayisirayili; abafukirirwa, nende oluyaali, nende amalakano, nende okhuberesibwa khwelilako, nende oburumikhi bwa Nasaye, nende amasubisio; ⁵ Aba basabwe khuloondana nende omubiri nibo aba Kirisito yechera, ouli akulu wa koosi, Nasaye we chikhabi buli lwoosi. Amina. ⁶ Khasi bili mbwe likhuwa lia Nasaye khasi liakhola emirimo. Khulwo khaba khasi ni Abayisiraili abali abo olwibulo lwa Isiraili. ⁷ Kose, mbwe Khulwo khuba nibeyimwo ya Ibraimu, boosi ni abaana: arali, mu Isaaka eyimwo yao yakharumbukhe. ⁸ Abo nibala abali abaana abo mubiri, bano khasi ni abaana ba Nasaye: arali ni abaana belilakaano nibo ababalwa abeyimwo. ⁹ Ne lino nilio elikhuwa lielilakaano, mubikha nga bino ndakheche, naye Sara yakhanyoole omwana. ¹⁰ Khasi nilino sa liongene khaba; okhuba Rebeka yesi niyali nayere inda nomuundu mulala, oli sefwe Isaaka, ¹¹ khulwo khuba abaana bali basiri okhwibulwa, nibasiri okhukholakho lilayi kose libi, mbwe elichoomo lia Nasaye okhulondana nende obuloboli linyale okhweema, abula ebikhole, arali khulwa ula owalaanga, ¹² yabolerwa mbwe, omukhuluundu anakholera omuyere. ¹³ Ngolwa kaandikwa mbwe, ndakheera Yakobo, ne ndasiula Esau. ¹⁴ khunaboola khurie bulano? Nasaye abula bulungifu? Khasi Kali kario khaba. ¹⁵ Khulwo khubeera abolera Musa ari, ndakholera esisa khu oyo owakholera sisa, ne ndaba owechimbaasi khu ula owandaberesia chimbabaasi ¹⁶ Kho khasi ni khu ula owenya, kose ula owirukha, arali khunaseye owekesianga esisa. ¹⁷ Eliandiko liboola khu Farao mbwe, khulwe lichoomo liene elio ndakhukingula, mbwe nyale owekesia amaani kange mwewe, khandi mbwe eliira liange lilandasibwe musialo siosi. ¹⁸ Khu kario ali nende esisa khwoyo oyera sisa, ne oundi yomereseria omwoyo. ¹⁹ Onambolera mbwe, esikera nisina asiri anyoolanga amakoosa? Ni wina owakhaya elienya liaye? ²⁰ Khaba abulao arali omuundu ewe, oli wina okalusianga Nasaye? Esiloongwe siakhabolera omuloongi, mbwe esikera niunonga ori nisina? ²¹ Omuloongi siali nobunyaali khuliloba, muliloba elio anyala khureresia esiloonge sioluyaali, khandi muliene elio anyala khuresia esilonge esibula luyaali? ²² Ni sina, Nasaye niyenya owekesia lirima liaye, nende okhumanyisia amaani Kaye, yesimirisirianga luleyi ebilonge bikhoyere okhusasibwa: ²³ amale yekesie obuyiinda bwo luyaali lwaye khubilonge ebie sisa, abiayali okhurula mukhuchaaka ebiayali yarekekhera oluyaali. ²⁴ Kata efwe, abayalanga, sinibayaudi bongene, arali mubanasialo boosi? ²⁵ Ngolwa yaboola mu Hoseya ari, ndabalanga abaandu bange, abarali abaandu bange; khandi abakheerwa, abo abarali abakheerwa. ²⁶ Ne kakhabe mbwe, ala akabolwa khunibo mbwe simuli abaandu bange, awo bakhalangwe abaana ba Nasaye omulamu. ²⁷ Isaaya yesi yalirira Isiraili, kata obungi bwa abaana ba Isirayili nibuba nibuli ngomuyekhe kwomunyanja, elisaanja liabwe liakhaonisibwe: ²⁸ okhuba yakhamale mirimo, nende okhukimbikirania mubulungifu: okhuba Nasaye yakhakhole omulimo mwimbikiri khusialo. ²⁹ Ne ngolwa Isaaya yaboola mukhurangira, biba mbwe Omwami wa mayie narakharulekheere olwibulo, khwakhabere kori nga Sodoma, ne khwakhakholerwe khufwanana nende Gomora. ³⁰ Khubole sina bulano? Mbwe abanasialo , abaralondaanga obulungifu, banyoole obulungifu, kata obulungifu obulondekhana nende lisuubira. ³¹ Naye Isiraili, eyaloonda elilako elio bulungifu, siyanyola elilako elio bulungifu. ³² Khu kario, okhuba sibakoonya okhubirira mulisuubira, arali okhubirira mubukholi bwelilako, begumula khulikina eliokhwegumalakho elio; ³³ ngolwa kaandikwa mbwe, lola, ndere musayuni elikina eliokhwegumulakho nende olwaanda olwo khwesikirala: naye oyo omusubiramo khasi achia khubona echisoni.