¹ Olunyuma lwebindu bino Yeso yemanyisia khandi khu beeka baye khumwalo kwa Tiberia , ne yelolosia mungira ino , ² Bali boosi khalala Simoni Petero , nende Tomasi olangwa Didimo , nende Nathanieli owa Kana Yebugalilaya , nende abaana ba Sebedayo , nende babiri khubeeka baye . ³ Simoni Petero nababoolera , njia okhunaba , nibamuboolera , fwesi khucha ninawe nibachia lwangu nibengira mubwaro ; ne esiro esio , nibaranabakho ing'eni yoosi . ⁴ Nolweichuli yola , Yeso yema khulukuku ; naye abeeka nibaramanya mbwe Yeso niye . ⁵ Ne Yeso nababoolera , abaana, muli nende esiamulia ? Nibamukalusia , khubula . ⁶ Nababoolera , ''Reeke olurimba khumukhono musaacha kwobwaro , ni munanyola , nibareka , nibaranyala okhukhwesa khulwa obuungi bweching'eni . ⁷ Bulano oyo omweka wa Yeso yakheera yaboolera Petero , nomwami , nolwa Simoni Petero yabulira mbwe , nomwami yamusukunakho ingubo yokhunaaba(khubeera yali esiekenye) , namala niyedumbula munyanja . ⁸ Nabeeka baandi beecha mumeli indidi ;(khubeera sibali ale nende khulukongo khubeera biali oburambi bwo chidiraa mia chibiri ,) nibali khukhwesa olwero lulimo ching'eni . ⁹ Ngolwa boola khulukuku baloola omuliro kwamanda awo , neing'eni irerwekho , nende omugati . ¹⁰ Yeso nababoolera , rerekho ching'eni chamunabire . ¹¹ Simoni Petero yengira , nakhwesa olwero narera khulukuku nilwichulemo ching'eni chikhongo , imia ndala nende makhumi karano nende chidaru ; ne muchiosi chiali chinyingi muno arali olwero silwakhalikha . ¹² Yeso nababoloera , mwiche mulie naye abulao omweka yesi owebulira khumureba , ari oli wina? Nga bamanya mbwe nomwami . ¹³ Ni Yeso yamala yeecha , nabukula mugati , nababeresia alala nende ing'eni . ¹⁴ Lino bulano nelikhabi liakhadaru Yeso niyelolosianga khubeeka baye , namalire khubukha mubafu . ¹⁵ Nibakhamala okhulia , Yeso nababoolera ,''Simoni Petero , Simoni , omwana wa Yona , wakheera khukhira bino? Namuboolera , kario omwami , omanyire mbwe ndakhukheera namuboolera , liisia makondi kange. ¹⁶ Namuboolera khandi olwokhubiri , Simoni , mwana wa Yona , wakheera ? namuboolera kario omwami ; omanyire mbwe ndakhukheera ; Namuboolera , lisia amakondi kange . ¹⁷ Namuboolera olwakhadaru , Simoni , mwana wa Yona, wakheera? Petero nanyoolera okhuba yakhamureba olwakhadaru , mbwe wakheera ? Namuboolera , Omwami , omanyire biindu biosi ; ewe omanyire mbwe ndakhukheera . Yeso namuboolera , lisia makondi kange . ¹⁸ Bwadieri bwadieri , khuboolera , nga olwa wali muyere , welindanga mwene nende khukenda woosi owa wenyanga ; arali niwakhangala , onareranga makhono , nowundi akhwimirira , nakhuyira owa mwene oradakha. ¹⁹ Kano yalomaloma nafwanirisianga elifwa elia yakhakinguliremo Nasaye . Ne niyakhamala khuboola ario , yamuboolera , nonde . ²⁰ Ne Petero yakalukhana , naloola omweka ulia owa Yeso yakheera amulonda ; ulia owali amuyekhere khusirifu ebikha bie biakhulia bieingolobe , naboola , omwami , niwina anakhukhoba ? ²¹ Petero namulingera namuboolera Yeso , omwami , naye omuundu uno alikhola sina? ²² Yeso namuboolera ,nikali mbwe ndakheenya mbwe abeo khuula nganjicha , esio ni sina khwewe? Ewe nonde . Elikhuwa lino nililandaala mubakherwa , ''Mbwe omweka oyo sakhoyere afwe'' ; Naye Yeso siyali ²³ namubolere mbwe siyakhafwe khaba ; arali , nindebulira mbwe abeo okhuula olwanjicha , elio khwewe nisina? ²⁴ Uno niye omweeka oli nobuloli bwebiindu bino khandi yabiandika ; ne khumanyire mbwe obuloli bwaye nobwadieri . ²⁵ Ne biliwo ebiindu biingi ebia Yeso yakhoola , ebiri mbwe , nibiakhandiikirwe biosi , subirira mbwe kata esialo siosi sisiakhabere nebitabo biyera khwandika koosi .