¹ Khu kario khukhoya okhuberesia obumanyirisi bukhongo khu biindu bia khubulire, khurola khwabilekhula biachia. ² Ni nikaba elikhuwa lia bolwa nende bamalaika liali lidinyirifu, ni buli bumaanu nende obukhayi bianyoola omurungo kuyera, ³ khunaona khurie nikhukhaya okhudeeba obuwonia bukhongo buno? Obwarangira okhu lomalomwakho nende Omwami nibuchuchuisibwa nende balia abamubulira. ⁴ Nasaye omwene naberesania obuloli, okhubirira khubilolero nende ebiamakana, ebiukisia bikabukhane nende ebianwa bia mwoyo mulafu, khulondana nende okhwenya khwaye omwene. ⁵ Si khubolanga mbwe Nasaye yara asi wabamalaika esialo siichayo esia khulomalomangakho. ⁶ Arali oundi, abuundu andi yaboola ari, ''Omuundu ni sina, akakera nomudeeba muno? Kose omwana womundu owokenderanga? ⁷ Wamukhola okhubakho mudidi , asi wa bamalaika ; wamufunikha nende oluyali alala nende siribwa, nomura akulu we mirimo kia makhono kao. ⁸ Nora ebiindu bioosi asi wamakulu kaye.'' Ne khulwo khuba yara bioosi asi waye , Sibulao esia arara asi waye khaba. Kata kario khusiri okhulola mbwe yara asi waye bioosi. ⁹ Ne khulola Yeso, owa kholwa okhubakho asi wa bamalaika khulwo khusandisibwa khwelifwa liae, afwasibwe oluyali nende esiribwa, mbwe ye khulwo obukosia bwa Nasaye abilekho liifwe khulwa buli omuundu. ¹⁰ Biakheresia Nasaye, khulwo khubeera bioosi biriwo khulwa obeera niye khandi khubirira mubioosi; mukhurera abaana baangi muluyali, niyekhola omwimiriri wo buwonia bwabwe omwekenderefu okhubirira mubinyasio. ¹¹ Khubombi, ye olabianga nende abalabisibwa nesindu silala. Khu kario salola chisoni okhu balanga abakherwa. ¹² Ne aboola mbwe, ''Ndalalandasia elira liao khu baana befwe, ne akarikari we likanisa ndakhwembera nikhuba ifuma.'' ¹³ Ne khandi ndara busubiri bwange Khu niye,' khandi lola esie alala nende abaana ba Nasaye yamberesia.'' ¹⁴ Nolwa abaana bali basangirani bo mubiri nende amabaanga,mungeri eyo yesi omwene yabiriramo, mbwe okhubirira mu khufwa , anyole okhusasia ulia owali nende amani kelifwa, oli sietani. ¹⁵ Khandi anunule balia abali mububuywe mubulamu bwabwe bwosi nibaria elifwa. ¹⁶ Mubwadieri siyerakho eyimera yabamalaika khaba ne yerakho eyimwo ya Ibrahimu. ¹⁷ Khu kario mubioosi bia mukheresia okhu fwanana nende bamwanang'ina , mbwe abe omukukhani omukhongo wesisa nende obwesikwa, mubiindu bioosi ebio bunasaye, okhukhola obusasani khulwe bionono bia baandu. ¹⁸ Ne khulwo khuba ye yasandisibwa mu khutemwa, anyala okhu khonya balia abatemebwa.