¹ Paulo omurume wa Yeso Kirisito, khulwa lienya lia Nasaye alala nende musiani wefwe Timoteyo, ² khu bala abakherwa batakatifu nende abesikwa mukirisito abali Kolosia; obukosia nende omulembe okhurula khu Nasaye sefwe nende Omwami Yeso Kirisito bube ninang'we. ³ Khubira Nasaye orio ouli samwana Omwami wefwe Yeso Kirisito nikhubalamira echinyaanga chioosi. ⁴ Okhurula nikhubulira obusubiri bweng'we obuli mukirisito Yeso nende obukheeri bwa mulinabwo khu abo boosi abali abatakatifu. ⁵ Khulwa khubera elinaayo eliamwabikhirwa mwikulu olwa mwabolerwa khubirira mulikhuwa liobwadieri elia ifanjili. ⁶ Eliabechera nga olwa biiri musialo ,khandi eliama ebiamo kori ngakakhola mukari mweng'we, okhurula inyanga ya mwalibulira nende okhumanya obukosia bwa Nasaye mubwadieri. ⁷ Kori ngemweka okhurula khu Epafara ouli omukholi wasiefwe omukherwa, ouli omukholi wa Kirisito omwesikwa . ⁸ Owaruboolera khulondana nende obukheri bweng'we mu Roho. ⁹ Khulondana nende lienelino, efwe fwesi, okhurula inyanga yakhwalibulira, khasi khwalekha okhubalamira mbwe mube nam akesi ke elienya liaye mubumanyirisi bwoosi bwo mumwoyo. ¹⁰ Mbwe munyole okhukendera mumwami kori bibakhonyera nende okhumusangasia,nimwama ebiamo mumirimo milayi kiosi, nimwemeda mumakesi ka Nasaye ¹¹ Mudinyisibwe nende amaani koosi, okhulondana nende oluyaali lwa amaani kaye ,munyole okhuba mubwesimirisi munyanga chioosi alala nende isangalo . ¹² Ne nimumukhubira orio sefwe owarukhola okhunyola esimeka sia obwambani bwobulaame bwa batakatifu mubulafu. ¹³ Owarununula okhurula mumani kasirima khandi narwingisia mubwami bwa Omwana waye omukheerwa. ¹⁴ Owakhuli nende obununuli khubirira mumabanga kaye kata nende okhulekherwa echimbi. ¹⁵ Ouli esfwanani sia Nasaye orabonekhana omwibulwa wa mberi khubilonge bioosi. ¹⁶ khulwa okhuba ebiindu bioosi bialongwa okhubirira muniye, bilia ebili mwikulu nende bilia ebili musialo ebibonekhana nende obirabonekhana, kata nibili ebia oburuki ,kose obunyala ,kose obwaami ; ebiindu bioosi bialongwa khubirira khu niye khandi khulwa yee. ¹⁷ Khandi yaliwo imberi wa biindu bioosi ne biindu bioosi biediira khuniye. ¹⁸ Niye omurwe kwo mubiri yaani Likanisa ;Niye wokhuchaaka, khandi omwibulwa wamberi khurula mu bafu, khulwa Kane ako niye weimberi akulu wa biindu bioosi. ¹⁹ Khulwo khuba biasangasia Samwana mbwe obwolerefu bwe ebiindu bioosi bwiikhale muniye; ²⁰ Ne khubirira khu omwana waye niyakharera omulembe kwo bwambaani khubirira khu mabaanga ko musalaba khulwa biindu bia misialo kata ebio mwikulu. ²¹ Naye engwe abali nimwasiulwa khandi abasuku mumaparo kebikhole bieng'we ebiibi, yabambaania bulana. ²² Okhubirira munyama chio omubiri kwaye okhubirira khulifwa liaye ,mbwe anyoole okhubarera imberi waye , nimuli abatakatifu ababula esiuku nende esiboondo, ²³ nimuchiririra mubusubiri bula nimwemekhwe siruungi khumuse ,nimuli abomeranu nimurakalukhanisibwa nende okhulekha elinaaya lie ifanjili eyamwabulira amekesio kayo,eyayalirwa ebiloonge bioosi ebiri asi we likulu .Eya esia Paulo ndali omukholi wayio. ²⁴ Bulano sangaalira amanyakhano kandi nako khulwa eng'we,khandi koseresia kala akalemukha khu Kirisito, khubirira khu mubiiri kwange ,khulwo khubeera omubiri kwaye,okuli likanisa liaye . ²⁵ Eliandakholwa okhuba omuyaali walio, okhulondana nende okhukhola khwa Nasaye ndaberesibwa khulwa inganga yeng'we, nyole okhusirisia likhuwa lia Nasaye . ²⁶ Akamefiso akakisibwa okhurula khale mu chinjibulo chiosi, nebulano kafunulirwe khu abatakatifu baye. ²⁷ Aba Nasaye yafunulira obuinda bwae obwa oluyaali olwa obwefiso akari wa banasialo, oli Kirisito elinaaya lio oluyaali ali mukari mweng'we. ²⁸ Owa khuyalanga ni khukeraka buli muundu,nende okhwekesia bulimuundu mubumanyirsi bwosi ,mbwe khunyoola okhukhusia buli mundu niyolerera Mu kirisito. ²⁹ Nange ndedinyanga mulikhuwa liene elio, nikhola amaani khubirira oyo akholanga emirimo mukari mwange mumaani.