¹ Khubeera ndakha eng'we mumanye obunyakhani obwandi ninabwo khulweng'we, nende balia abali ladokia nende abaangi abasiiri okhumboona nende chimoni. ² Mbwe emioyo kiabwe kinyoole okhulemisibwe, ni bambaana alala mubukheri, khandi mubuiinda bwoosi obusubisia obumanyirisi, obwa makhuwa akomubwefisi aka Nasaye nende aka Baba nende aka Kirisito. ³ Muniye chimbikhiro echiobumanyirisi nende makhuwa kobukesi kakisibwamo. ⁴ Ne kuno mboola mbwe omuundu yesi arababachirisia nende amakhuwa akanyunyula. ⁵ kata kario nindaraliwo mumubiri ni nag'we ndi khalala mumwoyo. Sangaala khubona okhuba khweng'we mumbeera ikhongo nende obukololofu bwo obusubiri bweng'we mu kirisito. ⁶ Ne ngolwa mumufukirira Kirisito mukendere muniye. ⁷ Mundinyisibwe mubusubiri nende okhumbakhibwa, olwa mwekesebwa, nimumenyamo nende okhwebasia. ⁸ Mwekenderesie omuundu yesi arabakosia nende amekesio kobubaacha khubilira mumilukha ekiabaandu nende makesi akesialo sino, akarali aka Kiristo. ⁹ Muniye mulimo obwichufu obwobu Nasaye mumubiri . ¹⁰ Ne eng'we muolelere muniye, oli omurwe okwo bunyali nende amani. ¹¹ Muniye eng'we mwesi mwakhebwa nende esikhebo sila esirakholwa nende amakhono, nimifwalula omumbiri kwechibi mukhuhebwa mu Kirisito. ¹² Mwasikhwa ninaye mukhubatisibwa khandi mwalamusibwa ninaye mubusubiri obukholwa nende Nasaye , owamulamusia okhurula mubafwa. ¹³ Ngolwa mwali abaafu muchimbi nende oburakhebwa imbeera yomubiri kweng'we, yabalamusia alala ninaye, nabalekhera echimbi chieng'we chioosi. ¹⁴ Narusiao obwaandike bwamalako akali akulu wefwe, akali nikaingana nafwe ,nakarusiao mubweyango, nakakhoma khumusalaba. ¹⁵ Namalire okhunyaasia obunyala nende amaani nabikhola esikhaya nasangalira obukhiri obwo khubirira khu musalaba okwo. ¹⁶ Bulano omuundu yesi arabakhalakira mubiakhulia kose mubiokhungwa, kose mukhwechomia inyanga kose, mumwosi muyakha kose, musabato. ¹⁷ Akali esinikha esia makhuwa akeecha okuli omubiri kwa Kirisito. ¹⁸ Omuundu yesi arabanyuula esianwa mukhweduduya okhwo khwinamira bamalaika niyengisia amalolo kaye mwene, niyelaira ebikhaya amakesi komubiri. ¹⁹ Narachirire omurwe, okwambania omubiri nende ebimeeka biakwo ebiambanisibwa alala nende obukhoongo bwa Nasaye. ²⁰ Kario nimwafwa alala nende kirisito, nimukalekha amekesio ke milukha kiesialo,khu sina khwera khandi asi wamalako nga abo abasiri bamenya mukesialo . ²¹ Oradirakho, orabilakho, orakinga. ²² Ako koosi kabiyaanga mubikha biokhwekhonyerwa ;kario nimulonda bichia okhufwa khulwa khwekhonyera olunyuma olwanimulonda bilagiro ameekesio baandu ? ²³ Amakhuwa kabonekhana khuba nende obumanyirisi mumbeera yokhwinamira eya mwekholera abeene nende okhuruka omubiri mubululu oburanyala okwikalira obwekombi bwomubiri.