¹ Nga olwa khwali nikhwakhaona, khu lunyuma nikhumanya mbwe esisinga esio siali silangwa mbwe, Melita. ² Abamenyanwa ba sisinga esio barwingisia nende olukoosi muno; khubera barubula omuliro, nibarwingisia fwesi khubeera ifula yali nikwire nende imboo yaliwo. ³ Nga Paulo yali yakhabusia chikhwi, niyengisia mumuliro, injukha yarulamo khubeera obubafu bwa omuliro, niyeboyokania khu mukhono kwa Paulo. ⁴ Mani nga abamenyeranwa besisinga esio balola injukha ya obusiba nidembademba khumukhono kwa Paulo, baboola abene khubene, mbwe obwadieri buli mbwe omundu uno nomwiiri, oli mbwe kata kario yakhaona okhurula munyanja, obwadieri bumulonda mbwe khasi akhoyera okhumenya. ⁵ Naye Paulo yasisimula omukhono kwaye mani injukha nikwa mumuliro, naye kata khasi yali nanyaalikhekho dawe. ⁶ Abaandu balingera nibapaara mbwe anafwimba mukhono, kose mbwe anechukhana nakwire asi nafwa. Arali nga baliinda khulwa ebikha bingi, nibaralolakho obudinyu bwoosi nibumwekholekhakho, bakalukhania amapaaro kabwe nibaboola mbwe, yali kunasaye. ⁷ Ambi ao khwaliwo nende emikunda kia omukhongo wa esisinga esio, oweliira liaye lialangwa mbwe Pabulio; owarwingisia, mani nikhumenya naye chinyanga chidaru ebilayi. ⁸ Bianyolekhana mbwe, samwana pabulio yali nakonere nali omulwaye wa omusuja nende okhunyalala mabanga; paulo yengira munyumba nachia owa yali namulamira namurakho amakhono, mani namuonia. ⁹ Bulanu lino liekholekha, abaandu bandi boosi abali nende obulwaye khusisinga esio, beecha nibanyoola okhuwona. ¹⁰ Beecha baruba esiriibwa sikhongo mani nga olwa khwali khubwao, baruberesie ebindu bingi ebia khwali nikhudakhire. ¹¹ Lunyuma lwemiosi kidaru khwabwerao mu meli ya Alekisandaria, eyali nimenyere khu sisinga esio mu chinyanga chia imboo, eyali nende esilolero sia ipicha ya basiani bebulwa makhwana. ¹² khwamala nikhuula Sirakusi, nikhumenyayo chinyanga chidaru. ¹³ Khurula ao khwabodokhana nikhuula Regio; lunyuma wa inyanga ndala omuyaka kwa emwalo kwaucha ne inyanga yalondakho khwola Puteoli. ¹⁴ Eyo khwanyolayo abakheerwa, nibarwekweeda mbwe khumenye nabo chinyanga saba; khwamala nikhuchia Roma. ¹⁵ Bulanu khurula eyo abakheerwa nga babulira khulondana, nende nafwe, beecha okhurwakanira khurula khusiro sia Apio, nende chinyumba chia okhuliramo chidaru, Paulo nga yabalola, yobeera Nasaye orio, mani niyeberesia omwoyo. ¹⁶ Bulanu nga olwa khwola Roma, omukhongo wesimeka sia basikari yara ababoye mumakhono ka omukhongo wa akulu wa basikari baliinde Paulo naye yafukirirwa okhumenya owaye mwene nende omusikari omuliindi waye. ¹⁷ Biecha biaba mbwe, chinyanga chidaru nichakhabirao Paulo yalanga abakhongo ba Bayaudi alala; mani nga olwa beecha alala, yababoolera abaandu nende abakheerwa kata kario siri okholakho sindu esibi khubaandu, kose emilukha kiabasefwe, lola ndadiirwa okhuba omuboye okhurula Yersalemu nibanjira mumakhono ka Baroma. ¹⁸ Abo nga bandeeba amareebo, bali bakhandekhulire, okhubeera khasi balola esikera banjire khaba. ¹⁹ Arali nga Bayaudi balomaloma nibakhaya bukhalaki obwo, bianjiika mbwe omusango kuchie akulu khu Kaisari, sikali mbwe ndali nende elikhuwa lia okhwikulira omusango abaandu bange khaba. ²⁰ OKhubeera akene ako ndakhabalanga, mbwe balole, khandi nomanome nang'we; okhubeera khulwa linaya lia Israili, mboyerwe nende eminyororo kino. ²¹ Nabo bamala nibamuboolera bari, efwe khasi khwanyolakho ibarwa okhurula erwanyi wa Yudea khulondana nende ewe, kose kata khubakheerwa bechanga khasi barwekesiakho kose balomalomakho esindu sibi khulondana nawe. ²² Arali efwe khudakha khubulirakho nawe wesi esiopaara; arali okhulondana nende esimeka sia omukanda kwa idini ino, khumanyire mbwe buli abaandu boosi buli abundu balomalomakho ebibi. ²³ NIbakhamala barekekha inyanga ya okhubukanana nende Paulo khandi, mani munyumba ya Paulo, eyayali namenyeremo, abaandu bangi bamwichira, Paulo yabekesia mubungi , nabekweeda okhulonda Yeso khurulana nende amalako ka Musa nende aka banabii, khurula ichuli khula ingolobe. ²⁴ Mani bandi bamala basubira amakhuwa kalomalomwa, abandi bakhaya. ²⁵ Nga olwa bakhaya okhufukirisania bene khubene, babwao, Paulo nga yali ebilayi nende abasefwe okhubirira mumunwa kwa omunabi isaya. ²⁶ Naboola ari, chia khubandu mani oboole, okhubulira muchia okhubulira, arali khasi mwakhamanyirisie, khandi okhulola arali khasi mwakhamanyirisie. ²⁷ Khubera emioyo kia baandu bano kialendala, naye amarwi kabwe ni amasiro ka okhubulira ne chimoni chiabwe chiofula; mbwe bareecha balola nende chimoni chiabwe, khandi babulire nende amarwi kabwe, khandi bamanyirisia nende emioyo kiabwe, mani bekalukhania, mbwe mbawonie. ²⁸ Lekha bulanu kamanyikhane khu eng'we, mbwe obuwonia bwa Nasaye burumirwe khu abanasialo, nabo bachia okhubulira. ²⁹ Bulanu nga yali niyakhaboola amakhuwa kano Abayaudi babwao mani bali nende okhuingana khukhongo abene khubene. ³⁰ Paulo yamenya munyumba yaye omwene eya yali niyabukula narungiranga. ³¹ Yayalanga obwami bwa Nasaye, nende okhwe ebindu bila ebilondana nende omwami Yeso Kirisito, nende ichwoni yoosi, omundu yesi naramukairakho dawe.