¹ Lino nilio likhuuwa liOmwami eleetsera Mika owokhurula Moreshotsi mutsinyanga tsia Yosamu, Ahazi, nende Hezekia, abaruchi bebuYuda, akayalola okhulondokhana nende Samaria nende Yerusalemu. ² Wulire, enywe abandu boosi. Hulire, eshialo, nende boosi abalimuywe. Leshe Omwami abe obobuloli bwokhubayiinga nyuwe, Omwami wuyo okhurula muhakalu yiiye indakatifu. ³ Lola, Omwami arula habundu uuwe; yetsa okhwiikha hasi mana asenachire habundu hachinguukha khushialo. ⁴ Ebikulu biakhasaalulushe hasi wuuwe; amabanda kakhakabukhane imberi wuuwe, shingana yihula imberi womuliro, shingana amatsi akasuundulwe hasi khushikholomokho eshiyinikhu. ⁵ Eshifune shia kano koosi shiri mbu obwoononi bwa Yakobo, nende tsimbi tsieinzu ya Israeli. Obwoononi bwa Yakobo nobuleena? Shiyiri ni Samaria tawe? Habundu wa Yuda achinguulwa ikulu niheena? Shiali ni Yerusalemu tawe? ⁶ Esie ndiitsa okhukhola Samariaokhuba lituuli liobusasishi mushikuuri, habundu wokhuraaka emitsabibu, khandi ndalasundula amachina keeke mwibaanda mana efiimbule emise chiichie habulafu. ⁷ Ebifwanani biibie ebibaatse biakhafinakwe mubitonye, ne khandi ebihaanwa biosi ebia yanyoolere biakhasambwe nende omuliro, mana ekhole ebifwanani biibie okwibirirwa. Okhuba yakhuung'asia ebihanwa biibie okhurulana nende emiruungo chia abatamba, khandi chiakhabe emiruungo echia okhurunga abataamba khandi." ⁸ Khulwa eshifune shino esie ndiitsa okwikhuula nende okhwaayula; ndalachenda ebirenje ebikhaya haasi khandi eshihekenye; esie ndalaayula shingana amabwe nende okhukhututa shingana amayichichi. ⁹ Okhuba omakonzo keke nakokhuhuchisia, okhuba kamalire okwiitsira Yuda. Kamalire okhuula mushiribwa shia abandu banje, mbu Yerusalemu. ¹⁰ Shimulatsia nimukamuboola boola mu Gatsi tawe; shimulalira kata tawe. Halia aBetsi Leafra esie engalakala omwene mulufu. ¹¹ Birireyo, enywe abamenyi aba Shafiri, mushihekenye nende isoni. Balia abamenyi abeZaanani shimularula erwanyi tawe. Betsi Ezeli bekhuulanga, okhuba obulindi bwabo bwayiinibweo. ¹² Okhuba abamenyi aba Marotsi baliindirira amacheni amalayi nokhubeyabeya, shichira obusasishi bwayetsere okhurula khuMwami okuula mubiriibwa bia Yerusalemu. ¹³ Fwale amakaari khumikanda chietsifarasi, ebamenyi ba Lakishi. Eyuwe, Lakishi, yaho ewa tsimbi tsiaabakhana ba Sayuni tsichachiranga, shichira obwonooni bwa Israeli bwanyolekhana muywe. ¹⁴ Nikali kario eyuwe nohesie ebihanwa biokhwikhoya khu Moreshetsi Gatsi; inzu ya Azibu yakhasinynyisie abaruchi ba Israeli. ¹⁵ Esie nekhureerere owokhukhuhula yuwe khandi, abamenyi ba Maresha; oluyali lwa Israeli lwakheetse okhuula Adullam. ¹⁶ Beche emirwe chienyu khandi mubeche amaswi akaabana benyu aba mwikhoyeranga mwo. Mwikhole abeene ebihole shingana tsindutsu, okhuba abana benyu nibatsie mubuhaambe okhubarulakhwo.