^{3 1} Lino nilio likhuuwa liOmwami elieetsera Yoeli omwana wa Petsueli. ² Wulire kano, enywe abakofu, khandi recheresie, enywe mweesi abamenyanga mushialo. Eshindu shifwana shingana shino shiekholekhakhwo mutsinyanga tsienyu nohomba etsia bakuuka benyu? v 3 Khupire imbakha abana benyu, nabo baboolere abana baabo, mana nabo abna baabo baboolere olwibulo lulondakhwo. ⁴ Biria ebia tsisiche tsituumanga tsialeshere, tsisiche tsikhoongo tsimalire okhulia; ebia tsisiche tsikhoongo tsialeshere, amateete kamalire okhulia; nabio ebiamateete kaleshere, amasa kaliire. ⁵ Buushe enywe abameesi, mullire! Mwikhuule, enywe abanywi beidivai, shichira idivai imilimili yirusibweo okhurula khu enywe. ⁶ Okhuba lihanga limalire okhuseera eshialo shianje, abaamani khandi abalanya okhubalwa ta. Ameeno keeke nameeno keitalanyi, khandi ali nende ameeno keitalanyi ikhasi. ⁷ Yakholere omukuunda kwanje kwemitsabibu okhuba habundu welikuunda khandi wukholere omukhuyu kwanje okhuba omukhaya. Amalire okhukhooboola amakhuba mana nakasukuna ehale; amasaka nako namakhaya butswa. ^{10 8} Mwikhuule shingana omushisira wifwalire tsingubo tsiamakunia niyekhuulanga omubuukha wumukhetsanga. ⁹ Ebihaanwa bieimere nende ebihaanwa biokhunywebwa bimalire okhusinjisibwa okhubula okhuula munzu yOmwami. Abakuhani, abali abakhalabani bOmwami, bekhuulanga. v 10 Emikunda chiononoshe; nalio liloba likhuula shichira yimere yimalire okhusasibwa. Idivai imbia yimalire okhuuma; nako amafura kawererere. ¹¹ Mufimbwe emirwe, enywe abalimi, mana mwikhuule, enywe abaraachi bemitsaabibu, khulwa ingano nende yishairi. Shichira lichesa liomumikunda limalire okhutiba. ¹² Emitsabibu chimalire okhuniaala khandi nachio emikhuyu chimalire okhuuma; emisaala chiemikomamanga nende chiamashindu, kata emisaala chiaampera - emisaala chiosi chiomumukunda chimalire okhuniaala. Shichira obutsaatsafu buweetsesheere okhurula mubana ba abandu. ¹³ Mwiboye tsingubo tsiamakunia mana mwikhuule, enywe abakuhanai! Khupe tsimbuungu enywe abakhalabani bo khubwaali. Yitse, mukone eshiro shiosi nimuli mumakunia, enywe abakhalabani ba Nyasaye wanje. Shichira ebihanwa bieimere nende ebihanwa biokhunywebwa biekaliirwe okhunyolekhana munzu ya Nyasaye wenyu. ¹⁴ Laanje okhuhoonga inzala okhutakatifu, khandi mulaanje libukaana litakatifu. Khuung'asie abakofu nende abamenyanga mushialo bosi munzu yOmwami Nyasaye wenyu, mana mumulirire Omwami. ^{15 17} Woowe khulwa inyanga yiyo! Okhuba inyanga yOmwami yiri butswa ahambi hano. Yitsa okhwiitsa niyiri nende obusasishi okhurula khu Owobunyali bwosi. ¹⁶ Ebiokhulia shibimalire okhurusibwao imberi wetsimoni tsiefu, nabwo obutsaatsafu nende omwikhoyo okhurula munzu ya Nyasaye wenyu? v 17 Yimwo yibolere hasi mumayiindi, nako amabiishiro kakwiire amakuunda, nabio ebiaachi bimalire okhusambulwa, shichira imere yimalire okhuniaala. ^{19 20 18} Mako ebiaayo bibinda! Ebiitso biabo bichendananga nibikoyana shichira bibula obwayiro. Ne kata amatuuli ka amakondi kali mubutinyu. v 19 Omwami, esie ekhuhaabira. Okhuba omuliro kumalire okhulia obwayiro bwomushitsiimi, khandi tsimemu tsiakwo tsisaambire emisaala chiomushikuuri chiosi. v 20 Kata tsisolo tsiamubulimo tsiheserana khulwa yuwe, okhuba tsisebere tsimalire okhuuma, ne nakwo omuliro kumalire kumuluule obwaayiro bwomushitsiimi.