¹ Khu malaika be likanisa elia Ebuefeso yandiika: Kano namakhuwa ka ula owadiira ching'ining'ini saba chila echili mumukhono kwaye musaacha. Oyo okendaanga akari we bichibi bie idakhabu ebie chitaara saba aboola ari, ² " Manyire ebikhole nende okhwedinya khwao khwe mirimo nende obwesimirisi bwao bujiingu, ne khaandi mbwe khasi onyala okhukholegana nende abo abamabi, ne wabateema boosi abelanganga okhuba abarume nikhane sinibo, balolekhane okhuba ababacha. ³ Manyire mbwe oli nende obwedemberefu nende obwesimirifu, ne wabirira mumaangi khulwe liira liange, ne osiajoong'a khaba. ⁴ Araali lino nilio eliandi nalio khwewe, walekha obukheeri bwao bwamberi. ⁵ Khulwesio ichulisia owawakwiira, wekanire nende okhola ebikhole ebiawakhola okhurula mukhuchaaka. Norekanira ndeecha khwewe nende orusiao esichibi siao okhurula abuundu wasio. ⁶ Araali ewe oli nende lino, wasiuula kala akabanikolai bakhola ne kata esie ndakasiuula. ⁷ Nikali mbwe oli nende okhurwi, bulira kala aka Rokho aboolera makanisa. Ne khu uula okhira ndamuba obufukirirwi obwo khulia khurula khu musaala okwo bulamu okuli muparadiso ya Nasaye: ⁸ " Khu malayika we likanisa lia Simirina yandiika: kano niko aka uula oli owamberi khaandi omalirikha aboola, owafwa khaandi yalamukha. ⁹ Mmanyire amanyakhano kao nende obumanani bwao ( araali ewe oli muyiinda).Ne amanyeko aka abo ababoolanga mbwe nabayaudi, araali sinibo, ni isinagogi ya sietani). ¹⁰ Oraria amanyakhano akachia okhunyoola. Lingeera! Sietani adakha okhusukuna abaandi khweng'we mumboye mbwe munyoole oteemibwa, muchia osaanda khu chinyaanga ekhumi. Mube abesikwa okhuula khufwa, ne njia obaberesia isiimbi yo bulamu. ¹¹ Nikali mbwe oli nende okhurwi, bulira aka Rokho aboleera makanisa. Oyo okhira khasi achia khunyoola obudinyu bweliifwa lia khabiri. ¹² " Khu malayika we likanisa lia Perigamu yandiika: Kano niko akaboola oyo oli nende olugaanga , lwokiywa khabiri, ¹³ " manyire abuundu wa wamenya, abuundu we sisaala sio buruki bwa sietani sili. Kata kario ewe wadiira lukali eliira liange ne siwekana obusuubiri bwao obuli khwesie, kata chiinyaanga chila echia Antipasi omuloli wange, omwesikwa wange, oweerwa mweng'we, awo niwo owa sietani yamenya. ¹⁴ Araali ndi nende amakhuwa madidi khwewe: Oli eyo nende abaandu badiira mubudinyirifu ameekesio ka Balamu, oyo owekesia Balaki okhura ebisikirasio imberi wa Isiraili, mbwe balie ebiakhulia ebirusibwe kori ebisakhiro khu ebifwanani mani bakhole obuirani. ¹⁵ Mumbeera eyo sa, kata ewe oli nende abaandi khwabo abadiira mubudinyirifu amekesio ka Banikolai. ¹⁶ Kario wekanire! Ne norakhola orio, njicha lwangu, ne njia okhola eliye khunibo khu lugaanga lurula mumunwa kwange. ¹⁷ ula nende okhurwi, abulire ak Rokho abolera makanisa. Oyo okhira, njia khumuba maana ilia eyakiswa, khaandi ndamuba elikina lilafu eliandikwakho eliira liyiakha, ne abulao owalimanya araali ula olinyoola. ¹⁸ Khu malaika wa Tiatira yandiika kano niko amakhuwa ko Mwana wa Nasaye, oyo oli nende chimoni chiaye kori injeserie yo muliro, ne amakulu kori omugasa okwarudwa lukali:19 Manyire bikholi biao nende obusubiri bwao nende obukhalabani bwao nende obwesimimirisi bwao obujiingu, ne khaandi mbwe sila esiawakhola ambi ano sikhira esiawakhola mukhuchaaka. ²⁰ Araali ndi nende lino khwewe: wesimirisirianga omukhasi Yesebeli owelanganga omwene mbwe omunabii mukhasi. khumekesio kaye akosianga abakholi bange mubuyeyi nende okhulia ebiakhulia birusibwe ebisakhiro khubifwanani. ²¹ Ndamuba ebikha bio khwekanira, araali siyali omwerekefu okhwekanira amabi kaye. ²² Lingeera! Njia omusukuna khusitaanda sia malwaye, nende bala abakholaanga obuyirani ninaye khumanyakhano madinyu, araali sa nibekaniira ebiayakhoola. ²³ Njia okhuya abaana baye bafwe ne makanisa koosi kachia okhumanya mbwe esie nesie okhosianga amapaaro nende emioyo. Njia okhuba buli mulala weng'we esikero sie bikhoole biaye. ²⁴ Araali bandi khweng'we mu Tiatira, khu bala boosi abaradiira eliekesio lino, nende abaramanya sila esia baandi balanga mbwe akamefiso ko mukari kesikhieno,Ngolwa baboola, sinja okhura omukuku kundi akulu wengwe. ²⁵ Kario mukoosi,mudire mubudinyirifu sila esiamuli ninasio okhuula,mukhwiicha khwange ²⁶ Ne oyo okhira, nende okhoola emirimo kiange okhuula obumalrikhi, ndamuba obunyaala akulu we bialo, ²⁷ Achia obaruka khundaukhi ye yichuma, kori ebikaye bie liloba, achia khubafunaka ebidonye bidonye; ngolwa esie ndanyoola bunyala khurula khu Baba wange, 28Nge njia omuba ing'ining'ini ye yichuli. ²⁹ Ouo ali nende okhurwi,abulire elikhuwa lino elia Rokho aboolera amakanisa.