¹ Ndabulira idoboosi ikhongo mukhekalu khubalia bamalaika saba niboola "muchie muchukhe musialo echibakuli saba -echioburima bwa Nasaye" ² Kho malaika wamberi yachia nachukha khusialo ebiali mubakuli yaye. Akarulirao, ebifwiimba bimaanu ebichuuni biarula khubuli ulia yesi owali yafukirira esibalikho sieisolo nende boosi abenamira esifwanani siaye. ³ Malaika wokhubiri nachukha munyanja ebiali mubakuli yaye, amaachi kakalukhana nikekhola amabanga arali sinamabanga malamu, kali nga mabanga komuundu mufu, ne esilonge siosi esiali munyanja siafwa ⁴ Khandi malaika wo khudaru nachukha mumialo nende echisebere chiamachi ebiali mubakuli yaye, amaachi kakalukhana amabanga. ⁵ Ndabulira malaika owali nende obunyala khumachi naboola khu Nasaye " Ewe Nasaye omulungifu oliwo khandi buli lwosi obechangao. Newe mutakatifu omukhalaki webindu bino. ⁶ Abaandu bang'aanya khurula khwewe, beera abaandu bao batakatifu nende abanabii, Kho oyera okhubaberesia sinyasio khulwa okhubaba amabanga okhung'wa sino nisio esibakhoyera. ⁷ Nimbulira omuundu undi mubwali nakalusia "Kario Omwami Nasaye ewe oruka buli sindu okhalakiranga baandu mubulungifu nende obwadieri" ⁸ Malaika wokhune yesi nachukha khuliuba ebiali mubakuli yaye, yaberesibwa obunyali obwokhukhola eliuba okhuba nende abubafu mbwe linyalirwe okhumamula baandu khu muliro. ⁹ Kho abaandu bayia muno nibaboola amamaanu khunasaye okhuba yali nende bunyali obwokhubakhola basandisibwe mungira chino arali basiri bakhaya okhwekalukhania khurula khubiima biabwe ebibi nibakhaya okhumuba oluyali. ¹⁰ Malaika wakharano yachukha khusisaala sioburuki sieisolo ebiali mubakuli yaye, esiirima siafunikha obwami bwayo irukanga. Ne nibaluma echinimi chiabwe khulwa obuchuuni. ¹¹ "Basinyisia Nasaye wo mwikulu okhuba obuchuuni nende ebifwiimba biabwe,khaandi nibakhaya okhwekanira khulwe ekhola chiabwe . ¹² Malaika wakhasasaba yachukha mu mwalo mukhongo okwa Ephrato ebiali mubakuli yaye. Amaachi kakhama okhulwo okhukasia ingira khulwa abaami bali barula ebukwe. ¹³ Nindola emioyo mimaanu kidaru ekifwanana nende amakhere. nikirula mumunwa kwa okuyukha isolo nende abanaabii bobubacha. ¹⁴ Ne emioyo ekiebikhieno ekikhola ebikholero ebiamayia. kiali nikichia khu baruki bebialo bioosi okhulwa khubabuusia amayie khulwe eliye khulwo oludaalo lukhongo olwa Nasaye wa amaani kabwe. ¹⁵ Lingera njicha ngomwibi. Noweikhabi oyo oba meso, nalinda chingubo chiaye, areecha yakenda siekenye, baramubola echisoni chiaye. ¹⁶ Nibababuusia alala abuundu alangwa mulweburania mbwe Amagedoni. ¹⁷ Malaika wa saba yesi nachukha mumiayaka akali mubakuli yaye. Ne idoboosi ikhongo yarula mukhekalu nende khusisaala sioburuki nisibola"kekholekhe" ¹⁸ Khwaliwo nende olumiesu nilumiesukha niluwoola nende okhwadulukha okhurengerekha -nende okhurengerekha khwamaani okhusiiri khubakhoo okhurula abaandu nibaba khusialo,khwali okhurengerekha khwa maani. ¹⁹ , Elidookho likhongo elio nilikabukhanamo ebimeka bidaru nende ebialo nende madookho. Nasaye niyechulisia babeloni ikhongo naberesia esikombe sichule ifini okhurula mubululu bwo burima bwaye. ²⁰ Buli sisinga siakhamao nachio chingulu nichikwalala. ²¹ Amakina makhongo keifula, akayera obusiro chiratili amakhumi kadaru nende chidaru karula mumalesi nikakwa khubaandu. Basinyisia Nasaye okhubeera yali nabasandisie mungira yobuchiuuni khuba esinyasio siali sikhongo muno.